FD Interest Rates: ఈ బ్యాంకుల్లో అత్యధిక వడ్డీ.. ఎఫ్‌డీ చేస్తే ఇక్కడే చేయాలి..

Fixed Deposit

హామీతో కూడిన రిస్క్ లేని బెస్ట్ పెట్టుబడి పథకాలు ఫిక్స్‌డ్ డిపాజిట్లు. వీటిల్లో స్థిరమైన రాబడి వస్తుంది. భారతీయ శ్రామిక-తరగతి వ్యక్తులు తమ నిధులను అధిక ద్రవ్యోల్బణం నుంచి రక్షించుకోవడానికి, అనిశ్చిత అత్యవసర పరిస్థితులను ఆర్థిక మద్దతుతో పరిష్కరించేందుకు ఈ ఫిక్స్ డ్ డిపాజిట్లు బాగా ఉపకరిస్తాయి. పైగా మన దేశంలో వ్యక్తుల జీతాలు కూడా ఈ ఏడాది పెరుగుతాయని పలు వార్త నివేదికలు చెబుతున్నాయి. ఈ క్రమంలో పొదుపు వైపు అందరూ చూసే అవకాశం ఉంది. ఈ క్రమంలో వారికి రిస్క్ పెట్టుబడి పథకాల్లో మొదటి ఆప్షన్ ఈ ఫిక్స్‌డ్ డిపాజిట్లు. వీటిని ప్రభుత్వ రంగ బ్యాంకులు, పబ్లిక్ సెక్టార్ బ్యాంకులు(పీఎస్బీలు), పోస్టు ఆఫీసుల్లో ప్రారంభించే అవకాశం ఉంది. సాధారణంగా పీఎస్బీలు అధిక వడ్డీని అందిస్తాయి. కొత్తగా రివైజ్ చేసిన వడ్డీ రేట్ల ప్రకారం సాధారణ ప్రజలకు 7% కంటే ఎక్కువ వడ్డీ రేట్లు ఉంటాయి. అయితే కొన్ని ప్రత్యేక టర్మ్ డిపాజిట్లు 7.6% రాబడిని అందిస్తాయి. ఇన్వెస్టర్లు టర్మ్ మెచ్యూరిటీ వరకు 2 నుంచి 3 ఏళ్లు పెట్టుకుంటే అత్యధిక ప్రయోజనాలను పొందే అవకాశం ఉంది. అదే సమయంలో ప్రభుత్వ రంగ బ్యాంకులు కూడా ప్రైవేట్ ఆర్థిక సంస్థలకు గట్టి పోటీనిస్తున్నాయి. ఈ నేపథ్యంలో ఫిక్స్‌డ్ డిపాజిట్ల పై అత్యధిక వడ్డీనిచ్చే ప్రభుత్వ రంగ బ్యాంకుల వివరాలు మీకు అందిస్తున్నాం. ఇవి 2024 జనవరి నెలలో తమ వడ్డీ రేట్లను సవరించాయి. ఆ బ్యాంకుల వివరాలు ఇవే..

బ్యాంక్ ఆఫ్ బరోడా (బీఓబీ)..

బ్యాంక్ ఆఫ్ బరోడా మంచి వడ్డీ రేటు అందిస్తోంది. 2 నుంచి 3 సంవత్సరాల మధ్య టర్మ్ డిపాజిట్లు తీసుకుంటే గడువు ముగిసే సమయానికి 7.25% రాబడిని అందిస్తున్నాయి. దీంతో పీఎస్బీల కన్నా ఇది ముందుంది. కాగా బరోడా అడ్వాంటేజ్ ఫిక్స్‌డ్ డిపాజిట్ స్కీమ్ వడ్డీ రేటు ప్రయోజనకరంగా ఉంటుంది, ఎందుకంటే ఇది అదే కాలానికి 7.4% రాబడిని అందిస్తుంది. అలాగే బీఓబీ 399 డేస్ లేదా బరోడా తిరంగా ప్లస్ డిపాజిట్ స్కీమ్లో కూడా డిపాజిట్లకు 399 రోజుల ముగిసే సమయానికి 7.3% వడ్డీ రాబడిని అందిస్తుంది. అదే విధంగా బీఓబీ 360డీ లేదా 360-రోజుల టర్మ్ డిపాజిట్లు 7.1% వడ్డీ రేటును కలిగి ఉంటాయి. ఇన్వెస్టర్లు మెచ్యూరిటీ తర్వాత మళ్లీ పెట్టుబడి పెట్టవచ్చు.

