TS CPGET Results 2022: సెస్టెంబర్‌ 16న విడుదలకానున్న తెలంగాణ పీజీ ఎంట్రన్స్‌ టెస్ట్ ఫలితాలు.. రిజల్ట్స్‌ ఇలా చెక్ చేసుకోండి..

TS CPGET Result 2022 Date: తెలంగాణ స్టేట్ కామన్‌ పోస్ట్ గ్రాడ్యుయేషన్‌ ఎంట్రన్స్‌ టెస్ట్‌ (TS CPGET 2022) ఫలితాలు సెప్టెంబర్ 16న విడుదల కానున్నాయి. సీపీజీఈటీ ఫలితాలు విడుదలైన తర్వాత అధికారిక వెబ్‌సైట్‌ లో రిజల్ట్స్‌ చెక్‌ చేసుకోవచ్చు. ఈ టెస్టులో సాధించిన ర్యాంకు ఆధారంగా ఉస్మానియా యూనివర్సిటీతో (OU పాటు తెలంగాణ రాష్ట్ర వ్యాప్తంగా ఉన్న తెలంగాణ, తెలంగాణ మహిళ, కాకతీయ, పాలమూరు, శాతా వాహన, జేఎన్టీయూ, మహాత్మాగాంధీ వర్సి టీల్లో పోస్టు గ్రాడ్యుయేట్‌, పీజీ డిప్లొమా, 5 ఏళ్ల ఇంటిగ్రేటెడ్‌ పీజీ కోర్సుల్లో ప్రవేశాలు నిర్వహించనున్నారు. కాగా ఆగస్టు 11 నుంచి 23 వరకు జరిగిన TS CPGET 2022 ప్రవేశ పరీక్షకు 67,115 మంది విద్యార్ధులు హాజరయ్యారు. ఇక ఈ పరీక్షకు సంబంధించిన ఆన్సర్‌ ‘కీ’ ఇప్పటికే విడుదలైంది. తుది ఫలితాలు మరో రెండు రోజుల్లో విడుదల చేయనున్నట్లు కన్వినర్‌ ప్రొఫెసర్‌ పాండురంగారెడ్డి ఓ ప్రకటనలో తెలిపారు.

మరిన్ని కెరీర్‌ సంబంధిత వార్తల కోసం ఇక్కడ క్లిక్‌ చేయండి.