Gold Price Record: బంగారం ధర రూ.80 వేలు దాటుతుందా? రికార్డ్‌ సృష్టిస్తున్న పుత్తడి!

భారతదేశంలో బంగారం ఎల్లప్పుడూ సురక్షితమైన పెట్టుబడిగా పరిగణిస్తారు. ఇప్పుడు అది అద్భుతమైన రాబడిని కూడా ఇస్తోంది. బుధవారం, బంగారం ధర ఆల్ టైమ్ గరిష్ట స్థాయికి చేరుకుంది, వెండి కూడా కొత్త రికార్డు స్థాయిని తాకింది. ఇలాంటి పరిస్థితుల్లో రానున్న రోజుల్లో బంగారం ధర రూ.72వేలు దాటుతుందేమోనని అంచనా. అయితే రజతం దాని మునుపటి రికార్డులన్నింటినీ బ్రేక్ చేస్తుంది. ఏప్రిల్‌ 4న సాయంత్రం

Gold Price Record: బంగారం ధర రూ.80 వేలు దాటుతుందా? రికార్డ్‌ సృష్టిస్తున్న పుత్తడి!
Gold Price Record
Follow us

|

Updated on: Apr 04, 2024 | 3:09 PM

భారతదేశంలో బంగారం ఎల్లప్పుడూ సురక్షితమైన పెట్టుబడిగా పరిగణిస్తారు. ఇప్పుడు అది అద్భుతమైన రాబడిని కూడా ఇస్తోంది. బుధవారం, బంగారం ధర ఆల్ టైమ్ గరిష్ట స్థాయికి చేరుకుంది, వెండి కూడా కొత్త రికార్డు స్థాయిని తాకింది. ఇలాంటి పరిస్థితుల్లో రానున్న రోజుల్లో బంగారం ధర రూ.72వేలు దాటుతుందేమోనని అంచనా. అయితే రజతం దాని మునుపటి రికార్డులన్నింటినీ బ్రేక్ చేస్తుంది. ఏప్రిల్‌ 4న సాయంత్రం 3 గంటల సమయానికి తులం బంగారంపై రూ.600 ఎగబాకింది. ఈ సమయానికి 22 క్యారెట్ల 10 గ్రాముల గోల్డ్‌ ధర రూ.64,600 ఉండగా, 24 క్యారెట్ల ధర రూ.70,470 వద్ద ఉంది. ఇక వెండి విషయానికొస్తే రికార్డు స్థాయిలో దూసుకుపోతోంది. కిలో సిల్వర్‌పై ఏకంగా రూ.1000 వరకు పెరిగింది. ప్రస్తుతం కిలో వెండి రూ.82,000 వద్ద కొనసాగుతోంది.

ఇండియా బులియన్ అండ్ జువెలర్స్ అసోసియేషన్ (IBJA) వెబ్‌సైట్ ప్రకారం, బుధవారం ట్రేడింగ్‌లో సాయంత్రానికి బంగారం ధర 10 గ్రాములకు రూ.600 పెరిగింది. ఇదిలా ఉండగా, ఈ ఏడాది కేవలం 3 నెలల్లోనే బంగారం ధర రూ.5,954 పెరిగింది. జనవరి 1న బంగారం ధర రూ.63,302గా ఉంది. హెచ్‌డిఎఫ్‌సి సెక్యూరిటీస్ ప్రకారం, బంగారం ధరలు ఒకే వారంలో రికార్డు స్థాయికి చేరుకోవడం ఇది రెండోసారి. గత రోజు ట్రేడింగ్ ముగిసే సమయానికి బంగారం ధర 10 గ్రాములు రూ.68,370 వద్ద ముగిసింది.

వెండి కూడా బంగారం అడుగుజాడలో..

