Indian Railways: రైలు టికెట్‌పై ఉండే ఈ 5 అంకెల సంఖ్యని గమనించారా.. ఇందులో ఉండే సమాచారం ఏంటో తెలుసా..!

Indian Railways: మీరు రైలులో ప్రయాణిస్తున్నట్లయితే ఈ వార్త మీకు చాలా ఉపయోగకరంగా ఉంటుంది. రైలు టిక్కెట్‌పై ఉండే 5 అంకెల సంఖ్యను మీరు ఎప్పుడైనా గమనించారా..

Train Ticket

uppula Raju |

Updated on: Apr 11, 2022 | 8:59 AM

Indian Railways: మీరు రైలులో ప్రయాణిస్తున్నట్లయితే ఈ వార్త మీకు చాలా ఉపయోగకరంగా ఉంటుంది. రైలు టిక్కెట్‌పై ఉండే 5 అంకెల సంఖ్యను మీరు ఎప్పుడైనా గమనించారా.. టికెట్‌పై ఉండే ఈ 5 అంకెల సంఖ్య మీకు చాలా పెద్ద సమాచారాన్ని తెలియజేస్తుంది. ఈ నంబరు మీరు ఎక్కడికి వెళ్తున్నారు ఎక్కడి నుంచి వస్తున్నారు అనే విషయాలను అందిస్తుంది. ఈ నంబర్ మీ రైలు స్థితి, వర్గాన్ని కూడా తెలియజేస్తుంది. కేవలం 5 అంకెల సంఖ్యలోనే ఇంత సమాచారం దాగి ఉందంటే ఆశ్చర్యం కలుగుతుంది. కానీ ఇది నిజమే. వాస్తవానికి ప్రతి రైలుకు ప్రత్యేక నంబర్ ఉంటుంది. ఇది దాని గుర్తింపు. ఈ అంకెలు 0 నుంచి 9 వరకు ఉండవచ్చు. 5 అంకెలలో 0 నుంచి 9 వరకు వేర్వేరు అర్థాలను కలిగి ఉంటాయి. 0 అంటే ఈ రైలు ప్రత్యేక రైలు అని అర్థం. (వేసవి స్పెషల్, హాలిడే స్పెషల్ లేదా ఇతర స్పెషల్ కేటగిరీకి చెందినది)

1 నుంచి 4 వరకు అంకెలు అంటే..?

మొదటి అంకె 1 ఉంటే ఈ రైలు చాలా దూరం వెళుతుందని అర్థం. ఈ రైలు రాజధాని, శతాబ్ది, జన్ సాధర్, సంపర్క్ క్రాంతి, గరీబ్ రథ్, దురంతో అయి ఉంటుంది. అలాగే మొదటి అంకె 2 అంటే ఈ రైలు చాలా దూరం వెళుతుందని అర్థం. వాస్తవానికి 1-2 అంకెల రైళ్లు ఒకే కేటగిరికి చెందుతాయి. మొదటి అంకె 3 అయితే ఈ రైలు కోల్‌కతా సబ్ అర్బన్ రైలు అని అర్థం. మొదటి అంకె 4 అయితే అది న్యూ ఢిల్లీ, చెన్నై, సికింద్రాబాద్, ఇతర మెట్రో నగరాల సబ్ అర్బన్ రైలు అని అర్థం.

5 నుంచి 9 వరకు అంకెల అర్థం

మొదటి అంకె 5 అయితే అది ప్యాసింజర్ రైలు. మొదటి అంకె 6 అయితే అది MEMU రైలు. మొదటి అంకె 7 అయితే అది DEMU రైలు. మొదటి అంకె 8 అయితే అది రిజర్వ్ చేయబడిన రైలు. మొదటి అంకె 9 అయితే అది ముంబై సబ్ అర్బన్ రైలు.రైలు మొదటి అక్షరం 0, 1, 2తో ప్రారంభమైతే మిగిలిన నాలుగు అక్షరాలు రైల్వే జోన్, విభజనను సూచిస్తాయి.