Fixed Deposits: ఐదేళ్ల ఎఫ్‌డీలపై అత్యధిక వడ్డీనిచ్చే టాప్ బ్యాంకులు ఇవే..

ఫిక్స్‌డ్ డిపాజిట్ అంటే ప్రజలకు అపారమైన నమ్మకం. సురక్షితమైన పెట్టుబడి పథకంగా ప్రజలు దీనిలో పెట్టుబడులు పెడుతుంటారు. దీనిలో స్థిరమైన వడ్డీ రేటుతో పాటు కచ్చితమైన రాబడి వస్తుండటంతో అందరూ వీటివైపు మొగ్గుచూపుతున్నారు. దీనిలో వడ్డీ రేటు కాల వ్యవధిపైన ఆధారపడి ఉంటుంది. ఎక్కువ కాలానికి ఎఫ్ డీ చేసుకుంటే అధిక వడ్డీ అవకాశాన్ని కొన్ని బ్యాంకులు అందిస్తాయి. సాధారణంగా స్వల్పకాలిక బ్యాంక్ ఎఫ్డీ (ఆరు నెలల వరకు)లపై 3 నుంచి 4.5 శాతం మధ్య వడ్డీ రేటును అందిస్తాయి. పదవీకాలం ఒక సంవత్సరం వరకు పొడిగించినప్పుడు, వడ్డీ రేటు 6 శాతానికి పెరుగుతుంది. కాబట్టి, పదవీకాలం పెరిగేకొద్దీ, వడ్డీ రేటు కూడా పైకి పెరుగుతుంది. అదే సమయంలో అన్ని బ్యాంకుల్లో వడ్డీ రేటు ఒకే విధంగా ఉండదు. బ్యాంకులను బట్టి ఈ వడ్డీ రేటు మారుతుంటుంది. ఈ క్రమంలో ఐదు సంవత్సరాల ఎఫ్డీలపై ప్రధాన బ్యాంకులు అందించే వడ్డీ రేట్ల వివరాలు ఇప్పుడు తెలుసుకుందాం..

5-సంవత్సరాల ఎఫ్డీ అత్యధిక వడ్డీని అందిస్తున్న బ్యాంకులు..

మార్కెట్లో అనేక సంస్థలు ఫిక్స్ డ్ డిపాజిట్లను అందిస్తున్నాయి. ఒక్కో సంస్థలో ఒక్కో రకమైన వడ్డీ రేటు ఉంటుంది. ఇప్పుడు 5-సంవత్సరాల ఎఫ్డీ అత్యధిక వడ్డీని అందిస్తున్న టాప్ బ్యాంకుల గురించి ఇప్పుడు తెలుసుకుందాం..

ఐసీఐసీఐ బ్యాంక్ : ఐసిఐసిఐ బ్యాంక్ సాధారణ పౌరులకు ఐదు సంవత్సరాల పదవీకాలంపై 7 శాతం వడ్డీని అందిస్తోంది. సీనియర్ సిటిజన్లు తమ ఐదేళ్ల ఎఫ్డీలో 7.5 శాతం పొందేందుకు అర్హులు. ఈ రేట్లు జూలై 12, 2024 నుంచి అమలులోకి వచ్చాయి.

హెచ్డీఎఫ్సీ బ్యాంక్ : ఈ ప్రైవేట్ బ్యాంక్ ఐదు సంవత్సరాల ఫిక్స్‌డ్ డిపాజిట్లపై 7 శాతం వడ్డీని అందిస్తోంది. సీనియర్ సిటిజన్లు అదనంగా 50 బేసిస్ పాయింట్లు పొందేందుకు అర్హులు. ఈ రేట్లు జూన్ 12, 2024 నుంచి అమలులోకి వచ్చాయి.

కోటక్ మహీంద్రా బ్యాంక్: కోటక్ మహీంద్రా బ్యాంక్ తన ఐదేళ్ల ఫిక్స్‌డ్ డిపాజిట్‌పై సాధారణ పౌరులకు 6.2 శాతం మరియు సీనియర్ సిటిజన్‌లకు 6.7 శాతం అందిస్తుంది. ఈ రేట్లు జూన్ 14, 2024 నుండి అమల్లోకి వచ్చాయి.

స్టేట్ బ్యాంక్ ఆఫ్ ఇండియా (ఎస్బీఐ) : అతిపెద్ద పబ్లిక్ లెండర్ తన ఐదేళ్ల కాలవ్యవధిలో సాధారణ పౌరులకు ఫిక్స్‌డ్ డిపాజిట్లపై 6.5 శాతం అందిస్తోంది. అదే పదవీ కాలానికి సీనియర్ సిటిజన్‌లకు 7.5 శాతం ఆఫర్ చేసింది. ఈ వడ్డీ రేట్లు జూన్ 15, 2024 నుంచి అమల్లోకి వచ్చాయి.

పంజాబ్ నేషనల్ బ్యాంక్ (పీఎన్బీ): జూన్ 10, 2024 నుంచి అమల్లోకి వచ్చిన వడ్డీ రేట్ల ప్రకారం, ప్రభుత్వ రంగ రుణదాత సాధారణ పౌరులకు ఐదేళ్ల కాలపరిమితిపై 6.5 శాతం అందిస్తోంది, సీనియర్ సిటిజన్‌లు 7 శాతం పొందేందుకు అర్హులు.

బ్యాంక్ ఆఫ్ బరోడా (బీఓబీ): అతిపెద్ద ప్రభుత్వ రంగ బ్యాంకులలో ఒకటైన బీఓబీ ఐదేళ్ల డిపాజిట్లపై 6.5 శాతం అందిస్తోంది. సీనియర్ సిటిజన్‌లకు 7.15 శాతం అందిస్తామని బ్యాంక్ వెబ్‌సైట్ లో కనిపిస్తుంది. రేట్లు జూన్ 12, 2024 నుంచి అమల్లోకి వచ్చాయి.

మరిన్ని బిజినెస్ వార్తల కోసం ఇక్కడ క్లిక్ చేయండి..