NMDC Recruitment 2021: ఎన్ఎండీసీ జార్ఖండ్‌లో ఉద్యోగాలు.. అర్హులెవ‌రు.? ఎలా ద‌ర‌ఖాస్తు చేసుకోవాలంటే..
NMDC Recruitment 2021: భార‌త ప్ర‌భుత్వ రంగ సంస్థ నేష‌న‌ల్ మిన‌ర‌ల్ డెవ‌ల‌ప్‌మెంట్ కార్పొరేష‌న్ (ఎన్ఎండీసీ) ప‌లు ఉద్యోగాల భ‌ర్తీకి నోటిఫికేష‌న్ జారీ చేసింది. హైద‌రాబాద్ కేంద్రంగా ప‌నిచేసే ఈ సంస్థ‌కు చెందిన...
Updated on: Jun 08, 2021 | 10:13 PM
NMDC Recruitment 2021: భార‌త ప్ర‌భుత్వ రంగ సంస్థ నేష‌న‌ల్ మిన‌ర‌ల్ డెవ‌ల‌ప్‌మెంట్ కార్పొరేష‌న్ (ఎన్ఎండీసీ) ప‌లు ఉద్యోగాల భ‌ర్తీకి నోటిఫికేష‌న్ జారీ చేసింది. హైద‌రాబాద్ కేంద్రంగా ప‌నిచేసే ఈ సంస్థ‌కు చెందిన జార్ఖండ్‌లోని టాకిసుడ్ నార్త్ కోల్‌మైన్‌లో ఉద్యోగుల‌ను తీసుకోనున్నారు. కాంట్రాక్ట్ విధానంలో తీసుకోనున్న ఈ నోటిఫికేష‌న్‌కు సంబంధించిన పూర్తి వివ‌రాల‌పై ఓ లుక్కేయండి..
భ‌ర్తీ చేయ‌నున్న ఖాళీలు, అర్హ‌త‌లు..
* నోటిఫికేష‌న్‌లో భాగంగా మొత్తం 89 పోస్టుల‌ను భ‌ర్తీ చేయ‌నున్నారు. * వీటిలో కొల్లియరీ ఇంజనీర్‌(మెకానికల్, ఎలక్ట్రికల్‌)–02, లెయిజనింగ్‌ ఆఫీసర్‌–02, మైనింగ్‌ ఇంజనీర్‌–12, సర్వేయర్‌–02, ఎలక్ట్రికల్‌ ఓవర్‌మెన్‌–04, మైన్‌ ఓవర్‌మెన్‌–25, మెకానికల్ ఓవర్‌మెన్‌–04, మైన్‌ సిర్దార్‌–38 పోస్టుల‌ను భ‌ర్తీ చేయ‌నున్నారు.
* ఇక పై పోస్టుల‌ను విద్యార్హ‌త‌గా.. పదో తరగతి, సంబంధిత సబ్జెక్టుల్లో ఇంజనీరింగ్‌ డిప్లొమా, ఇంజనీరింగ్‌ డిగ్రీ, పీజీ డిగ్రీ/పీజీ డిప్లొమా ఉత్తీర్ణతతోపాటు వాలిడ్‌ సిర్దార్‌ సర్టిఫికేట్‌ ఉండాలి. వీటితో పాటు సంబంధిత విభాగంలో ప‌ని అనుభవం తప్ప‌నిస‌రి.
ముఖ్య‌మైన విష‌యాలు…
* ఎగ్జిక్యూటివ్‌ గ్రేడ్‌ పోస్టుల ప్ర‌క్రియ‌ను ఇంట‌ర్వ్యూల ఆధారంగా, సూపర్‌వైజర్లు, నాన్‌ ఎగ్జిక్యూటివ్‌ పోస్టులు రాతపరీక్ష సూపర్‌వైజరీ స్కిల్‌ టెస్ట్, స్కిల్‌ టెస్ట్ ఆధారంగా నిర్వ‌హిస్తారు.
* రాత ప‌రీక్ష‌ను మల్టిపుల్‌ ఛాయిస్‌ ప్రశ్నల రూపంలో 100 మార్కులకు నిర్వ‌హిస్తారు. ఈ పరీక్ష ఇంగ్లిష్, హిందీ భాషల్లో ఉంటుంది. * రాతపరీక్షలో అర్హత సాధించిన సూపర్‌వైజరీ పోస్టు అభ్యర్థులను సూపర్‌వైజరీ స్కిల్‌ టెస్ట్‌కు, నాన్‌ ఎగ్జిక్యూటివ్‌ అభ్యర్థులకు స్కిల్‌ టెస్ట్‌కు ఎంపిక చేస్తారు. రాతపరీక్షలో సాధించిన మార్కుల ఆధారంగా తుది ఎంపిక చేస్తారు.
* అర్హత, ఆస‌క్తిక‌లిగిన అభ్య‌ర్థులు ఆన్‌లైన్ ద్వారా ద‌ర‌ఖాస్తు చేసుకోవాల్సి ఉంటుంది.
* ఆన్‌లైన్ ద‌ర‌ఖాస్తుల‌కు చివ‌రి తేదీగా 22.06.2021ని నిర్ణ‌యించారు.
* పూర్తి వివ‌రాల‌కు ఇక్క‌డ క్లిక్ చేయండి..
Also Read: Dinosaur: ప్రపంచంలోనే అతి పెద్ద డైనోసార్ శిలాజాన్ని కనుగొన్న ఆస్ట్రేలియా శాస్త్రవేత్తలు
