Power Consumption: 2021 డిసెంబర్‎లో పెరిగిన విద్యుత్ వినియోగం.. 110.34 బిలియన్ యూనిట్ల వాడకం..

Power

దేశంలో విద్యుత్ వినియోగం గత నెలలో డిసెంబర్ 2021లో 4.5 శాతం పెరిగి 110.34 బిలియన్ యూనిట్లకు (బిలియన్ యూనిట్లు) పెరిగింది. అంతకు ముందు ఏడాది 2020లో విద్యుత్ వినియోగం 101.08 బిలియన్ యూనిట్లుగా ఉంది. దేశవ్యాప్తంగా ఆర్థిక కార్యకలాపాలు మెరుగుపడుతున్న నేపథ్యంలో డిసెంబర్‌లో విద్యుత్ వినియోగం స్థిరమైన రీతిలో వృద్ధి చెందిందని నిపుణులు భావిస్తున్నారు. అయితే దేశంలో కోవిడ్-19 వేరియంట్ ఒమిక్రాన్ కేసులు పెరుగుతున్నాయని ఆందోళన వ్యక్తం చేశారు. అనేక రాష్ట్రాలు లాక్‌డౌన్ ఆంక్షలు విధించడం వల్ల విద్యుత్తు తగ్గే అవకాశం ఉందన్నారు.

2021 నవంబర్, అక్టోబర్‎లో విద్యుత్ వినియోగం
నవంబర్‌లో విద్యుత్ వినియోగం 2.6 శాతం పెరిగి 99.37 బిలియన్ యూనిట్లకు చేరుకుంది. నవంబర్ 2020లో ఇది 96.88 బిలియన్ యూనిట్లుగా ఉంది. అక్టోబర్ 2021లో దేశంలో విద్యుత్ వినియోగం 3.3 శాతం పెరిగి 112.79 బిలియన్ యూనిట్లకు చేరుకుంది. అదే సమయంలో అక్టోబర్ 2020 లో ఇది 109.17 బిలియన్ యూనిట్లుగా ఉంది.

గత ఏడాది ఏప్రిల్‌లో కోవిడ్-19 సెకండ్ వేవ్ తరువాత చాలా రాష్ట్రాలు లాక్‌డౌన్ విధించాయి. దీంతో వాణిజ్య, పారిశ్రామిక విద్యుత్‌కు డిమాండ్‌ తగ్గుముఖం పట్టింది. కోవిడ్ ఇన్ఫెక్షన్ తగ్గిన తర్వాత ఈ ఏడాది మేలో విద్యుత్ వినియోగం ఏడాది ప్రాతిపదికన 6.6 శాతం పెరిగి 108.80 యూనిట్లకు చేరుకుంది. మే, 2020లో ఇది 102.08 బిలియన్ యూనిట్లుగా ఉంది. జూన్‌లో విద్యుత్ వినియోగం దాదాపు తొమ్మిది శాతం పెరిగి 114.48 బిలియన్ యూనిట్లకు చేరుకుంది. జూన్, 2020లో ఇది 105.08 బిలియన్ యూనిట్లుగా ఉంది.

Read Also.. Swiggy, Zomato: నేటి నుంచి అదనపు భారం.. 5 శాతం జీఎస్టీ వసూలు చేయనున్న ఫుడ్‌ డెలివరీ సంస్థలు