Indian Overseas Bank Jobs 2022: బ్యాంక్ జాబ్స్.. ఇండియన్ ఓవర్సీస్ బ్యాంక్‌లో ఉద్యోగాలు.. ఈ అర్హతలుండాలి..
ఇండియన్ ఓవర్సీస్ బ్యాంక్.. 25 స్పెషలిస్ట్ ఆఫీసర్స్ - ఐటీ ప్రొఫెషనల్ (ఎంఎంజీ స్కేల్-2) పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల..
Updated on: Nov 08, 2022 | 7:08 PM
ఇండియన్ ఓవర్సీస్ బ్యాంక్.. 25 స్పెషలిస్ట్ ఆఫీసర్స్ – ఐటీ ప్రొఫెషనల్ (ఎంఎంజీ స్కేల్-2) పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది. బిజినెస్ అనలిస్ట్, డేటా ఇంజినీర్, క్లౌడ్ ఇంజినీర్, డేటా సైంటిస్ట్, నెట్‌వర్క్ సెక్యూరిటీ ఇంజినీర్, ఒరాకిల్ డీబీఏ, మిడిల్‌వేర్ ఇంజినీర్, సర్వర్ అడ్మినిస్ట్రేటర్, రూటింగ్ అండ్‌ స్విచింగ్ ఇంజినీర్, హార్డ్‌వేర్ ఇంజినీర్, సొల్యూషన్ ఆర్కిటెక్ట్, డిజిటల్ బ్యాంకింగ్, ఏటీఎం మేనేజ్డ్ సర్వీసెస్ అండ్‌ ఏటీఎం స్విచ్, మర్చంట్ అక్విజిషన్‌ తదితర విభాగాల్లో ఖాళీలున్నాయి.
ఈ పోస్టులకు దరఖాస్తు చేసుకునే అభ్యర్ధులు ఏదైనా గుర్తింపు పొందిన యూనివర్సిటీ లేదా ఇన్‌స్టిట్యూట్ నుంచి సంబంధిత స్పెషలైజేషన్‌లో బీఈ/బీటెక్‌/ఎంఈ/ఎంటెక్‌/ఎంఎస్సీ/ఎంబీఏ/ఎంసీఏ/పీజీ డిప్లొమా లేదా తత్సమాన కోర్సులో ఉత్తీర్ణత సాధించి ఉండాలి. అలాగే అభ్యర్ధుల వయసు 25 నుంచి 30 ఏళ్ల మధ్య ఉండాలి. ఈ అర్హతలున్న అభ్యర్ధులు ఆన్లైన్ విధానంలో నవంబర్‌ 30, 2022వ తేదీలోపు దరఖాస్తు చేసుకోవచ్చు. దరఖాస్తు సమయంలో జనరల్‌ అభ్యర్ధులు రూ.500లు, ఎస్సీ/ఎస్టీ/పీడబ్ల్యూడీ అభ్యర్ధులు రూ.100లు రిజిస్ట్రేషన్‌ ఫీజు చెల్లించవల్సి ఉంటుంది. ఆన్లైన్ రాత పరీక్ష, ఇంటర్వ్యూ ఆధారంగా తుది ఎంపిక ఉంటుంది. అర్హత సాధించిన వారికి నెలకు రూ.48,170ల నుంచి రూ.69,810ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.
పూర్తి సమాచారం కోసం క్లిక్ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.