ఇదిలా ఉండగా, వెండి ధరల్లో బంగారం మాదిరిగానే పెరుగుతున్న ట్రెండ్ కనిపించింది. బుధవారం ధర రూ. 1,700 జంప్‌తో కిలోకు రూ. 80,700 వద్ద ముగిసింది. హెచ్‌డిఎఫ్‌సి సెక్యూరిటీస్ రీసెర్చ్ అనలిస్ట్ సౌమిల్ గాంధీ మాట్లాడుతూ, బుధవారం నాటికి విదేశీ మార్కెట్లలో బలపడుతున్న ధోరణి కారణంగా, దేశంలో కూడా బంగారం ధరలు బలాన్ని చూపించాయి. విదేశీ మార్కెట్‌లో బంగారం స్పాట్ ధర అంటే COMEX ఔన్సుకు $ 2,275 ఉంది. ఇది మునుపటి ముగింపు ధర కంటే $ 20 ఎక్కువ. ఇది కాకుండా, వెండి కూడా ఔన్సుకు $ 26.25 వద్ద ట్రేడవుతోంది. గత ట్రేడింగ్ సెషన్‌లో ఔన్సు $25.55 వద్ద ముగిసింది. ఇక జేఎం ఫైనాన్షియల్ సర్వీసెస్ లిమిటెడ్‌కి చెందిన ప్రణవ్ మెర్ మాట్లాడుతూ పశ్చిమాసియాలో పెరుగుతున్న ఉద్రిక్తత భయం మధ్య, సురక్షితమైన పెట్టుబడి ఎంపికగా బంగారానికి డిమాండ్ పెరుగుతోంది.

బంగారం 80 వేలు దాటుతుందా?

చైనాలో తయారీ, పారిశ్రామిక కార్యకలాపాలు గణనీయంగా మెరుగుపడ్డాయని హెచ్‌డిఎఫ్‌సి సెక్యూరిటీస్ కమోడిటీ కరెన్సీ హెడ్ అనూజ్ గుప్తా చెప్పారు. దీంతో పారిశ్రామికంగా వెండికి డిమాండ్‌ పెరిగింది. వెండి ధర పెరగడానికి ఇదే కారణం. దీపావళి నాటికి వెండి ధర రూ.81,000 నుంచి 82,000 స్థాయికి చేరుకోవచ్చని ఆయన చెప్పారు. ఇక గురువారం కూడా బంగారం ధర నిరంతరం కొత్త రికార్డులను సృష్టిస్తోంది. అంతర్జాతీయ మార్కెట్‌లో బంగారం ధర ఏప్రిల్ 4న తొలిసారిగా ఔన్స్‌కు 2,300 డాలర్లు దాటింది. అమెరికాలో వడ్డీ రేట్లు తగ్గుతాయని అంచనా వేయడమే ఇందుకు కారణం. యుఎస్ సెంట్రల్ బ్యాంక్ ఫెడరల్ రిజర్వ్ ఈ ఏడాది వడ్డీ రేట్లను తగ్గించనుందని నమ్ముతారు . మరోవైపు, ప్రపంచవ్యాప్తంగా ఉన్న సెంట్రల్ బ్యాంకుల నుండి బంగారానికి బలమైన డిమాండ్ ఉంటుందని భావిస్తున్నారు. దీని ప్రభావం బంగారం ధరలపై కనిపిస్తోంది. ఏప్రిల్ 4న తొలిసారిగా ఔన్స్ బంగారం ధర 2,304.96 డాలర్లకు చేరుకుంది. ఈ ఏడాది ఫిబ్రవరి నుంచి బంగారం ధరలు పెరుగుతూనే ఉన్నాయి. ఈ వారం, బంగారం కొత్త రోజువారీ అత్యధిక రికార్డులను సృష్టించింది.

బంగారం పెరగడానికి కారణాలు

భౌగోళిక రాజకీయ పరిస్థితుల వల్ల కూడా బంగారానికి మద్దతు లభిస్తోందని నిపుణులు చెబుతున్నారు. రష్యా, ఉక్రెయిన్‌తో పాటు మధ్య నెలకొన్న పరిస్థితుల కారణం కూడా చెప్పవచ్చు. ఇక్కడ, ప్రపంచవ్యాప్తంగా సెంట్రల్ బ్యాంకులు బంగారాన్ని కొనుగోలు చేస్తున్నాయి. ఇది కూడా బంగారం ధరలపై ప్రభావం చూపుతోంది. వరల్డ్ గోల్డ్ కౌన్సిల్ (డబ్ల్యుజిసి) డేటా ప్రకారం, ఫిబ్రవరిలో సెంట్రల్ బ్యాంకులు నిరంతరం బంగారాన్ని కొనుగోలు చేస్తున్నాయి. సెంట్రల్ బ్యాంక్ బంగారం కొనుగోళ్లలో ఇది వరుసగా తొమ్మిదో నెల. చైనా సెంట్రల్ బ్యాంక్ ఈ విషయంలో ముందంజలో ఉంది. ఆ తర్వాత భారత్‌, కజకిస్థాన్‌ వచ్చాయి.

