RBI: పేటీఎంకు బిగ్ షాక్..! లైసెన్స్ రద్దు.. కారణాలు ఇవే!
పేటీఎం పేమెంట్స్ బ్యాంక్కు ఆర్బిఐ భారీ ఎదురుదెబ్బ తగిలించింది. బ్యాంకింగ్ నిబంధనలను ఉల్లంఘించినందుకు ఆర్బిఐ కఠిన ఆంక్షలు విధించింది. ఇది బ్యాంక్ కార్యకలాపాలపై తీవ్ర ప్రభావం చూపనుంది. డిజిటల్ చెల్లింపులు, లక్షలాది కస్టమర్ల నిధుల భద్రత, బ్యాంక్ భవిష్యత్తుపై తీవ్ర అనిశ్చితి నెలకొంది.
Updated on: Apr 24, 2026 | 10:04 PM
డిజిటల్ పేమెంట్స్ రంగంలో ప్రముఖ సంస్థగా ఎదిగిన పేటీఎం పేమెంట్స్ బ్యాంక్ లిమిటెడ్కు భారీ ఎదురుదెబ్బ తగిలింది. RBI తీసుకున్న తాజా నిర్ణయాలతో ఆ బ్యాంక్ కార్యకలాపాలపై తీవ్ర ప్రభావం పడింది. బ్యాంకింగ్ నిబంధనలను ఉల్లంఘించినట్లు గుర్తించిన ఆర్బిఐ, పేమెంట్స్ బ్యాంక్ కార్యకలాపాలపై కఠిన ఆంక్షలు విధించింది. సెంట్రల్ బ్యాంక్ విడుదల చేసిన ప్రకటన ప్రకారం.. ఆ బ్యాంక్ నిర్వహణ, ఆపరేషన్లు ప్రజా ప్రయోజనాలకు అనుగుణంగా లేవని తేలింది.
అలాగే పేమెంట్స్ బ్యాంక్ లైసెన్స్కు సంబంధించిన కీలక షరతులను పాటించడంలో విఫలమైందని ఆర్బిఐ పేర్కొంది. ఈ నేపథ్యంలో కొత్త కస్టమర్లను చేర్చుకోవడంపై ఇప్పటికే అమల్లో ఉన్న నిషేధాన్ని కొనసాగిస్తూ, మరిన్ని పరిమితులు విధించారు. ఇప్పటికే గతంలో కూడా ఆర్బిఐ ఈ బ్యాంక్పై పలు చర్యలు తీసుకుంది. ముఖ్యంగా 2022 మార్చి 11 నుంచి కొత్త కస్టమర్లను చేర్చుకోవడాన్ని నిలిపివేయడం, అలాగే ఖాతాల్లో డిపాజిట్లు, వాలెట్ టాప్-అప్లు వంటి సేవలపై పరిమితులు విధించడం జరిగింది.
తాజా నిర్ణయాలతో ఈ ఆంక్షలు మరింత కఠినమయ్యాయి. ఈ పరిణామాలతో పేటీఎం పేమెంట్స్ బ్యాంక్ భవిష్యత్తుపై అనిశ్చితి నెలకొంది. ముఖ్యంగా ఈ బ్యాంక్ సేవలను వినియోగిస్తున్న లక్షలాది కస్టమర్లపై దీని ప్రభావం పడే అవకాశం ఉంది. అయితే వినియోగదారుల నిధుల భద్రతకు ప్రాధాన్యం ఇస్తూ ఆర్బిఐ తగిన చర్యలు తీసుకుంటుందని నిపుణులు భావిస్తున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి
