Business Idea: ఉద్యోగం బోర్‌ కొడుతోందా.? ఈ ఐడియాలు మీ జీవితాన్ని మార్చేస్తాయ్‌..
ఉన్నత చదువులు చదివి కూడా వ్యాపారంలో రాణించాలని ఆశిస్తున్నారు. నలుగురు వెళ్లే దారిలో కాకుండా తమకంటూ ఓ ప్రత్యేక దారి ఉండాలని ఆశిస్తున్నారు. ఆ దిశగా అడుగులు వేస్తూ వ్యాపారవేత్త కావాలనే తమ ఆశలను నెరవేర్చుకుంటున్నారు. ఇలా సమాజంలో ఉన్న అవసరాలను తమకు అనుకూలంగా మార్చుకుంటూ...
మారుతోన్న కాలానికి అనుగుణంగా ప్రజల ఆలోచనల్లోనూ మార్పులు వస్తున్నాయి. ముఖ్యంగా యువత వైవిధ్యంగా ఆలోచిస్తోంది. ఉన్నత చదువులు చదివి కూడా వ్యాపారంలో రాణించాలని ఆశిస్తున్నారు. నలుగురు వెళ్లే దారిలో కాకుండా తమకంటూ ఓ ప్రత్యేక దారి ఉండాలని ఆశిస్తున్నారు. ఆ దిశగా అడుగులు వేస్తూ వ్యాపారవేత్త కావాలనే తమ ఆశలను నెరవేర్చుకుంటున్నారు. ఇలా సమాజంలో ఉన్న అవసరాలను తమకు అనుకూలంగా మార్చుకుంటూ వ్యాపారాల్లో రాణిస్తున్నారు. అలాంటి కొన్ని బెస్ట్‌ బిజినెస్ ఐడియాలు, ఇతర ఆదాయ మార్గాల గురించి ఇప్పుడు తెలుసుకుందాం..
* ఇంట్లో భార్యభర్తలు ఇద్దరూ ఉద్యోగం చేసే పరిస్థితులు ఉన్నాయి. దీంతో చిన్నారుల పెంపంక ఛాలెంజింగ్‌గా మారింది. ఈ సమస్యనే బిజినెస్ ఐడియాగా మార్చుకోచవ్చు. బేబీ సిట్టింగ్‌ వ్యాపారాన్ని ప్రారంభించవచ్చు. పేరెంట్స్‌ సాయంత్రం వచ్చే వరకు చిన్నారుల సంరక్షణ చూసుకోవడమే ఈ బేబి సిస్టింగ్ కాన్సెప్ట్‌. దీనికి పెద్దగా ఖర్చు కూడా అవసరం ఉండదు. అయితే ఈ వ్యాపార్ని ఇంకాస్తా ఎక్స్‌పాండ్ చేసుకోవాలంటే డే టేక్‌ సెంటర్‌లాగా మార్చుకోవచ్చు.
* ఈ రోజుల్లో అందానికి ప్రాధాన్యత పెరుగుతోంది. ఒకప్పుడు కేవల పెళ్లిలకు మాత్రమే మేకప్‌ చేసుకునే వారు, కానీ ఇప్పుడు ఇంట్లో చిన్న చిన్న పార్టీలకు సైతం మేకప్‌ ఆర్టిస్టులను ఆశ్రయిస్తున్నారు. కాబట్టి ఏదైన బ్యూటీషియన్‌ కోర్స్‌ చేయడం ద్వారా మీరే సొంతంగా వ్యాపారం ప్రారంభించవచ్చు. నేరుగా క్లైంట్ ఇంటికి వెళ్లి మేకప్‌ చేసే రోజులు వచ్చేశాయ్‌. కాబట్టి షాప్‌ రెంట్‌ లాంటివి ఏం లేకుండానే సంపాదించుకోవచ్చు. పైగా మీకు మీరే బాస్.
* విద్యార్థులకు ట్యూషన్ చెప్పడం అనేది ఎవర్‌గ్రీన్‌ బిజినెస్‌గా చెప్పొచ్చు. దీనికోసం రోజులో కొద్ది సమయం స్పెండ్ చేస్తే చాలు. పైగా రూపాయి పెట్టుబడి లేకుండానే ట్యూషన్స్‌ చెప్పొచ్చు. మీ నాలెడ్జ్‌ ఇంప్రూవ్‌ అవ్వడంతో పాటు మంచి ఆదాయం సైతం పొందొచ్చు.
* ఇక ప్రస్తుతం ఫ్రీలాన్సర్స్‌కి డిమాండ్‌ పెరుగుతోంది. ఒకే కంపెనీలు ఏళ్లు తరబడి పని చేయడం నచ్చని కొందరు ఫ్రీలాన్సింగ్ దారి పడుతున్నారు. నచ్చినన్ని రోజులు ఉద్యోగం చేసి మానేసి మరోటి వెతుక్కుంటున్నారు. మీకు ఎడిటింగ్‌, కంటెంట్‌ రైటింగ్‌, వెబ్ డిజైనింగ్‌లో ప్రావీణ్యం ఉంటే ఫ్రీలాన్సర్‌గా మంచి ఆదాయం పొందొచ్చు.
* క్లౌడ్‌ కిచెన్‌ సేవలు ఇటీవల బాగా ఆదరణ పొందుతున్నాయి. ఫుడ్‌ డెలివరీ యాప్స్‌ విస్తృతి పెరుగుతోన్న ప్రస్తుత తరుణంలో.. చాలా మంది ఇంట్లోనే వంటలు చేస్తూ ఫుడ్‌ డెలివరీ యాప్స్‌లో విక్రయిస్తూ లాభాలు ఆర్జిస్తున్నారు. మీకు ఒకవేళ వంట చేయడంలో ప్రావిణ్యం ఉంటే ఇది బెస్ట్‌ బిజినెస్‌గా చెప్పొచ్చు.
మరిన్ని బిజినెస్ వార్తల కోసం క్లిక్ చేయండి..
