Indian Railways: దేశంలో ఒక్క చోట కూడా ఆగకుండా 70 స్టేషన్ల మీదుగా వెళ్లే ఏకైక రైలు గురించి మీకు తెలుసా?
Indian Railways: మన భారత రైల్వేలో ఎన్నో ఆసక్తికర విషయాలు ఉంటాయి. ప్రతి రోజు వేలాది రైలు ప్రయాణిస్తున్నాయి. అయితే కొన్ని రైళ్లు ఎన్నో స్టేషన్లు దాటుతున్నప్పటికీ ఎక్కడ ఆగకుండా పరుగులు పెడతాయి. అయితే మన భారతదేశంలో ఓ ట్రైన్ణ 70 స్టేషన్ల గుండా వెళ్తున్నప్పటికీ ఎక్కడ ఆగకుండా పరుగులు పెట్టే రైలు గురించి మీకు తెలుసా..?
Indian Railways: ఢిల్లీ-హౌరా, ఢిల్లీ-నార్త్ ఈస్ట్ మార్గాల్లో నడిచే ప్రతి రైలు బీహార్ గుండా వెళుతుంది. ఒక అంచనా ప్రకారం, ప్రతిరోజూ సుమారు 160 ప్యాసింజర్ రైళ్లు ఈ రాష్ట్రంలోని వివిధ స్టేషన్ల గుండా వెళ్తాయి. రాజధాని నుండి వందే భారత్ రైళ్ల వరకు బీహార్లో ఆగుతాయి. దేశంలో బీహార్ రాష్ట్రం గుండా వెళుతూ, ఇక్కడి ఏ స్టేషన్లోనూ ఆగని రైలు ఒకటి ఉందని తెలిస్తే మీరు ఆశ్చర్యపోతారు. ఆసక్తికరంగా ఈ సూపర్ఫాస్ట్ రైలు బీహార్లోని 70కి పైగా స్టేషన్ల గుండా వెళుతుంది. కానీ వాటిలో దేనిలోనూ ఆగదు. ఈ రైలు పేరు ఒడిశా సంపర్క్ క్రాంతి. ఇది ఢిల్లీ, భువనేశ్వర్ మధ్య నడుస్తుంది.
ఆనంద్ విహార్-భువనేశ్వర్ (12820), భువనేశ్వర్-ఆనంద్ విహార్ (12819) మధ్య నడిచే ఒడిశా సంపర్క్ క్రాంతి ఎక్స్ప్రెస్ ఒక సూపర్ఫాస్ట్ రైలు. ఇది 1782 కిలోమీటర్ల ప్రయాణాన్ని 28 గంటల 30 నిమిషాల్లో పూర్తి చేస్తుంది. ఈ సుదీర్ఘ ప్రయాణంలో రైలు కేవలం 13 చోట్ల మాత్రమే ఆగుతుంది. ఒడిశా రాజధాని అయిన భువనేశ్వర్కు చేరుకోవడానికి ముందు ఇది ఢిల్లీ, ఉత్తర ప్రదేశ్, బీహార్, జార్ఖండ్, పశ్చిమ బెంగాల్ గుండా ప్రయాణిస్తుంది. ఆనంద్ విహార్-భువనేశ్వర్ (12820) రైలు ఉదయం 8:00 గంటలకు ఆనంద్ విహార్ నుండి బయలుదేరుతుంది.
ఈ రైలు ఉత్తర ప్రదేశ్లో కాన్పూర్ సెంట్రల్, దీన్ దయాళ్ ఉపాధ్యాయ్ జంక్షన్ అనే రెండు స్టేషన్లలో మాత్రమే ఆగుతుంది. ఈ సూపర్ఫాస్ట్ రైలు 10 నిమిషాలు ఆగి, మధ్యాహ్నం 1:35 గంటలకు కాన్పూర్ సెంట్రల్కు చేరుకుంటుంది. అంటే, ఆనంద్ విహార్ నుండి బయలుదేరిన తర్వాత 428 కిలోమీటర్ల దూరంలో ఉన్న కాన్పూర్ సెంట్రల్ ఈ రైలు మొదటి మజిలీ. కాన్పూర్ సెంట్రల్ నుండి, ఈ రైలు మధ్యాహ్నం 1:45 గంటలకు తన తదుపరి ప్రయాణాన్ని ప్రారంభిస్తుంది.
ఇది కూడా చదవండి: Vande Bharat: ప్రయాణికులకు గుడ్న్యూస్.. ఈ రూట్లలో రెండు కొత్త వందే భారత్స్లీపర్ రైళ్లు..!
