e-Shram portal: ఇ-శ్రమ్ పోర్టల్‌లో ఏయే వర్గాల వారు నమోదు చేసుకున్నారు..? వారికి 2 లక్షల ప్రయోజనం..!

e-Shram portal: ఈ -శ్రమ్ పోర్టల్‌లో నమోదైన అసంఘటిత రంగంలోని 27.69 కోట్ల మంది కార్మికులలో 94 శాతం మంది నెలకు రూ. 10,000 కంటే తక్కువ సంపాదిస్తున్నారు. ఇ-శ్రామ్ పోర్టల్ తాజా డేటా ప్రకారం.. పోర్టల్‌లో నమోదు చేసుకున్న కార్మికులలో 74 శాతం మంది షెడ్యూల్డ్ కులాలు (SC), షెడ్యూల్డ్ తెగలు (ST), ఇతర వెనుకబడిన తరగతులు (OBC) ఉన్నారు. నవంబర్ 2021లో, అసంఘటిత రంగంలో నెలకు రూ. 10,000 కంటే తక్కువ వేతనం పొందుతున్న కార్మికుల సంఖ్య 92.37 శాతం ఉండగా, ఆ సమయంలో 8 కోట్ల మంది కార్మికులు పోర్టల్‌లో నమోదు చేసుకున్నారు. ఆ సమయంలో పోర్టల్‌లో నమోదు చేసుకున్న ఎస్సీ, ఎస్టీ, ఓబీసీ కేటగిరీ కార్మికుల సంఖ్య 72.58 శాతం ఉంది. దేశంలోని అసంఘటిత రంగంలోని కార్మికుల సమగ్ర డేటాబేస్ (NDUW)ని రూపొందించడం ఇ-శ్రమ్ పోర్టల్ లక్ష్యం. ఇ-శ్రమ్ పోర్టల్‌ను 26 ఆగస్టు 2021న ప్రారంభించబడింది. ఈ పోర్టల్ ద్వారా దేశంలోని అసంఘటిత రంగ కార్మికులందరికీ సంక్షేమ పథకాల ప్రయోజనాలను అందించాలనేది ప్రభుత్వ ఉద్దేశం. అసంఘటిత రంగంలోని కార్మికులందరి నమోదు ప్రస్తుత క్యాలెండర్ సంవత్సరంలో పూర్తవుతుంది.

94.11% కార్మికులు 10 వేల కంటే తక్కువ సంపాదిస్తున్నారు. మొత్తం 27.69 కోట్ల మంది అసంఘటిత రంగ కార్మికులు ఇ-శ్రమ్ పోర్టల్‌లో నమోదు చేసుకున్నారు. అసంఘటిత రంగంలోని కార్మికులు అత్యంత పేదరికంలో జీవిస్తున్నారని, వారిలో ఎక్కువ మంది వెనుకబడిన వారేనని గణాంకాలు చెబుతున్నాయి. పోర్టల్‌లో నమోదైన అసంఘటిత రంగంలోని 94.11 శాతం మంది కార్మికులు నెలవారీ ఆదాయం రూ. 10,000 కంటే తక్కువగా ఉన్నట్లు డేటా చెబుతోంది. అదే సమయంలో 4.36 శాతం ఆదాయం రూ. 10,001 నుండి 15,000 మధ్య ఉంటుంది.

ఏ సంఘంలో ఎంతమంది సభ్యులు?

పోర్టల్‌లో నమోదైన కార్మికులలో 74.44 శాతం మంది వెనుకబడిన వర్గాల వారు. వీరిలో 45.32 శాతం ఓబీసీ, 20.95 శాతం ఎస్సీ, 8.17 శాతం ఎస్టీ వర్గాలకు చెందినవారు. జనరల్ కేటగిరీ కార్మికుల సంఖ్య 25.56 శాతం.

ఏ వయస్సులో ఎంతమంది సభ్యులు?

వయస్సు పరంగా చూస్తే.. 61.72 శాతం మంది కార్మికులు 18 నుండి 40 సంవత్సరాల వయస్సు గలవారు. 22.12 శాతం మంది 40 నుండి 50 సంవత్సరాల మధ్య ఉన్నారు. పోర్టల్‌లో నమోదైన 13.23 శాతం మంది కార్మికులు 50 ఏళ్లు పైబడిన వారు ఉన్నారు. అదే సమయంలో 2.93 శాతం వయస్సు 16 నుండి 18 సంవత్సరాల మధ్య ఉంది. పోర్టల్‌లో నమోదైన కార్మికులలో 52.81 శాతం మంది మహిళలు, 47.19 శాతం మంది పురుషులు ఉన్నారు.

నమోదులో ఈ రాష్ట్రం ముందంజలో ఉంది:

రిజిస్ట్రేషన్‌లో మొదటి ఐదు స్థానాల్లో ఉత్తరప్రదేశ్, బీహార్, పశ్చిమ బెంగాల్, మధ్యప్రదేశ్, ఒడిశా ఉన్నాయి. నమోదిత కార్మికులలో 52.11 శాతం మంది ప్రధాన వృత్తి వ్యవసాయం. అదే సమయంలో 9.93 శాతం మంది ఇళ్లలో పనిచేస్తుండగా, 9.13 శాతం మంది నిర్మాణ రంగంలో పని చేస్తున్నారు.

2 లక్షల ప్రయోజనం

ఇ-శ్రమ్ పోర్టల్‌లో చేరిన కార్మికులు ప్రధాన మంత్రి సురక్ష బీమా యోజన (PMSBY) కింద రూ. 2 లక్షల వరకు బీమా ప్రయోజనం పొందుతారు. బీమా కోసం ప్రీమియం చెల్లించాల్సిన అవసరం లేదు. వాస్తవానికి కార్మికుడు ప్రమాదంలో మరణిస్తే, లేదా పూర్తిగా అంగవైకల్యం చెందితే అప్పుడు రూ. 2 లక్షల బీమా మొత్తం లభిస్తుంది. మరోవైపు, పాక్షిక వైకల్యానికి రూ. 1 లక్ష బీమా లభిస్తుంది.

మరిన్ని బిజినెస్ వార్తల కోసం ఇక్కడ క్లిక్ చేయండి