KVS Recruitment 2022: నిరుద్యోగులకు కొలువుల జాతర! కేంద్రీయ విద్యాలయాల్లో 13,404 టీచింగ్‌, నాన్‌ టీచింగ్‌ ఉద్యోగాలు.. ఈ అర్హతలుండాలి..

టీచర్‌ ఉద్యోగాల కోసం ఎదురు చూస్తున్న వారికి బంపరాఫర్‌! కేంద్ర ప్రభుత్వ పరిధిలోని వివిధ కేంద్రీయ విద్యాలయాల్లో.. 13,404 టీచింగ్‌, నాన్‌ టీచింగ్‌ (ప్రిన్సిపల్‌, టీజీటీ, పీజీటీ, లైబ్రేరియన్‌ తదితర) పోస్టుల భర్తీకి అర్హులైన అభ్యర్ధుల నుంచి..

Kendriya Vidyalaya Sangathan

Srilakshmi C |

Updated on: Dec 03, 2022 | 5:58 PM

టీచర్‌ ఉద్యోగాల కోసం ఎదురు చూస్తున్న వారికి బంపరాఫర్‌! కేంద్ర ప్రభుత్వ పరిధిలోని వివిధ కేంద్రీయ విద్యాలయాల్లో.. 13,404 టీచింగ్‌, నాన్‌ టీచింగ్‌ (ప్రిన్సిపల్‌, టీజీటీ, పీజీటీ, లైబ్రేరియన్‌ తదితర) పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ కేంద్రీయ విద్యాలయ సంగతన్‌ ప్రకటనను జారీ చేసింది. పోస్టును బట్టి పదో తరగతి, ఇంటర్మీడియట్‌, సంబంధిత స్పెషలైజేషన్లలో పీజీ/బీఈడీ/పీజీ డిప్లొమా/బీఈ/బీటెక్‌/ఎమ్మెస్సీ/బీఎస్సీ/ఎమ్‌సీఏ/బీసీఏ/డిప్లొమా లేదా తత్సమాన కోర్సులో ఉత్తీర్ణత సాధించి ఉండాలి. ఆయా పోస్టులకు దరఖాస్తు చేసుకునే అభ్యర్ధుల వయసు తప్పనిసరిగా 27 నుంచి 50 ఏళ్ల మధ్య ఉండాలి. కేంద్రీయ విద్యాలయాల్లో ఇప్పటికే పనిచేస్తున్నవారికి వయోపరిమితి విషయంలో ఎటువంటి ఆంక్షలు ఉండవు.

ఆసక్తి కలిగిన అభ్యర్ధులు ఆన్‌లైన్ విధానంలో డిసెంబర్‌ 26, 2022వ తేదీ రాత్రి 11 గంటల 59 నిముషాలలోపు దరఖాస్తు చేసుకోవచ్చు. ఆన్‌లైన్ దరఖాస్తు ప్రక్రియ డిసెంబర్ 5వ తేదీ నుంచి ప్రారంభమవుతుంది. అసిస్టెంట్‌ కమిషనర్‌, ప్రిన్సిపల్‌, వైస్‌-ప్రిన్సిపల్‌ పోస్టులకు దరఖాస్తు చేసుకునే అభ్యర్ధులు రూ.2300లు, పీఆర్టీ/టీజీటీ/పీజీటీ/ఫైనాన్స్‌ ఆఫీసర్‌/ఏఈ/లైబ్రేరియన్‌/ఏఎస్‌ఓ/హెచ్‌టీ పోస్టులకు దరఖాస్తు చేసుకునే వారు రూ.1500, ఎస్‌ఎస్ఏ/స్టెనో/జేఎస్‌ఏ పోస్టులకు దరఖాస్తు చేసుకునే వారు రూ.1200లు అప్లికేషన్‌ ఫీజు చెల్లించవల్సి ఉంటుంది. రాత పరీక్ష, డెమో, ఇంటర్వ్యూ ఆధారంగా తుది ఎంపిక ఉంటుంది. ఎంపికైన వారికి నెలకు రూ.25,500ల నుంచి రూ.2,09,200ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్ చేసుకోవచ్చు.