PMSYM: వృద్ధ దంపతులకు కేంద్ర ప్రభుత్వ భరోసా.. ఏడాది రూ.72,000 పింఛన్ వచ్చే పథకమేంటో తెలుసా?
. శ్రమజీవులు వృద్ధులైతే కచ్చితంగా వేరేవారి ఆధారపడతారు. వారికి రాబడి లేకపోవడంతో కనీస మెడికల్ అవసరాలు కూడా తీర్చుకోలేరు. నెలకు కొంత మేర పెట్టుబడితో వ‌ద్ధాప్యంలో భరోసా కల్పించేందుకు కేంద్ర ప్రభుత్వం సరికొత్త పింఛన్ ప్లాన్‌ను తీసుకువచ్చింది. ప్రధాన మంత్రి శ్రమ యోగి మాన్-ధన్ (పీఎంఎస్‌వైఎం) కార్యక్రమం ద్వారా పెట్టుబడి భద్రతతో పాటు సహేతుకమైన రాబడిని ప్లాన్‌ను ప్రవేశ పెట్టింది.
Srinu |
Updated on: Jul 11, 2023 | 11:30 PM
రిటైర్‌మెంట్ టైమ్ అంటేనే మనం వేరే వారిపై ఆధారపడాల్సిన సమయమని అందరూ అనుకుంటారు. ముఖ్యంగా సంపాదన మందగిస్తుంది. దీంతో అందరూ రిటైర్‌మెంట్ ప్లాన్ గురించి ఆలోచిస్తూ ఉంటారు. అయితే ఉద్యోగస్తులకు వరకూ రిటైర్‌మెంట్ ఉంటుంది. శ్రమజీవులు వృద్ధులైతే కచ్చితంగా వేరేవారి ఆధారపడతారు. వారికి రాబడి లేకపోవడంతో కనీస మెడికల్ అవసరాలు కూడా తీర్చుకోలేరు. నెలకు కొంత మేర పెట్టుబడితో వ‌ద్ధాప్యంలో భరోసా కల్పించేందుకు కేంద్ర ప్రభుత్వం సరికొత్త పింఛన్ ప్లాన్‌ను తీసుకువచ్చింది. ప్రధాన మంత్రి శ్రమ యోగి మాన్-ధన్ (పీఎంఎస్‌వైఎం) కార్యక్రమం ద్వారా పెట్టుబడి భద్రతతో పాటు సహేతుకమైన రాబడిని ప్లాన్‌ను ప్రవేశ పెట్టింది. దేశంలోని అసంఘటిత రంగంలోని కార్మికులకు ఆర్థిక భద్రత కల్పించేందుకు మోదీ ప్రభుత్వం కొన్ని సంవత్సరాల క్రితం కొన్ని రకాల పెన్షన్ పథకాలను ప్రారంభించింది. కార్మిక , ఉపాధి మంత్రిత్వ శాఖ 2019లో ప్రధాన మంత్రి శ్రమ యోగి మాన్-ధన్ (పీఎంఎస్‌వైఎం)ని ప్రారంభించింది. ఈ ప్లాన్ వివాహిత జంటలు నెలకు రూ. 200 కంటే తక్కువ పెట్టుబడి పెడితే వారి వృ‌ద్ధాప్యంలో రూ. 72,000 వార్షిక పింఛన్ పొందేందుకు వీలు కల్పిస్తుంది. ఈ పథకం వివరాలు ఏంటో ఓ సారి తెలుసుకుందాం.
ప్రధాన మంత్రి శ్రమ యోగి మాన్-ధన్ పథకం
అసంఘటిత కార్మికులు ఎక్కువగా ఇంటి ఆధారిత కార్మికులు, వీధి వ్యాపారులు, మధ్యాహ్న భోజన కార్మికులు, లోడింగ్ చేసేవారు, ఇటుక బట్టీ కార్మికులు, చెప్పులు కుట్టేవారు, బట్టలు ఉతికేవారు, రిక్షా పుల్లర్లు, భూమిలేని కార్మికులు, సొంత ఖాతా కార్మికులు, వ్యవసాయ కార్మికులు, నిర్మాణ కార్మికులు, బీడీ కార్మికులు, చేనేత కార్మికులు, తోలు కార్మికులు, ఆడియో-విజువల్ కార్మికులు, అలాగే నెలవారీ ఆదాయం రూ. 15,000 లేదా అంతకంటే తక్కువ మరియు 18-40 సంవత్సరాల వయస్సు ఉన్న ప్రవేశ వయస్సు గల ఇతర వృత్తులు ఈ పథకానికి అర్హులు. అయితే వారు కొత్త పెన్షన్ స్కీమ్ (ఎన్‌పీఎస్), ఉద్యోగుల స్టేట్ ఇన్సూరెన్స్ కార్పొరేషన్ (ఈఎస్ఐసీ) స్కీమ్ లేదా ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్ఓ) కింద కవర్ అవ్వకూడదు. అలాగే ఆదాయపు పన్ను చెల్లింపుదారులు ఈ పథకానికి అనర్హులు
నెలకు రూ.100 పెట్టుబడి
ఒక జంట సంవత్సరానికి రూ. 72,000 పెన్షన్ ఎలా పొందవచ్చో? ఓ సాధారణ లెక్క ద్వారా తెలుసుకుందాం. ఒక వ్యక్తికి 30 ఏళ్లు ఉంటే స్కీమ్‌లలో నెలవారీ కాంట్రిబ్యూషన్ నెలకు దాదాపు రూ. 100 ఉంటుంది. ఒక జంట నెలకు రూ. 200 ఖర్చు చేస్తారు. అందువల్ల, వ్యక్తిగత సహకారం ఒక సంవత్సరంలో రూ. 1200 అయితే 60 ఏళ్లు నిండిన తర్వాత, వ్యక్తికి సంవత్సరానికి రూ. 36,000 పెన్షన్‌గా (జంటకు రూ. 72,000 వార్షిక పెన్షన్) లభిస్తుంది.
హామీ పింఛన్
పీఎం ఎస్‌వైఎం కింద ప్రతి సబ్‌స్క్రైబర్ 60 ఏళ్ల వయస్సు వచ్చిన తర్వాత నెలకు రూ. 3000 కనీస హామీ పెన్షన్‌ను అందుకుంటారు. అలాగూ పింఛను పొందే సమయంలో చందాదారుడు మరణిస్తే లబ్ధిదారుని జీవిత భాగస్వామి కుటుంబ పెన్షన్‌గా పొందే పెన్షన్‌లో 50 శాతం పొందేందుకు అర్హులు. కుటుంబ పెన్షన్ జీవిత భాగస్వామికి మాత్రమే వర్తిస్తుంది.
నమోదు ఇలా
చందాదారుడు తప్పనిసరిగా మొబైల్ ఫోన్, సేవింగ్స్ బ్యాంక్ ఖాతా, ఆధార్ నంబర్ కలిగి ఉండాలి. అర్హత కలిగిన సబ్‌స్క్రైబర్ సమీపంలోని సీఎస్సీలను సందర్శించి, స్వీయ-ధృవీకరణ ఆధారంగా ఆధార్ నంబర్, సేవింగ్స్ బ్యాంక్ ఖాతా/జన్-ధన్ ఖాతా నంబర్‌ను ఉపయోగించి పీఎంఎస్‌వైఎం కోసం నమోదు చేసుకోవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి
