Gold Price: 2026లో మరో 30 శాతం పెరగనున్న బంగారం..! నివేదికలో ఆశ్చర్యకరమైన విషయం వెల్లడి..
ప్రపంచ గోల్డ్ కౌన్సిల్ (WGC) నివేదిక ప్రకారం, 2026 నాటికి బంగారం ధరలు 15-30% పెరిగే అవకాశం ఉంది. భౌగోళిక రాజకీయ అనిశ్చితి, సెంట్రల్ బ్యాంకుల కొనుగోళ్లు, గోల్డ్ ETFలలో భారీ పెట్టుబడులు దీనికి ప్రధాన కారణాలు. అయితే, అమెరికా ఆర్థిక వృద్ధి బలపడితే ధరలు 5-20% తగ్గే అవకాశం కూడా ఉందని నివేదిక హెచ్చరించింది. ఈ అంచనాలు పెట్టుబడిదారులకు కీలకం.
వచ్చే ఏడాది బంగారం ధరలు పెరిగే అవకాశం ఉంది. బంగారం ధరలపై వరల్డ్ గోల్డ్ కౌన్సిల్ తాజాగా ఒక నివేదికను విడుదల చేసింది. బంగారం ధరల్లో కొనసాగుతున్న హెచ్చుతగ్గుల మధ్య, వరల్డ్ గోల్డ్ కౌన్సిల్ (WGC) నివేదిక అందరినీ షాక్ అయ్యేలా చేస్తుంది. ఈ నివేదిక ప్రకారం.. 2026 నాటికి బంగారం ధరలు ప్రస్తుత స్థాయిల నుండి 15శాతం నుండి 30శాతం మధ్య పెరగవచ్చని వరల్డ్ గోల్డ్ కౌన్సిల్ (WGC) తెలిపింది. 2025లో ఇప్పటివరకు అమెరికా సుంకాలు, భౌగోళిక రాజకీయ ఆందోళనల నేపథ్యంలో పెట్టుబడిదారులు బంగారం భద్రత వైపు మొగ్గుచూపడంతో బంగారం ధరలు దాదాపు 53శాతం పెరిగాయి. సెంట్రల్ బ్యాంకుల బంగారం కొనుగోళ్లు, వాటి వడ్డీ రేటు కదలికలు కూడా CY25లో బంగారం ధరల దిశను నిర్ణయించాయి.
2026 లో బంగారం ధర ఎంత పెరుగుతుంది:
దిగుబడి తగ్గడం, పెరిగిన భౌగోళిక రాజకీయ ఉద్రిక్తతల నడుమ పెట్టుబడిదారులు, ప్రజలు భద్రత కోసం బంగారంపై పెట్టుబడులు పెడుతున్నారు. వీటికి తోడు భారతీయ రిజర్వ్ బ్యాంక్(ఆర్బీఐ)తో పాటు వివిధ సెంట్రల్ బ్యాంకులు కూడా పెద్ద ఎత్తున బంగారం కొనుగోళ్లను కొనసాగించాయి. అంతేకాకుండా వడ్డీ రేట్ల విషయంలో సెంట్రల్ బ్యాంకులు తీసుకున్న చర్యల కారణంగా ధరలు దాదాపు 53 శాతం పెరిగాయి. ఈ సందర్భంలో 2026 నాటికి బంగారం ప్రస్తుత స్థాయిల నుండి 15శాతం నుండి 30శాతం వరకు పెరగవచ్చు అని WGC నివేదిక పేర్కొంది.
ప్రజలు గోల్డ్ ఎక్స్ఛేంజ్-ట్రేడెడ్ ఫండ్స్ (ETFలు) ద్వారా భారీగా పెట్టుబడులు పెడుతున్నారని WGC తెలిపింది. ఆభరణాల మార్కెట్లతో పాటు ఇతర విభాగాల్లో తగ్గిన అమ్మకాలను ఇది భర్తీ చేస్తున్నదని WGC వివరించింది. WGC డేటా ప్రకారం, ఈ ఏడాదిలో ఇప్పటివరకు గ్లోబల్ గోల్డ్ ఈటీఎఫ్లు 77 బిలియన్ డాలర్ల(రూ. 6.92 లక్షల కోట్ల) నిధులను చూశాయి. దీనితో వాటి హోల్డింగ్లకు 700 టన్నులకు పైగా పెరిగాయి. మే 2024కి తిరిగి వచ్చినప్పటికీ సామూహిక గోల్డ్ ETF హోల్డింగ్లు సుమారు 850 టన్నులు పెరిగాయని నివేదిక పేర్కొంది. ఈ సంఖ్య మునుపటి గోల్డ్ బుల్ సైకిల్లో సగం కంటే తక్కువ. కాబట్టి మరింత వృద్ధి చెందే అవకాశం ఉంది. గోల్డ్ ETFలు, బంగారు పెట్టుబడులకు పెరిగిన డిమాండ్ ఆభరణాల అమ్మకాలపై ప్రభావం చూపింది.
2026 లో బంగారం ధరలు తగ్గిపోయే అవకాశం కూడా ఉంది..
WGC నివేదిక ప్రకారం ఒక ప్రతికూలత కూడా ఉందని సూచిస్తుంది. 2026 నాటికి పరిస్థితులు ప్రతికూలంగా మారితే బంగారం ధరలు 5-20 శాతం పడిపోయే అవకాశాలు కూడా ఉన్నాయని WGC నివేదికలో పేర్కొంది.. ఇది జరగాలంటే, అమెరికా అధ్యక్షుడు డొనాల్డ్ ట్రంప్ విధానాలు విజయవంతం కావాలి. ఫలితంగా అమెరికాలో బలమైన ఆర్థిక ఉద్దీపన, వృద్ధి జరుగుతుంది. అప్పుడు ద్రవ్యోల్బణం స్థిరంగా ఉండటమే కాకుండా కార్యకలాపాలు పెరుగుతాయి. ప్రపంచ వృద్ధి పుంజుకుంటుందని WGC నివేదిక పేర్కొంది.
మరిన్ని బిజినెస్ వార్తల కోసం ఇక్కడ క్లిక్ చేయండి