India Forex Reserves: భారత్‌లో గరిష్ట స్థాయికి విదేశీ మారకం నిల్వలు.. అదే దారిలో బంగారం కూడా..!
దేశ ఆర్థిక స్థితి అనేది ఆయా దేశం వద్ద ఉన్న విదేశి మారక నిల్వల ఆధారంగా ఉంటుంది. దీంతో అన్ని దేశాలు విదేశీ మారక నిల్వల విషయంలో చాలా జాగ్రత్తగా వ్యవహరిస్తాయి. భారతదేశం విషయంలో ఇటీవల రిజర్వ్ బ్యాంక్ ఆఫ్ ఇండియా (ఆర్‌బీఐ) విడుదల చేసిన గణాంకాల ప్రకారం జూలై 12తో ముగిసిన వారానికి భారతదేశ విదేశీ మారక నిల్వలు 9.699 బిలియన్ల యూఎస్ డాలర్లకు పెరిగాయి
దేశ ఆర్థిక స్థితి అనేది ఆయా దేశం వద్ద ఉన్న విదేశి మారక నిల్వల ఆధారంగా ఉంటుంది. దీంతో అన్ని దేశాలు విదేశీ మారక నిల్వల విషయంలో చాలా జాగ్రత్తగా వ్యవహరిస్తాయి. భారతదేశం విషయంలో ఇటీవల రిజర్వ్ బ్యాంక్ ఆఫ్ ఇండియా (ఆర్‌బీఐ) విడుదల చేసిన గణాంకాల ప్రకారం జూలై 12తో ముగిసిన వారానికి భారతదేశ విదేశీ మారక నిల్వలు 9.699 బిలియన్ల యూఎస్ డాలర్లకు పెరిగాయి. ఇది 666.854 బిలియన్ల యూఎస్ డాలర్ల ఆల్ టైమ్ గరిష్ట స్థాయికి చేరుకుంది. గత వారంలో ఈ నిల్వలు 5.158 బిలియన్ల యూఎస్ డాలర్లుగా ఉన్నాయి. జూన్ 7తో ముగిసిన వారంలో నమోదు చేసిన 655.817 బిలియన్ల యూఎస్ డాలర్ల గరిష్ట స్థాయిని అధిగమించింది. ఈ నేపథ్యంలో విదేశీ మారక నిల్వల విషయంలో మరిన్ని వివరాలను తెలుసుకుందాం.
జూలై 12తో ముగిసిన వారానికి విదేశీ కరెన్సీ ఆస్తులు నిల్వలలో అతిపెద్ద భాగం 8.361 బిలియన్ల డాలర్లకు పెరిగి 585.47 బిలియన్ల డాలర్లకు చేరుకుంది. డాలర్ పరంగా వ్యక్తీకరించిన ఈ ఆస్తులు రిజర్వ్‌లలో ఉన్న యూరో, పౌండ్, యెన్ వంటి యూఎస్‌యేతర కరెన్సీల విలువ లేదా తరుగుదల ప్రభావాన్ని ప్రతిబింబిస్తాయి.
బంగారం నిల్వలు ఇలా
బంగారం నిల్వలు కూడా 1.231 బిలియన్ల యూఎస్ డాలర్లకు పెరిగాయి. అంటే మొత్తం 58.663 బిలియన్ల యూఎస్ డాలర్లుగా ఉన్నాయి. అదనంగా ప్రత్యేక డ్రాయింగ్ హక్కులు 76 మిలియన్ల యూఎస్ డాలర్లు పెరిగి 18.111 బిలియన్ల యూఎస్ డాలర్లకు చేరుకున్నాయి. అలాగే అంతర్జాతీయ ద్రవ్య నిధి (ఐఎంఎఫ్)తో భారతదేశానికి సంబంధించిన రిజర్వ్ స్థానం 32 మిలియన్ల యూఎస్ డాలర్లకు పెరిగి 4.609 బిలియన్ల యూఎస్ డాలర్లకు చేరుకుంది.
మరిన్ని బిజినెస్ వార్తల కోసం క్లిక్ చేయండి..
