EPFO: ప్రావిడెంట్ ఫండ్ వడ్డీని జమ చేస్తున్నారు.. మీ పీఎఫ్ ఎకౌంట్లో ఇంట్రస్ట్ వచ్చిందో లేదో తెలుసుకోండిలా!
ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) 2020-21 ఆర్థిక సంవత్సరానికి సంబంధించిన వడ్డీని చందాదారుల ఖాతాకు బదిలీ చేయడం ప్రారంభించింది.
EPFO: ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) 2020-21 ఆర్థిక సంవత్సరానికి సంబంధించిన వడ్డీని చందాదారుల ఖాతాకు బదిలీ చేయడం ప్రారంభించింది. EPFO 8.50% చొప్పున PF పై వడ్డీని చెల్లించాలి. మీ PF ఖాతాలో ప్రభుత్వం నుండి దీపావళి బహుమతి వచ్చిందో లేదో కూడా మీరు మీ PF ఖాతాను తనిఖీ చేయడం ద్వారా తెలుసుకోవచ్చు. మీ ఖాతాను తనిఖీ చేయడానికి మీరు ఈ 4 పద్ధతులను ఉపయోగించవచ్చు. వాటి గురించి ఇక్కడ తెలుసుకుందాం.
SMS ద్వారా..
మీ నమోదిత మొబైల్ నంబర్ నుండి 7738299899కి PF బ్యాలెన్స్ చెక్‌కి SMS ద్వారా EPFOHO UAN TEL అని టైప్ చేసి మెసేజ్ పంపించవచ్చు. ఇక్కడ TEL మీరు సమాచారాన్ని కోరుకునే భాషలో మొదటి మూడు అక్షరాలను నిర్దేశిస్తుంది. తెలుగుతో పాటు ఇంగ్లీష్, హిందీ, పంజాబీ, గుజరాతీ, మరాఠీ, కన్నడ,తమిళం, మలయాళం అలాగే బెంగాలీ భాషల్లో కూడా మెసేజింగ్ సౌకర్యం అందుబాటులో ఉంది. అయితే, మీరు మెసేజ్ ద్వారా EPFO బ్యాలెన్స్ తెలుసుకోవాలంటే, మీ మొబైల్ నంబర్ తప్పనిసరిగా UANతో నమోదు అయి ఉండాలి.
మిస్డ్ కాల్ ద్వారా..
మిస్డ్ కాల్ ద్వారా PF బ్యాలెన్స్‌ని చెక్ చేయడానికి, మీ మొబైల్ నంబర్ తప్పనిసరిగా UANతో రిజిస్టర్ అయి ఉండాలి. మీరు 011-22901406కు మిస్డ్ కాల్ ఇవ్వడం ద్వారా మీ రిజిస్టర్డ్ మొబైల్ నుండి PF బ్యాలెన్స్‌ని తనిఖీ చేయవచ్చు. మిస్డ్ కాల్ ఇచ్చిన తర్వాత, మీ రిజిస్టర్డ్ నంబర్‌కు PF సందేశం వస్తుంది. దాని నుండి మీకు PF బ్యాలెన్స్ తెలుస్తుంది.
UMANG యాప్‌లో బ్యాలెన్స్‌ని ఎలా చెక్ చేయాలి
- మీ UMANG యాప్‌ని తెరిచి, EPFOపై క్లిక్ చేయండి.
- మీరు మరొక పేజీలో ఉద్యోగుల-కేంద్రీకృత సేవలపై క్లిక్ చేయాలి.
- ఇక్కడ View Passbookపై క్లిక్ చేయండి. మీ UAN నంబర్.. పాస్‌వర్డ్ (OTP) నంబర్‌ను నమోదు చేయండి. మీ రిజిస్టర్డ్ మొబైల్ నంబర్‌కు OTP వస్తుంది.
- దీని తర్వాత మీరు మీ PF బ్యాలెన్స్‌ని చెక్ చేసుకోవచ్చు.
మీరు ఈ వెబ్‌సైట్‌లో కూడా పీఎఫ్ బ్యాలెన్స్ చెక్ చేసుకోవచ్చు
- ఆన్‌లైన్‌లో మీ బ్యాలెన్స్‌ని చెక్ చేయడానికి, PF పాస్‌బుక్ పోర్టల్ లో లాగిన్ కావచ్చు. అందుకోసం ఇక్కడ క్లిక్ చేయండి.
- మీ UAN మరియు పాస్‌వర్డ్ ఉపయోగించి ఈ పోర్టల్‌కి లాగిన్ చేయండి.
- దీనిలో, డౌన్‌లోడ్ / వ్యూ పాస్‌బుక్‌పై క్లిక్ చేయండి. ఆపై పాస్‌బుక్ మీ ముందు ఓపెన్ అవుతుంది. అందులో మీరు బ్యాలెన్స్ చూడవచ్చు.
ఇవి కూడా చదవండి: Google: గూగుల్ వినియోగదారులకు ఈ రూల్ తప్పనిసరి.. లేకుంటే లాగిన్ కావడం కష్టం!
Air Pollution: ఈ అనారోగ్య సమస్యలు ఉన్నవారికి వాయుకాలుష్యంతో గుండె జబ్బుల ముప్పు ఎక్కువ!
JioPhone Next: జియో ఫోన్ నెక్స్ట్ బ్యాటరీ గురించి ఈ షాకింగ్ విషయాలు మీకు తెలుసా?