Minimum Pension: పెరుగుతున్న కనీస పింఛన్ డిమాండ్లు.. ప్రైవేట్ ఉద్యోగులకు ఊరట దక్కేనా..?

ఇటీవల కేంద్ర ప్రభుత్వ ప్రభుత్వ రంగ ఉద్యోగుల కోసం ఏకీకృత పెన్షన్ స్కీమ్ (యుపిఎస్)ను అభివృద్ధి చేస్తుంది. అయితే ప్రభుత్వం తమ పెన్షన్ సమస్యలను పరిష్కరించాలని ప్రైవేట్ రంగ ఉద్యోగులు కోరుతున్నారు. ప్రస్తుతం ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్ఓ) పరిధిలో ఉన్న ప్రైవేట్ ఉద్యోగులు ఉద్యోగుల పెన్షన్ స్కీమ్ (ఈపీఎస్) ద్వారా కనీస పెన్షన్‌ను పొందుతున్నారు. పెరుగుతున్న ఖర్చుల నేపథ్యంలో తమ నెలవారీ పెన్షన్‌ను గణనీయంగా పెంచాలని కోరుతున్నారు. చెన్నైలోని ఈపీఎఫ్ పెన్షనర్స్ వెల్ఫేర్ అసోసియేషన్ ఇటీవల కేంద్ర మంత్రి మన్సుఖ్ మాండవియాకు లేఖ పంపింది. కనీస పెన్షన్‌ను ప్రస్తుత మొత్తం నుండి 9,000 రూపాయలకు పెంచాలని అభ్యర్థించింది. ఈపీఎస్ పథకం ప్రస్తుతం దేశవ్యాప్తంగా సుమారు 75 లక్షల మంది ఉద్యోగులను కవర్ చేస్తుంది. కొత్త యూపీఎస్ నుంచి 23 లక్షల మంది కేంద్ర ఉద్యోగులు ప్రయోజనం పొందుతారు. అంతకంటే ఎక్కువ మంది ఉద్యోగుల పింఛన్ విషయంలో కూడా చర్యలు తీసుకోవాలని కోరుతుంది. 

పెన్షన్ సమస్యను నేరుగా ప్రధాని నరేంద్ర మోదీ దృష్టికి తీసుకెళ్లాలని చెన్నై ఈపీఎఫ్ పెన్షనర్స్ వెల్ఫేర్ అసోసియేషన్ కోరింది. కనీస పెన్షన్‌ను రూ.7,500కి పెంచాలని కోరుతూ గత జూలైలో ఢిల్లీలో ఈపీఎస్-95 జాతీయ ఆందోళన కమిటీ నిరసన తెలిపిందని గుర్తు చేశారు. ఈ కమిటీ మహారాష్ట్ర నుండి దాదాపు 78 లక్షల మంది రిటైర్డ్ పెన్షనర్లకు ప్రాతినిధ్యం వహిస్తుంది. దేశవ్యాప్తంగా ఉన్న 7.5 కోట్ల పారిశ్రామిక రంగ ఉద్యోగుల కోసం ఈ సంఘం పోరాడుతుంది. ప్రస్తుతం ఈపీఎస్ 1995 పథకం కింద కనీస పింఛను రూ. 1,000గా ఉంది. కనీస పింఛన్‌ను 2014లో కేంద్రం ఆమోదించింది. గత సంవత్సరం కార్మిక మంత్రిత్వ శాఖ ఈ మొత్తాన్ని రూ. 2,000కి పెంచాలని ప్రతిపాదించింది. అయితే ఆర్థిక మంత్రిత్వ శాఖ ఈ మార్పును ఇంకా ఆమోదించలేదు.

ఎంప్లాయీస్ పెన్షన్ స్కీమ్ కింద పెన్షన్‌లు నిర్దిష్ట సూత్రాన్ని ఉపయోగించి లెక్కిస్తారు. పింఛను మొత్తం ఒక ఉద్యోగి యొక్క ప్రాథమిక వేతనాన్ని వారి మొత్తం సర్వీస్ సంవత్సరాలతో గుణించి ఆపై ఫలితాన్ని 70తో భాగించడం ద్వారా నిర్ణయిస్తారు. ఉదాహరణకు, ఒక ఉద్యోగి ప్రాథమిక జీతం రూ. 50,000 అయితే వారు 30 సంవత్సరాలు పనిచేస్తే (50,000 x 30) / 70 చేస్తే అతనికి నెలవారీ పింఛన్ రూ. 21,428 వస్తుంది. ప్రైవేట్ రంగ ఉద్యోగులు ప్రతి నెలా తమ ప్రాథమిక జీతంలో 12 శాతం ఎంప్లాయీస్ ప్రావిడెంట్ ఫండ్ (ఈపీఎఫ్)కి జమ చేస్తారు. యజమానులు కూడా అదనంగా 12 శాతం కలిపి జమ చేస్తారు. యజమాని 12 శాతం సహకారంలో 8.33 శాతం ఈపీఎస్ పెన్షన్ ఫండ్‌కు కేటాయించి, మిగిలిన 3.67 శాతం ఉద్యోగి ఈపీఎఫ్ ఖాతాలో జమ చేస్తారు. ప్రస్తుతం పీఎఫ్ తగ్గింపు రూ. 15,000 నుంచి ప్రారంభమయ్యే జీతాలకు వర్తిస్తుంది. అయితే ఇటీవల కార్మిక మంత్రిత్వ శాఖ నుంచి వచ్చిన ప్రతిపాదన మేరకు ఈ పరిమితిని రూ. 21,000కి పెంచాలని సూచిస్తున్నారు. 

ఇవి కూడా చదవండి

రైల్వే టిక్కెట్‌పై ఉండే PNR అర్థం ఏంటి? ప్రయాణంలో ఎంతో ముఖ్యం!

బ్యాంకులో ఒకేసారి ఎన్ని చిరిగిన నోట్లను మార్చుకోవచ్చు..!

ఆర్బీఐ బిగ్‌ షాక్‌.. ఈ రెండు పెద్ద బ్యాంకులపై కోట్లాది జరిమానా!

ప్రపంచంలో మొదటి ట్రిలియనీర్ ఎవరు అవుతారు? ఎంత సంపద ఉండాలి?

మరిన్ని బిజినెస్ వార్తల కోసం ఇక్కడ క్లిక్ చేయండి