Indian Railways: రైల్వే ప్రయాణికులకు అలర్ట్‌.. జూలై 1 నుంచి మరనున్న రూల్స్‌.. ఆధార్‌ తప్పనిసరి!

భారతీయ రైల్వేలు తన ప్రయాణికులకు రైలు ప్రయాణాన్ని మెరుగుపరిచేందుకు సన్నాహాలు చేస్తున్నాయి. జూలై 1, 2025 నుండి రైల్వేలలో అనేక ప్రధాన మార్పులు జరగనున్నాయి. ఇది టికెట్ బుకింగ్ నుండి ఛార్జీలు, రిజర్వేషన్ వ్యవస్థ వరకు ప్రతిదానిపై ప్రభావం చూపుతుంది. స్మార్ట్, క్లీన్, యూజర్ ఫ్రెండ్లీ కలిగిన వ్యవస్థను సృష్టించడమే ఈ మార్పుల లక్ష్యం అని రైల్వే మంత్రి అశ్విని వైష్ణవ్ అన్నారు.

జూలై 1 నుంచి రైలు ప్రయాణం మరింత ఖరీదైనది:

జూలై 1 నుండి రైలు ఛార్జీలలో స్వల్ప పెరుగుదల ఉండబోతోంది. మీరు మెయిల్ లేదా ఎక్స్‌ప్రెస్ రైలులో ప్రయాణిస్తే నాన్-ఎసి క్లాస్‌లో కిలోమీటరుకు 1 పైసా, ఎసి క్లాస్‌లో 2 పైసా పెరుగుతుంది. శుభవార్త ఏమిటంటే 500 కిలోమీటర్ల వరకు ప్రయాణానికి సెకండ్‌ క్లాస్‌ ఛార్జీ అలాగే ఉంటుంది. కానీ మీరు 500 కిలోమీటర్ల కంటే ఎక్కువ ప్రయాణిస్తుంటే మీరు ఛార్జీలో కిలోమీటరుకు అర పైసా అదనంగా చెల్లించాల్సి రావచ్చు.

మీరు ఢిల్లీ నుండి లక్నోకు అంటే దాదాపు 500 కిలోమీటర్ల దూరం ప్రయాణిస్తుంటే మీ నాన్-ఏసీ ఛార్జీలు పెరగవు. కానీ మీరు ముంబై నుండి ఢిల్లీకి ఎక్కువ దూరం ప్రయాణిస్తుంటే అది మీ జేబుపై స్వల్ప ప్రభావాన్ని చూపుతుంది. ఈ పెరుగుదల స్వల్పమని, ప్రయాణికుల సౌలభ్యం కోసం ఇతర మార్పులను అమలు చేయడంలో సహాయపడుతుందని రైల్వేలు చెబుతున్నాయి.

ఇప్పుడు రిజర్వేషన్ చార్ట్ 8 గంటల ముందుగానే సిద్ధం:

ఇప్పటివరకు రైల్వే రిజర్వేషన్ చార్ట్ రైలు బయలుదేరడానికి 4 గంటల ముందు మాత్రమే తయారు చేయనుంది రైల్వే. దీని వలన వెయిట్‌లిస్ట్‌లోని ప్రయణికులకు, ముఖ్యంగా దూర ప్రాంతాల నుండి లేదా శివారు ప్రాంతాల నుండి ప్రయాణించే వారికి చాలా ఇబ్బంది ఏర్పడింది. వారికి ఇతర ఏర్పాట్లు చేసుకోవడానికి సమయం లేదు.

ఇది కూడా చదవండి: Anant Ambani: అనంత అంబానీకి జీతం ఎంతో తెలుసా? వెలుగులోకి కీలక విషయాలు

ఇప్పుడు రైల్వేలు దీన్ని మరింత మెరుగుపరచాలని నిర్ణయించాయి. జూలై 1 నుండి రిజర్వేషన్ చార్ట్ రైలు బయలుదేరడానికి 8 గంటల ముందు సిద్ధంగా ఉంటుంది. అంటే, మీ రైలు మధ్యాహ్నం 2 గంటలకు ముందు బయలుదేరితే దాని చార్ట్ మునుపటి రోజు రాత్రి 9 గంటలకు ఖరారు అవుతుంది. ఇది మీ టికెట్ స్థితిని ముందుగానే మీకు తెలియజేస్తుంది. మీరు ఇతర ఏర్పాట్లు చేయడానికి ప్లాన్ చేసుకోగలుగుతారు. ముఖ్యంగా గ్రామీణ ప్రాంతాల ప్రయాణికులకు ఇది ఒక పెద్ద ఉపశమనం కలిగించనుంది.