ఈ ఏడాది బంగారం ధర 10 శాతం పెరిగింది

గత ఏడు రోజులుగా స్పాట్ గోల్డ్ ధర పెరుగుతూ వస్తోంది. మరోవైపు వెండి ఔన్స్‌కు 27.35 డాలర్లకు చేరిన తర్వాత స్థిరంగా ఉంది. జూన్ 2021 తర్వాత వెండి ధర ఇదే అత్యధికం. ఏప్రిల్ 5న అమెరికాలో వ్యవసాయేతర పేరోల్ డేటా రాబోతోందని నిపుణులు చెబుతున్నారు. దీనిపై ఇన్వెస్టర్లు ఓ కన్నేసి ఉంచుతారు. ఈ ఏడాది బంగారం ధర 10 శాతానికి పైగా పెరుగగా, ఏప్రిల్‌లో ఇది 3 శాతానికి పైగా పెరిగింది.

యాక్షన్ కింగ్ కూతురు మామూలుగా లేదుగా.. హీరోయిన్స్ ను మించే అందం
యాక్షన్ కింగ్ కూతురు మామూలుగా లేదుగా.. హీరోయిన్స్ ను మించే అందం
గురు గ్రహంపై పెను తుపాను.. ఫొటోలు విడుదల చేసినా నాసా.
గురు గ్రహంపై పెను తుపాను.. ఫొటోలు విడుదల చేసినా నాసా.
ఇప్పటి వరకూ రామ్‌లల్లాను ఎంతమంది దర్శించుకున్నారో తెలుసా.?
ఇప్పటి వరకూ రామ్‌లల్లాను ఎంతమంది దర్శించుకున్నారో తెలుసా.?
పెళ్లిలో పురోహితుడికి అవమానం.! పాపం ఇలా కూడా చేస్తారా.? అయ్యో..
పెళ్లిలో పురోహితుడికి అవమానం.! పాపం ఇలా కూడా చేస్తారా.? అయ్యో..
తెలంగాణ అమర్ నాథ్ యాత్ర ప్రారంభం.! ఎప్పటి వరకంటే.?
తెలంగాణ అమర్ నాథ్ యాత్ర ప్రారంభం.! ఎప్పటి వరకంటే.?
అర్ధరాత్రి పిడుగుల బీభత్సం! పలు ప్రాంతాల్లో ఉరుములు మెరుపులతో వాన
అర్ధరాత్రి పిడుగుల బీభత్సం! పలు ప్రాంతాల్లో ఉరుములు మెరుపులతో వాన
ప్రభుత్వ ఉద్యోగులకు అలర్ట్‌.. ఇకపై ఆ అఫిడవిట్‌ తప్పనిసరి.!
ప్రభుత్వ ఉద్యోగులకు అలర్ట్‌.. ఇకపై ఆ అఫిడవిట్‌ తప్పనిసరి.!
అవిసె గింజలతో ఆరోగ్యమే కాదు.. అందాన్ని కూడా పెంచుకోండిలా.!
అవిసె గింజలతో ఆరోగ్యమే కాదు.. అందాన్ని కూడా పెంచుకోండిలా.!
గిరిజనులకు తప్పని డోలి కష్టాలు. గర్భిణీని రెండు కిలోమీటర్లు
గిరిజనులకు తప్పని డోలి కష్టాలు. గర్భిణీని రెండు కిలోమీటర్లు
గాయాలతో ఏనుగుపిల్ల మృతి.. తల్లడిల్లిన తల్లి ఏనుగు ఏంచేసిందంటే.!
గాయాలతో ఏనుగుపిల్ల మృతి.. తల్లడిల్లిన తల్లి ఏనుగు ఏంచేసిందంటే.!