స్టేట్ బ్యాంక్ ఆఫ్ ఇండియా (ఎస్బీఐ)..

మన దేశంలో అతిపెద్ద ప్రభుత్వ బ్యాంకు ఇది. దీనిలో ప్రత్యేక పథకం ‘ఎస్బీఐ వీకేర్ ఉంటుంది. స్టేట్ బ్యాంక్ ఆఫ్ ఇండియా వ్యక్తులు, సమూహ ఖాతాదారులు ఇతర పొదుపులు, స్థిర డిపాజిట్ ఖాతాల కంటే అధిక వడ్డీ రేట్లను పొందేందుకు అనుమతిస్తుంది. సవరించిన వడ్డీ స్లాబ్ ప్రకారం, రూ. 2కోట్ల ఫండ్ బ్యాలెన్స్ కంటే తక్కువ డిపాజిట్ ఖాతా వడ్డీ రేటు 7శాతం ఉంటుంది. 2 నుంచి 3 సంవత్సరాల మధ్య మెచ్యూరిటీ అవుతుంది. ఈ ఎస్బీఐ వీ కేర్ పథకంంలో పెట్టుబడిదారులకు వడ్డీ రేట్లపై అదనంగా 50 బేసిస్ పాయింట్లు వస్తాయి. దీంతో మొత్తం 7.5% వార్షిక వడ్డీ అందుతుంది. అదే విధంగా సాధారణ ప్రజల కోసం మరొక ప్రత్యేక టర్మ్ డిపాజిట్ ఎస్బీఐ అమృత్ కలాష్ పథకం ఉంటుంది. ఇది వార్షికంగా 7.1% వడ్డీ రేటుతో 400-రోజుల వ్యవధితో ఉంటుంది. సంవత్సరానికి 7.6% వరకు పెరిగిన వడ్డీ రేట్లతో ఈ పథకాన్ని సీనియర్ సిటిజన్‌లు కూడా పొందవచ్చు.

ఐడీబీఐ బ్యాంక్..

ఈ బ్యాంకులో 2 నుంచి 3 సంవత్సరాలలోపు మెచ్యూర్ అయ్యే డిపాజిట్లకు అందించే వడ్డీ రేటు సంవత్సరానికి 7%. ఐడీబీఐ బ్యాంక్ సాధారణ టర్మ్ డిపాజిట్ స్కీమ్‌ల కంటే ప్రత్యేక ఎఫ్డీ పథకాల వడ్డీ రేట్లు మరింత ఆకర్షణీయంగా ఉంటాయి. సవరించిన నిబంధనల తర్వాత 375 రోజుల టర్మ్ డిపాజిట్ కోసం ప్రత్యేక ఉత్సవ్ కాలబుల్ ఎఫ్డీ పై 7.1% వడ్డీ అందిస్తుంది. అదే విధంగా 444 రోజుల టర్మ్ డిపాజిట్‌కి వడ్డీ రేట్లు సంవత్సరానికి 7.25%. స్పెషల్ నాన్-కాలబుల్ రిటైల్ టర్మ్ డిపాజిట్ల ప్రకారం, 444 రోజుల కంటే ఎక్కువ ఉన్న డిపాజిటర్ పార్కింగ్ ఫండ్‌లకు 7.3% వడ్డీ రేటు అందుబాటులో ఉంటుంది. అయితే 2 నుంచి 3 సంవత్సరాల వ్యవధిలో డిపాజిట్లపై ఇదే విధమైన వడ్డీ రేటు హామీ ఇస్తుంది.

మరిన్ని బిజినెస్ వార్తల కోసం ఇక్కడ క్లిక్ చేయండి..