TATA Recruitment: బీటెక్‌ చేసిన వారికి టాటా గ్రూప్‌లో ఉద్యోగాలు.. ఏడాదికి రూ. 6 లక్షలు జీతం పొందే అవకాశం.

బీటెక్‌ అర్హతతో ఇంజనీర్‌ పోస్టుల భర్తీకి నోటిఫికేషన్‌ జారీ చేశారు. టాటా స్టీల్‌ సంస్థ టాటా స్టీల్‌ అస్పైరింగ్‌ ఇంజినీర్స్‌ ప్రోగ్రామ్‌-2023 కింద ఈ పోస్టులను భర్తీ చేయనుంది. ఇంతకీ ఈ ప్రోగ్రామ్‌ ఎలా నిర్వహిస్తారు. అభ్యర్థులను ఎలా ఎంపిక చేస్తారన్న పూర్తి వివరాలు మీకోసం.

భర్తీ చేయనున్న పోస్టులు, అర్హతలు..

* టాటా స్టీల్‌ అస్పైరింగ్‌ ఇంజినీర్స్‌ ప్రోగ్రామ్‌-2023 కింద ఇంజినీర్‌ ట్రెయినీ పోస్టులను భర్తీ చేయనున్నారు.

* ఈ పోస్టులకు దరఖాస్తు చేసుకునే అభ్యర్థులు కనీసం 6.5 అకడమిక్‌ పాయింట్లతో బీఈ/ బీటెక్‌/ బీఎస్సీ ఇంజినీరింగ్‌(ఐటీ/ కంప్యూటర్‌ సైన్స్‌) ఉత్తీర్ణత సాధించి ఉండాలి. అంతేకాకుండా మ్యాథ్స్‌/ స్టాటిస్టిక్స్‌/ ఫిజిక్స్‌/ ఆపరేషనల్‌ రిసెర్చ్‌ స్ట్రీమ్‌లో అర్హత సాధించిన ఎంసీఏ/ ఎంఎస్సీ అభ్యర్థులు కూడా దరఖాస్తు చేసుకోవచ్చు.

* అభ్యర్థుల వయసు 01-02-2023 వరకు 30 ఏళ్లు మించకూడదు. ఎస్సీ/ ఎస్టీ అభ్యర్థులకు 32 ఏళ్లు వరకు వయసులో సడలింపు ఉంది.

పూర్తి వివరాలు మీకోసం..

* అభ్యర్థులను కాగ్నిటివ్‌, టెక్నికల్‌ టెస్ట్‌లో మెరిట్‌ సాధించిన అభ్యర్థులకు ఇంటర్వ్యూ నిర్వహిస్తారు.

* మొదట ఇంజినీర్‌ ట్రెయినీ శిక్షణ ఇస్తారు. అనంతరం ఫిక్స్‌డ్‌ టర్మ్‌ ప్రాతిపదికన అసిస్టెంట్‌ మేనేజర్‌ హోదాలో ఉద్యోగం కల్పిస్తారు.

* ట్రెయినీ శిక్షణ సమయంలో నెలకు రూ. 30,000 స్టైపెండ్‌గా అందిస్తారు. అనంతరం ఉద్యోగంలో చేరిన తర్వాత ఏడాదికి రూ. 6.24 లక్షలు చెల్లిస్తారు.

* దరఖాస్తుల స్వీకరణకు 03-03-2023ని చివరి తేదీగా నిర్ణయించారు.

* పూర్తి వివరాల కోసం క్లిక్‌ చేయండి..

మరిన్ని విద్య, ఉద్యోగ వార్తల కోసం క్లిక్‌ చేయండి..