కాన్పూర్ నుండి బయలుదేరిన తర్వాత ఒడిశా సంపర్క్ క్రాంతి రైలు సాయంత్రం 6:58 గంటలకు నేరుగా పండిట్ దీన్దయాల్ ఉపాధ్యాయ్ జంక్షన్కు చేరుకుంటుంది. మొత్తం 347 కిలోమీటర్ల ప్రయాణం తర్వాత ఈ సూపర్ఫాస్ట్ రైలుకు ఇది రెండవ మజిలీ. ఈ రైలు పండిట్ దీన్దయాల్ ఉపాధ్యాయ్ జంక్షన్లో 7 నిమిషాల పాటు ఆగుతుంది. ఈ సమయంలో ఇది ప్రయాగ్రాజ్ జంక్షన్ గుండా వెళుతుంది కానీ అక్కడ ఆగదు.
రైలు తన తదుపరి గమ్యస్థానం కోసం సాయంత్రం 6:05 గంటలకు పండిట్ దీన్ దయాళ్ ఉపాధ్యాయ జంక్షన్ నుండి బయలుదేరుతుంది. రైలు బీహార్లోకి ప్రవేశిస్తుంది. తన 5.5 గంటల ప్రయాణంలో ఇది బీహార్లోని 70కి పైగా స్టేషన్ల గుండా వెళుతుంది. కానీ ఎక్కడ ఆగదు. ఒడిశా సంపర్క్ క్రాంతి ఎక్స్ప్రెస్ రాత్రి 8:32 గంటలకు బీహార్లోని ససారం జంక్షన్కు చేరుకుంటుంది. ససారం తర్వాత, ఒడిశా సంపర్క్ క్రాంతి రాత్రి 22:00 గంటలకు గయా జంక్షన్ను దాటుతుంది. మాన్పూర్ జంక్షన్ గుండా ప్రయాణించి, అది 23:05 గంటలకు కోడెర్మా జంక్షన్కు చేరుకుంటుంది. కానీ అక్కడ ఆగకపోవడం వల్ల ముందుకు సాగిపోతుంది.
రాత్రి 12:25 గంటలకు ఒడిశా సంపర్క్ క్రాంతి రైలు జార్ఖండ్లోని ధన్బాద్ జిల్లాలో ఉన్న చారిత్రాత్మక, ప్రముఖ రైల్వే స్టేషన్ అయిన గోమో జంక్షన్కు చేరుకుంటుంది. ఐదు నిమిషాల విరామం తర్వాత రైలు బయలుదేరి ఉదయం 4:05 గంటలకు టాటానగర్ జంక్షన్కు చేరుకుంటుంది. ఆ తర్వాత అది ఉదయం 6:15 గంటలకు పశ్చిమ బెంగాల్లోని హిజ్లీ రైల్వే స్టేషన్కు చేరుకుంటుంది. మరుసటి రోజు అది మధ్యాహ్నం 12:20 గంటలకు భువనేశ్వర్కు చేరుకుంటుంది. ఈ రైలు బీహార్లోని ఏ స్టేషన్లోనూ ఆగదని మీరు గమనించవచ్చు. బహుశా దేశంలో బీహార్ గుండా ప్రయాణిస్తూ, ఆ రాష్ట్రంలోని ఏ రైల్వే స్టేషన్లోనూ ఆగని ఏకైక రైలు ఇదే కావచ్చు. ఈ రైలు బీహార్లో ఎందుకు ఆగదని మీరు ఆశ్చర్యపోవచ్చు. నిజానికి సంపర్క్ క్రాంతి ఎక్స్ప్రెస్ ఆయా రాష్ట్రం- ఢిల్లీ మధ్య నడుస్తుంది. అందువల్ల ఈ రైళ్లు మరే ఇతర రాష్ట్రంలోనూ ఆగవు. ఒకవేళ ఆగితే, అది సాంకేతిక కారణాల వల్ల మాత్రమే. ఈ కారణంగానే ఒడిశా సంపర్క్ క్రాంతి బీహార్లోని ఏ స్టేషన్ లేదా జంక్షన్లోనూ ఆగదు.
ఇది కూడా చదవండి: Washing Machine: వాషింగ్ మెషీన్ వాడుతున్నారా? ఒకేసారి ఎన్ని బట్టలు వేయాలో తెలుసా?. ఇలా చేస్తే నష్టాలే..!
మరిన్ని బిజినెస్ వార్తల కోసం ఇక్కడ క్లిక్ చేయండి