భారతదేశంలోనే అత్యంత ఖరీదైన బైక్ ఇదే..! లిమిటెడ్‌ స్టాక్‌.. మిస్ అవ్వకండి..

Kawasaki Ninja Zx 4rr

ద్విచక్ర వాహన తయారీ సంస్థ ఇండియా కవాసకి మోటార్ (IKM) శుక్రవారం భారతదేశంలో తన సూపర్ స్పోర్ట్స్ బైక్ నింజా ZX-4R న్యూ వెర్షన్ ZX-4RR ను విడుదల చేసింది. కంపెనీ ఎక్స్-షోరూమ్ ధరను రూ.9.10 లక్షలుగా ప్రకటించింది. ఈ బైక్ కవాసకి లైనప్‌లోని నింజా ZX-4R కంటే హై రేంజ్లో ఉంది. దీని ధర రూ. 61,000 ఎక్కువ. ఈ సూపర్‌ బైక్‌ పరిమిత సంఖ్యలో మాత్రమే అమ్మకానికి అందుబాటులో ఉంటుంది. కవాసకి నింజా ZX-4RR భారతదేశపు అత్యంత ఖరీదైన 400cc బైక్.

ZX-4Rతో పోలిస్తే 4RR మోడల్ ఎక్స్‌ట్రా ఫీచర్లు, కొత్త రంగుతో వస్తుంది. డిజైన్ పరంగా ఈ బైక్ ZX-4R ను పోలి ఉంటుంది. కానీ ఇది ZX4R మెటాలిక్ బ్లాక్‌తో KRT మోడల్ పెయింట్ స్కీమ్‌ పద్ధతిలో డెవలప్‌ చేయబడింది. బైక్ మెయిన్‌ఫ్రేమ్ కూడా అలాగే ఉంటుంది. కానీ సస్పెన్షన్ సెటప్ భిన్నంగా ఉంటుంది. ఇది ప్రీలోడ్-అడ్జస్టబుల్ ఫ్రంట్ ఫోర్క్స్, పూర్తిగా అడ్జెస్ట్‌ చేయగల వెనుక మోనో-షాక్ సెటప్‌ను కలిగి ఉంది.

ZX-4R నాన్-అడ్జస్టబుల్ ఫ్రంట్ ఫోర్క్‌లను, ప్రీలోడ్ అడ్జస్టబుల్ రియర్ మోనో-షాక్‌ను పొందుతుంది. బ్రేకింగ్ సిస్టమ్‌లో కూడా తేడా లేదు. 290 mm సెమీ ఫ్లోటింగ్ ఫ్రంట్ డిస్క్‌లు, 220 mm వెనుక డిస్క్‌లు ఉన్నాయి. 4RR బైక్‌లో 4.3-అంగుళాల TFT డిస్‌ప్లే ఉంది. ఇతర ముఖ్యమైన ఫీచర్లలో సాధారణ, సర్క్యూట్ బ్లూటూత్ కనెక్టివిటీ, రైడియాలజీ అప్లికేషన్, LED లైట్లు, నాలుగు విభిన్న రైడింగ్ మోడ్‌లు, ట్రాక్షన్ కంట్రోల్, ABS ఉన్నాయి. కవాసకి నింజా ZX-4RR అదే లిక్విడ్-కూల్డ్, 399cc, ఇన్‌లైన్-ఫోర్ ఇంజన్‌తో పనిచేస్తుంది.

మరిన్ని బిజినెస్ వార్తల కోసం క్లిక్ చేయండి..