Credit Score: క్రెడిట్ కార్డు బిల్లుతో సిబిల్ స్కోర్ ఎఫెక్ట్.. నిపుణులు చెప్పేది ఏంటంటే..?
ప్రస్తుత రోజుల్లో బ్యాంకింగ్ రంగంలో వచ్చిన మార్పులు ప్రజలు కొత్త తరహా సేవలను అందుబాటులోకి తీసుకొచ్చాయి. ముఖ్యంగా క్రెడిట్ కార్డుల రంగప్రవేశంతో చెల్లింపుల వ్యవస్థలో కీలక మార్పులు వచ్చాయి. అయితే పెరుగుతున్న ఖర్చులు, అవసరాల నేపథ్యంలో లోన్స్ తీసుకోవడం అనేది సర్వసాధారణమైపోయింది. అయితే లోన్స్ అందించడానికి బ్యాంకులు కచ్చితంగా సిబిల్ స్కోర్‌ను బేరీజు వేసుకుని రుణాలు మంజూరు చేస్తూ ఉంటాయి
ప్రస్తుత రోజుల్లో బ్యాంకింగ్ రంగంలో వచ్చిన మార్పులు ప్రజలు కొత్త తరహా సేవలను అందుబాటులోకి తీసుకొచ్చాయి. ముఖ్యంగా క్రెడిట్ కార్డుల రంగప్రవేశంతో చెల్లింపుల వ్యవస్థలో కీలక మార్పులు వచ్చాయి. అయితే పెరుగుతున్న ఖర్చులు, అవసరాల నేపథ్యంలో లోన్స్ తీసుకోవడం అనేది సర్వసాధారణమైపోయింది. అయితే లోన్స్ అందించడానికి బ్యాంకులు కచ్చితంగా సిబిల్ స్కోర్‌ను బేరీజు వేసుకుని రుణాలు మంజూరు చేస్తూ ఉంటాయి. ఈ నేపథ్యంలో క్రెడిట్ కార్డు ఉన్న వారు అనుకోని సందర్భంలో బిల్లు చెల్లించకపోతే సిబిల్ స్కోర్ తగ్గిపోతూ ఉంటుంది. అయితే ఇలాంటి సమస్యల పరిష్కారం ఆర్‌బీఐ ఇటీవల క్రెడిట్ కార్డుల నిబంధనలు సవరించింది. కాబట్టి ఆర్‌బీఐ సవరణ ప్రకారం సిబిల్ స్కోర్ విషయంలో ఎలాం మార్పులు వచ్చాయో? ఓ సారి తెలుసుకుందాం.
ముఖ్యంగా ఈ నెల ప్రారంభంలో రిజర్వ్ బ్యాంక్ ఆఫ్ ఇండియాక్రెడిట్ స్కోర్ నియమాలను సవరించింది. సాధారణంగా మీ క్రెడిట్ కార్డ్ బిల్లును వెంటనే తిరిగి చెల్లిస్తే మీ ఖర్చు పరిమితి పునరుద్ధరిస్తారు. అయితే చెల్లింపు ఆన్‌లైన్‌లో జరిగితే పునరుద్ధరణ కొన్ని నిమిషాల్లో అమల్లోకి వస్తుంది. ఖర్చు పరిమితిని పునరుద్ధరించిన తర్వాత, మీరు అదనపు కొనుగోళ్లతో కొనసాగవచ్చు. అయితే మీరు మీ బ్యాలెన్స్‌ను చెల్లించనప్పటికీ ఓవర్ లిమిట్‌పై బ్యాంకులు చార్జీలు వసూలు చేస్తాయి. చాలా బ్యాంకులు రూ.500 రుసుముతో ఓవర్‌లిమిట్ మొత్తంలో 2.5 శాతం వసూలు చేస్తారు. ఈ రుసుము బిల్లింగ్ సైకిల్‌లో ఒకసారి వర్తించవచ్చు. అయితే కొన్ని కార్డుల నిబంధనల ప్రకారం ఓవర్ లిమిట్ చార్జీలను విధించరు. మీ కార్డ్‌పై ఓవర్‌లిమిట్ ఖర్చులు అనుమతించబడతాయా? వర్తించే రుసుములు ఏమిటో అర్థం చేసుకోవడానికి మీరు మీ బ్యాంక్ లేదా కార్డ్ జారీ చేసే కంపెనీతో మాట్లాడవచ్చని నిపుణులు చెబుతున్నారు.
మీరు మీ బకాయిలను సౌకర్యవంతంగా తిరిగి చెల్లిస్తున్నందున మీరు పరిమితిని మెరుగుపరచడానికి కూడా అభ్యర్థించవచ్చు. మారిన ఆర్‌బీఐ నిబంధనల ప్రకారం కార్డు జారీ చేసేవారు ఇప్పుడు మీ బ్యూరోకి క్రెడిట్ ఇన్ఫర్మేషన్ బ్యూరో (ఇండియా) లిమిటెడ్ (సిబిల్) లేదా ఎక్స్‌పీరియన్ వంటి మీ క్రెడిట్ అలవాట్లకు సంబంధించిన 15 రోజుల నివేదికలను మునుపటి నెలవారీ ఫ్రీక్వెన్సీకి బదులుగా అందించాలి. మీ క్రెడిట్ వినియోగం 80 శాతం ఉంటే మీ పక్షంవారీ అప్‌డేట్‌ల సమయంలో మీ స్కోర్‌ను స్వల్పంగా తగ్గిపోతుందని నిపుణులు చెబుతున్నారు. అయితే బిల్లింగ్ సైకిల్ ముగిసి బిల్లు జనరేట్ అయ్యేలోపు మొత్తాన్ని చెల్లిస్తే మాత్రం మీ స్కోర్‌పై ఎలాంటి ప్రభావం ఉండదని గుర్తుంచుకోవాలి.
మరిన్ని బిజినెస్ వార్తల కోసం ఇక్కడ క్లిక్ చేయండి..