తత్కాల్‌ బుకింగ్‌కు ఆధార్ ఇప్పుడు తప్పనిసరి:

మీరు తత్కాల్ టిక్కెట్లను బుక్ చేసుకుంటే జూలై 1, 2025 నుండి నియమాలు మారబోతున్నాయి. ఇప్పుడు కన్ఫర్మ్‌ అయిన వినియోగదారులు మాత్రమే IRCTC ప్లాట్‌ఫామ్‌లో తత్కాల్ టిక్కెట్లను బుక్ చేసుకోగలరు. దీని కోసం మీరు ఆధార్ కార్డుతో ధృవీకరించడం తప్పనిసరి.

జూలై చివరి నాటికి, రైల్వేలు కూడా OTP ఆధారిత ధృవీకరణను ప్రారంభించబోతున్నాయి. అంటే, టికెట్ బుక్ చేసుకునేటప్పుడు మీకు OTP వస్తుంది. దానిని మీరు మీ బుకింగ్‌ను నిర్ధారించడానికి నమోదు చేయాలి. గతంలో ఆధార్ ద్వారా మాత్రమే ధృవీకరణ జరుగుతుందని రైల్వేలు చెప్పాయి, కానీ ఇప్పుడు, నియమాలను కొంచెం సరళంగా చేయడం ద్వారా, ఇతర ప్రభుత్వ పత్రాలను కూడా డిజిలాకర్ ద్వారా అంగీకరిస్తారు. తత్కాల్ బుకింగ్‌లో అక్రమాలను, బ్రోకర్ల ఏకపక్ష చర్యలను ఆపడమే దీని ఉద్దేశ్యం. ఇప్పుడు అసలైన ప్రయాణికులు మాత్రమే తత్కాల్ టిక్కెట్లను బుక్ చేసుకోగలరు.

కొత్త రిజర్వేషన్ వ్యవస్థను సిద్ధం చేస్తున్నారు:

రైల్వేలు తన ప్యాసింజర్ రిజర్వేషన్ సిస్టమ్ (PRS) ను పూర్తిగా అప్‌గ్రేడ్ చేయబోతున్నాయి. సెంటర్ ఫర్ రైల్వే ఇన్ఫర్మేషన్ సిస్టమ్స్ (CRIS) ఈ పనిని నిర్వహిస్తోంది. ఈ కొత్త వ్యవస్థ డిసెంబర్ 2025 నాటికి సిద్ధంగా ఉంటుందని భావిస్తున్నారు.

ఈ కొత్త వ్యవస్థ ప్రస్తుత వ్యవస్థ కంటే 10 రెట్లు వేగంగా ఉంటుంది. ప్రస్తుత వ్యవస్థ నిమిషానికి 32,000 టికెట్ బుకింగ్‌లను నిర్వహించగలదు. కానీ కొత్త వ్యవస్థ నిమిషానికి 1.5 లక్షల టికెట్ బుకింగ్‌లకు మద్దతు ఇస్తుంది. ఇది మాత్రమే కాదు, ప్రస్తుత వ్యవస్థ నిమిషానికి 4 లక్షల విచారణలను ప్రాసెస్ చేస్తుంది. కొత్త వ్యవస్థ నిమిషానికి 40 లక్షల విచారణలను నిర్వహిస్తుంది.

ఇది కూడా చదవండి: Health Tips: ఈ పండ్లు తిన్నారంటే చాలు 50 ఏళ్లలో కూడా యవ్వనం మీ సొంతం!

కొత్త వ్యవస్థలో మీరు అనేక భాషలకు మద్దతు ఇచ్చే ఆధునిక ఇంటర్‌ఫేస్‌ను పొందుతారు. మీరు మీకు నచ్చిన సీటును ఎంచుకోవచ్చు. ఛార్జీల క్యాలెండర్‌ను చూడవచ్చు. అలాగే ముఖ్యంగా దివ్యాంగులు, విద్యార్థులు, రోగులకు ప్రత్యేక లక్షణాలు ఉంటాయి. ఈ వ్యవస్థ చాలా స్మార్ట్‌గా ఉంటుంది. మీ టికెట్ బుకింగ్ అనుభవం గతంలో కంటే సులభం, వేగంగా మారుతుంది.

ఇది కూడా చదవండి: Monthly Horoscope: ఈ రాశి వారికి జూలై నెల ఎలా ఉండబోతోందో తెలుసా? కుటుంబంలో విభేదాలు, అధిక ఖర్చులు

మరిన్ని బిజినెస్ వార్తల కోసం ఇక్కడ క్లిక్ చేయండి