కేంద్రమంత్రికి పాజిటివ్‌.. క్వారంటైన్‌లోకి హర్యానా సీఎం

హర్యానా సీఎం మనోహార్‌ లాల్‌ కట్టర్‌ స్వీయ నిర్భందంలోకి వెళ్లారు. కేంద్ర జల్‌శక్తి మంత్రి గజేంద్ర సింగ్‌ షెకావత్‌కు కరోనా పాజిటివ్‌గా నిర్ధారణ అయిన సంగతి తెలిసిందే. అయితే కేంద్రమంత్రితో హర్యానా సీఎం సట్లేజ్‌ యమునా అనుసంధానానికి సంబంధించిన అంశాలపై ఈ నెల 19వ తేదీన జరిగిన సమావేశంలో పాల్గొన్నారు. ఈ క్రమంలో ముందస్తు జాగ్రత్తగా మనోహర్‌ లాల్‌ కట్టర్ మూడు రోజులపాటు హోం క్వారంటైన్‌లోకి వెళ్లారు.

అయితే గత కొంతకాలంగా కరోనా లక్షణాలున్న పలువురిని కలిశానని.. ఈ నేపథ్యంలో కరోనా టెస్టులు కూడా చేయించుకున్నానని సీఎం కట్టర్ తెలిపారు. అయితే రిపోర్టులో నెగిటివ్‌ వచ్చిందని.. అయినప్పటికీ ముందస్తు జాగ్రత్తగా మూడు రోజులు హోం క్వారంటైన్‌లోకి వెళ్తున్నట్లు తెలిపారు.