CISF Recruitment 2022: సెంట్రల్‌ ఇండస్ట్రియల్‌ సెక్యురిటీ ఫోర్స్‌లో 540 కానిస్టేబుల్ పోస్టులు.. నేటి నుంచి ప్రారంభమైన ఆన్‌లైన్‌ దరఖాస్తులు..
భారత ప్రభుత్వ రక్షణ మంత్రిత్వశాఖకు చెందిన సెంట్రల్‌ ఇండస్ట్రియల్‌ సెక్యురిటీ ఫోర్స్‌ (Central Industrial Security)లో 540 అసిస్టెంట్‌ సబ్‌ ఇన్స్‌స్పెక్టర్‌ (స్టెనోగ్రాఫర్‌), హెడ్‌ కానిస్టేబుల్ (మినిస్ట్రీరియల్‌) పోస్టుల (ASI and Head Constable Posts) భర్తీకి దరఖాస్తులు ఈ రోజు నుంచి ప్రారంభమయ్యాయి. ఆసక్తి కలిగిన స్రీ/పురుష..
Updated on: Sep 26, 2022 | 9:12 AM
CISF ASI and Head Constable Recruitment 2022: భారత ప్రభుత్వ రక్షణ మంత్రిత్వశాఖకు చెందిన సెంట్రల్‌ ఇండస్ట్రియల్‌ సెక్యురిటీ ఫోర్స్‌ (Central Industrial Security)లో 540 అసిస్టెంట్‌ సబ్‌ ఇన్స్‌స్పెక్టర్‌ (స్టెనోగ్రాఫర్‌), హెడ్‌ కానిస్టేబుల్ (మినిస్ట్రీరియల్‌) పోస్టుల (ASI and Head Constable Posts) భర్తీకి దరఖాస్తులు ఈ రోజు నుంచి ప్రారంభమయ్యాయి. ఆసక్తి కలిగిన స్రీ/పురుష అభ్యర్ధులు ఆన్‌లైన్‌ విధానంలో సెప్టెంబర్‌ 26వ తేదీ నుంచి దరఖాస్తు చేసుకోవచ్చు. మొత్తం పోస్టుల్లో అసిస్టెంట్‌ సబ్‌ ఇన్స్‌స్పెక్టర్‌ పోస్టులు 122 ఉండగా, హెడ్‌ కానిస్టేబుల్ పోస్టులు 418 వరకు ఉన్నాయి. ఈ పోస్టులకు దరఖాస్తు చేసుకునే అభ్యర్ధులు ఏదైనా గుర్తింపు పొందిన బోర్డు లేదా ఇన్‌స్టిట్యూట్‌ నుంచి ఇంటర్‌ లేదా తత్సమాన కోర్సులో ఉత్తీర్ణత సాధించి ఉంటే చాలు. అలాగే అక్టోబర్‌ 25, 2022వ తేదీనాటికి18 నుంచి 25 ఏళ్ల మధ్య వయసున్న వారు ఎవరైనా దరఖాస్తు చేసుకోవచ్చు. ఈ రోజు నుంచి అక్టోబర్‌ 25, 2022వ తేదీ సాయంత్రం 5 గంటల లోపు దరఖాస్తు ప్రక్రియ కొనసాగుతుంది. ఐతే దరఖాస్తు సమయంలో జనరల్ అభ్యర్ధులు రూ.100లు అప్లికేషన్‌ ఫీజు చెల్లించవల్సి ఉంటుంది. ఎస్సీ/ఎస్టీ/ఈఎస్‌ఎం/మహిళా అభ్యర్ధులకు మాత్రం ఫీజు మినహాయింపు వర్తిస్తుంది. ఆన్‌లైన్‌ రాత పరీక్ష, స్కిల్‌ టెస్ట్‌, మెడికల్‌ ఎగ్జామినేషన్‌ ఆధారంగా ఎంపిక చేస్తారు. అర్హత సాధించిన వారికి జీతభత్యాలు ఈ కింది విధంగా ఉంటాయి. ఇతర వివరాలు ఆధికారిక నోటిఫికేషన్‌లో చెక్‌ చేసుకోవచ్చు.
- అసిస్టెంట్‌ సబ్‌ ఇన్స్‌పెక్టర్‌ పోస్టులకు నెలకు రూ.29,200ల నుంచి రూ.92,300ల వరకు
- హెడ్‌ కానిస్టేబుల్ పోస్టులకు నెలకు రూ.25,500ల నుంచి రూ.81,100ల వరకు
పూర్తి సమాచారం కోసం క్లిక్‌ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.
