Telugu News Business Motovolt URBN E Moped Launched: 120km Range, Removable Battery, and No License Required
Auto News: లైసెన్స్, రిజిస్ట్రేషన్ అక్కర్లేదు.. కేవలం ఛార్జింగ్ 4 గంటలే..105 కి.మీ మైలేజీ.. ధర ఎంతంటే..!
Auto News: మార్కెట్లో ఎలక్ట్రానిక్ వాహనాల రంగంలో వేగంగా పుంజుకుంటోంది. సింగిల్ ఛార్జింగ్తోనే అధిక మైలేజీ ఇచ్చే వాహనాలు అందుబాటులోకి వస్తున్నాయి. ఇక ద్విచక్ర వాహనాలు కూడా అందుబాటులోకి వస్తున్నాయి. రోజుకో కొత్త స్కూటర్లు వస్తు్న్నాయి. తాజాగా ఓ ఎలక్ట్రిక్ సైకిల్ అందుబాటులోకి తీసుకువస్తోంది ఓ కంపెనీ..
Auto News: ప్రముఖ ఎలక్ట్రిక్ వాహన తయారీ సంస్థ ‘మోటోవోల్ట్’ (Motovolt) పట్టణ ప్రాంత ప్రయాణికుల కోసం వినూత్నమైన ‘అర్బన్’ (URBN) ఎలక్ట్రిక్ మోపెడ్ను మార్కెట్లోకి తీసుకువచ్చింది. ఇది చూడటానికి సైకిల్లా ఉన్నప్పటికీ, ఒక పవర్ఫుల్ ఎలక్ట్రిక్ స్కూటర్ ఇచ్చే సౌకర్యాలను అందిస్తుంది.
ముఖ్యమైన ఫీచర్లు ఇవే:
బ్యాటరీ మరియు రేంజ్: ఈ మోపెడ్లో 20Ah లిథియం-అయాన్ రిమూవబుల్ బ్యాటరీని అమర్చారు. దీనిని వాహనం నుండి వేరు చేసి ఇంట్లో లేదా ఆఫీసులో సామాన్యమైన ప్లగ్ పాయింట్ ద్వారా ఛార్జ్ చేసుకోవచ్చు. ఒక్కసారి ఫుల్ ఛార్జ్ చేస్తే ఇది దాదాపు 120 కిలోమీటర్ల వరకు రేంజ్ ఇస్తుందని కంపెనీ పేర్కొంది.
లైసెన్స్ అవసరం లేదు: దీని గరిష్ట వేగం తక్కువగా (Low-speed category) ఉండటం వల్ల దీనిని నడపడానికి డ్రైవింగ్ లైసెన్స్ లేదా ఆర్టీఓ రిజిస్ట్రేషన్ అవసరం లేదు. ఇది విద్యార్థులకు, గృహిణులకు, తక్కువ దూర ప్రయాణాలు చేసేవారికి గొప్ప వెసులుబాటు.
పెడల్ అసిస్ట్: ఒకవేళ ప్రయాణంలో బ్యాటరీ ఛార్జింగ్ అయిపోతే, సైకిల్లాగే పెడల్స్ తొక్కుకుంటూ ప్రమయాణాన్ని కొనసాగించవచ్చు. ఇందులోని ‘పెడల్ అసిస్ట్’ ఫీచర్ వల్ల తక్కువ శ్రమతోనే వాహనం ముందుకు వెళ్తుంది.
ఆధునిక సాంకేతికత: స్మార్ట్ఫోన్ కనెక్టివిటీ మరియు యాప్ ద్వారా వాహనం స్థితిని తెలుసుకోవచ్చు. ఎల్ఈడీ డిస్ప్లే, మల్టీపుల్ రైడింగ్ మోడ్స్ ఉన్నాయి. దీని ఫ్రేమ్ చాలా దృఢంగా ఉండి, పట్టణ రోడ్లకు అనుకూలంగా రూపొందించారు.
ధర, లభ్యత: మోటోవోల్ట్ అర్బన్ ధర సుమారు రూ.50,000 నుండి రూ.55,000 (ఎక్స్-షోరూమ్) మధ్యలో ఉండే అవకాశం ఉంది. తక్కువ ఖర్చుతో పర్యావరణహితంగా ప్రయాణించాలనుకునే వారికి ఇది ఒక ఉత్తమ ఎంపిక.