UPSC ESE Main 2022: యూపీఎస్సీ ఇంజనీరింగ్ సర్వీసెస్ 2022 మెయిన్ పరీక్ష తేదీ విడుదల.. అడ్మిట్ కార్డుల డౌన్లోడ్ ఇలా..
యూనియన్ పబ్లిక్ సర్వీస్ కమిషన్ ఇంజనీరింగ్ సర్వీసెస్ (మెయిన్) పరీక్ష (UPSC ESE 2022) షెడ్యూల్ విడుదలైంది. ఇంజినీరింగ్ సర్వీసెస్ (మెయిన్) ఎగ్జామినేషన్ 2022 పరీక్షకు సంబంధించిన ...
Updated on: May 25, 2022 | 6:59 AM
UPSC ESE Main Exam Schedule 2022: యూనియన్ పబ్లిక్ సర్వీస్ కమిషన్ ఇంజనీరింగ్ సర్వీసెస్ (మెయిన్) పరీక్ష (UPSC ESE 2022) షెడ్యూల్ విడుదలైంది. ఇంజినీరింగ్ సర్వీసెస్ (మెయిన్) ఎగ్జామినేషన్ 2022 జూన్ 26 (ఆదివారం)న జరగనున్నట్లు యూపీఎస్సీ తెల్పింది. మెయిన్ పరీక్ష ప్రారంభానికి 3 వారాల ముందు కమిషన్ వెబ్సైట్ నుంచి అభ్యర్ధులు అడ్మిట్ కార్డులను (UPSC ESE 2022 Main admit card) డౌన్లోడ్ చేసుకోవచ్చు. యూపీఎస్సీ ఈఎస్ఈ మెయిన్ 2022 పరీక్ష టైమ్టేబుల్ ప్రకారం.. పరీక్ష రెండు షిఫ్టులలో నిర్వహించబడుతుంది. మొదటి షిఫ్ట్ ఉదయం 9 గంటల నుంచి మధ్యాహ్నం 12 గంటల వరకు, రెండవ షిఫ్ట్ మధ్యాహ్నం 2 గంటల నుంచి సాయంత్రం 5 గంటల వరకు జరుగుతుంది. ఇంజినీరింగ్ సర్వీసెస్ (మెయిన్/స్టేజ్II) పరీక్షలో రెండు పేపర్లుంటాయి. ఈ పరీక్ష ఆబ్జెక్టివ్ విధానంలో ఉంటుంది. ప్రతి పేపర్ను నిర్దిష్ట మూడు గంటల వ్యవధిలో రాయవల్సి ఉంటుంది. రెండు పేపర్లకు కలిపి మొత్తం 600 (ప్రతి పేపర్పై 300 మార్కులు) మార్కులకు పరీక్ష ఉంటుంది. వివరణాత్మక టైమ్టేబుల్ అధికారిక వెబ్సైట్లో upsc.gov.in. చెక్ చేసుకోవచ్చు.
యూపీఎస్సీ విడుదల చేసిన ఈఎస్ఈ మెయిన్ 2022 పరీక్ష టైమ్టేబుల్ కోసం క్లిక్ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.
