సొంతింటి కల వినియోగదారులకు గుడ్‌న్యూస్.. గృహ రుణాలపై వడ్డీ రేట్లను తగ్గించి బ్యాంకులు.. 6.70 శాతానికి తగ్గించిన ఐసీఐసీఐ

సొంతింటి కల వినియోగదారులకు గుడ్‌న్యూస్.. గృహ రుణాలపై వడ్డీ రేట్లను తగ్గించి బ్యాంకులు.. 6.70 శాతానికి తగ్గించిన ఐసీఐసీఐ

సొంత ఇల్లు కళ నెరవేర్చుకోవాలనుకునేవారికి శుభవార్త.. దేశీయ అతిపెద్ద ప్రైవేటురంగ బ్యాంకు ఐసీఐసీఐ తక్కువ వడ్డీ రేటుతో రుణాలు ఇచ్చేందుకు ముందుకు వచ్చింది.

Balaraju Goud

| Edited By: Umakanth Rao

Mar 05, 2021 | 3:38 PM

ICICI Home Loan Rates : సొంత ఇల్లు కళ నెరవేర్చుకోవాలనుకునేవారికి శుభవార్త.. దేశీయ అతిపెద్ద ప్రైవేటురంగ బ్యాంకు ఐసీఐసీఐ తక్కువ వడ్డీ రేటుతో రుణాలు ఇచ్చేందుకు ముందుకు వచ్చింది. గృహ రుణాలపై వడ్డీ రేటును ఐసిఐసిఐ బ్యాంక్ 6.70 శాతానికి తగ్గించింది. పదేళ్లలో బ్యాంక్ సర్దుబాటు చేసిన అతి తక్కువ వడ్డీ రేటు ఇవాళ్టి రోజు మార్చి 5, 2021 నుండి అమల్లోకి వస్తుంది. ఈ వడ్డీ రేటు రూ. 75 లక్షల వరకు గృహ రుణాలు తీసుకునే వారికి వర్తిస్తుందని ఐసీఐసీఐ సెక్యూర్డ్ అసెట్స్ హెడ్ ర‌వి నారాయ‌ణ‌న్ చెప్పారు. రూ .75 లక్షలకు పైబడిన రుణాలపై వడ్డీ రేట్లు 6.75 శాతంతో ప్రారంభమై అక్కడి నుంచి పెరుగుతాయని వెల్లడించింది. ఈ కొత్త రేట్లు మార్చి 31, 2021 వరకు అమలులో ఉంటాయన్నారు.

గ‌త కొన్ని నెల‌లుగా గృహాలను కొనాలనుకునే సంఖ్య పెరుగుతోంద‌ని, డిమాండ్ తిరిగి పుంజుకుంటున్న నేపథ్యంలో తక్కువ వడ్డీ రేట్లతో వినియోగదారుల సొంత ఇంటి కల నెర వేర్చేందుకు ఇది సరైన సమయంగా తాము భావిస్తున్నామని బ్యాంక్ ప్రతినిధి వెల్లడించారు. ఇల్లు కొనాలనే బ్యాంకుయేతర కస్టమర్లతో సహా వ్యక్తులు ఆన్‌లైన్‌లో గానీ తక్షణమే బ్యాంక్ వెబ్‌సైట్, మొబైల్ బ్యాంకింగ్ యాప్ ద్వారా ‘ఐమొబైల్ పే’ ద్వారా గృహ రుణం కోసం దరఖాస్తు చేసుకోవచ్చని బ్యాంక్ ప్రతినిధులు వివరించారు. ఐసిఐసిఐ బ్యాంక్ 2020 నవంబర్‌లో పూచికత్తు రుణాలపై రూ .2 ట్రిలియన్ రూ. 2021, డిసెంబర్ నెలలో ఆల్-టైమ్ నెలవారీ గరిష్ట స్థాయికి చేరుకుంది.

ఇదిలావుంటే, ఇప్పటికీ పలు బ్యాంకులు హౌజింగ్ లోన్లపై వడ్డీ రేట్లను భారీగా తగ్గించాయి. గృహ రుణ వడ్డీ రేట్లను 5 బేసిస్ పాయింట్లు తగ్గించి 6.75 శాతానికి హౌసింగ్ డెవలప్‌మెంట్ ఫైనాన్స్ కార్పొరేషన్ (హెచ్‌డిఎఫ్‌సి) తగ్గించింది . మార్చి 4 నుంచి ఈ సర్దుబాట్లు అమల్లోకి వస్తాయని బ్యాంకు తెలిపింది. స్టేట్ బ్యాంక్ ఆఫ్ ఇండియా (ఎస్‌బీఐ), కోటక్ మహీంద్రా బ్యాంక్ రెండూ గత వారం గృహ రుణ వడ్డీ రేట్లను తగ్గించాయి. దేశంలో అతిపెద్ద రుణదాత గృహ రుణ వడ్డీ రేట్లు సంవత్సరానికి 6.70 శాతం తక్కువగా ఉన్నాయి. గృహ రుణాలపై ప్రాసెసింగ్ ఫీజును మార్చి 31, 2021 వరకు మాఫీ చేశారు. కోటక్ బ్యాంక్ తన గృహ రుణ రేట్లను పరిమిత కాలానికి పది బేసిస్ పాయింట్లు (బిపిఎస్) తగ్గించింది. ఇకపై పరిశ్రమలో అతి తక్కువ రేట్లు కలిగి ఉంటాయని హామీ ఇచ్చింది. రేటు తగ్గింపు తరువాత, వినియోగదారులు మార్చి 31 వరకు 6.65 శాతానికి గృహ రుణాలు పొందగలరని బ్యాంక్ విడుదల చేసిన ప్రకటనలో తెలిపింది. 6.65% రేటు అన్ని రకాల గృహ రుణాలకు చెల్లుతుందని పేర్కొంది.

Read Also…  India vs England 4th Test Live: రెండో రోజు మొదలైన ఆట.. కష్టాల్లో భారత్…వరుసగా వికెట్లు

Follow us on

Related Stories

Most Read Stories

Click on your DTH Provider to Add TV9 Telugu