Home Loan: గృహ రుణం చెల్లించనందుకు రికవరీ ఏజెంట్ వేధిస్తున్నారా? ఆర్బీఐ రూల్స్‌ ఏంటి?

మీరు ఇంటి రుణాన్ని తిరిగి చెల్లించకపోతే రికవరీ ఏజెంట్ మిమ్మల్ని వేధిస్తున్నారా? చాలా సందర్భాల్లో ప్రైవేట్ బ్యాంక్ లేదా ఎన్‌బిఎఫ్‌సి నుండి గృహ రుణం తీసుకున్నప్పుడు రుణం సకాలంలో చెల్లించకపోతే లేదా రుణం బకాయి ఉంటే రికవరీ ఏజెంట్‌ను బ్యాంకు ఇంటికి పంపడం కనిపిస్తుంది. ఈ రికవరీ ఏజెంట్లు తరచుగా కస్టమర్‌లను వేధించడంతోపాటు కస్టమర్‌లు ఎంతో అవమానాన్ని ఎదుర్కొవాల్సి ఉంటుంది. రిజర్వ్ బ్యాంక్ నిబంధనల ప్రకారం.. చెల్లింపులు చేయనందుకు కస్టమర్‌లను వేధించే హక్కు రికవరీ ఏజెంట్‌లకు లేదు. అలాగే ఇది జరిగితే కస్టమర్‌లు చట్టపరమైన చర్యలు కూడా తీసుకోవచ్చు.

ఏ రికవరీ ఏజెంట్ కూడా కస్టమర్‌కు ఉదయం 8 గంటల ముందు, సాయంత్రం 7 గంటల తర్వాత కాల్ చేయలేరు. రిజర్వ్ బ్యాంక్ ‘అవుట్‌సోర్సింగ్ ఫైనాన్షియల్ సర్వీసెస్‌లో రిస్క్‌లు, ప్రవర్తనా నియమావళి వంటి విధానాలు ఉంటాయి. ఇది రికవరీ ఏజెంట్‌లకు ఏ కస్టమర్‌ను వేధించే హక్కు ఎప్పుడూ ఉండదని నిబంధనలు పేర్కొంటున్నాయి. ఈ నియమం ప్రకారం కూడా బకాయి ఉన్న రుణాన్ని వసూలు చేసేటప్పుడు ఏ ఏజెంట్ కూడా కస్టమర్‌ని అవమానించడం లేదా బెదిరించడం వంటివి చేయలేరు. ఇలా ఏజంట్లు మిమ్మల్ని వేధించినట్లయితే భారతీయ శిక్షాస్మృతిలోని సెక్షన్ 506 ప్రకారం ఏజెంట్‌పై సమీప పోలీస్ స్టేషన్‌లో ఫిర్యాదు చేయవచ్చు. మీరు రిజర్వ్ బ్యాంక్ అంబుడ్స్‌మన్‌లో బ్యాంక్‌పై ఫిర్యాదు కూడా దాఖలు చేయవచ్చు. ఈ ఫిర్యాదును సివిల్ కోర్టులో కూడా దాఖలు చేయవచ్చు.

కానీ స్థానిక పోలీసులు ఈ కేసుల్లో చాలా వరకు ఎఫ్‌ఐఆర్ నమోదు చేయకూడదనుకుంటున్నారు. అలాంటప్పుడు మీరు వినియోగదారుల ఫోరం కార్యాలయంలో ఈ ఫిర్యాదును దాఖలు చేయాలి. RBI నిబంధనల ప్రకారం, మీరు మొదటి 3 నెలవారీ వాయిదాలు చెల్లించకపోతే, బ్యాంక్ మీకు నోటీసు పంపుతుంది. ఆపై మరో 2 నెలలు గడువు ఇస్తుంది. అయినా మీరు బకాయిలు చెల్లించకపోతే బ్యాంకు ఇంటిని వేలం వేస్తుంది. ఇవన్ని కూడా నిబంధనల ప్రకారమే జరగాలి. రూల్స్‌ ఉల్లంఘించినట్లయితే వారిపై ఫిర్యాదు చేయవచ్చని గుర్తించుకోండి.

ఇది కూడా చదవండి: Fact Check: ఒక వ్యక్తికి రెండు బ్యాంకు ఖాతాలు ఉంటే జరిమానా చెల్లించాలా? ఆర్బీఐ కొత్త రూల్స్‌ నిజమేనా?

మరిన్ని బిజినెస్ వార్తల కోసం ఇక్కడ క్లిక్ చేయండి