Bank Loan: ఈ బ్యాంకు వినియోగదారులకు గుడ్న్యూస్.. భారీగా తగ్గిన వడ్డీరేట్లు.. చౌకగా రుణాలు!
Bank Loan: . రిజర్వ్ బ్యాంక్ ఆఫ్ ఇండియా (RBI) ఇటీవల రెపో రేటును 50 బేసిస్ పాయింట్లు తగ్గించిన తర్వాత ఈ చర్య తీసుకుంది. ఆ తర్వాత రెపో రేటు ఇప్పుడు 5.5%గా మారింది. RBI తీసుకున్న ఈ ప్రయోజనాన్ని..
Updated on: Jun 14, 2025 | 12:47 PM
కెనరా బ్యాంక్ తన రెపో లింక్డ్ లెండింగ్ రేటు (RLLR)ను 8.75% నుండి 8.25%కి తగ్గించడం ద్వారా తన కస్టమర్లకు పెద్ద ఉపశమనం కలిగించింది. ఈ కొత్త రేటు జూన్ 12, 2025 నుండి అమల్లోకి వచ్చింది. రిజర్వ్ బ్యాంక్ ఆఫ్ ఇండియా (RBI) ఇటీవల రెపో రేటును 50 బేసిస్ పాయింట్లు తగ్గించిన తర్వాత ఈ చర్య తీసుకుంది. ఆ తర్వాత రెపో రేటు ఇప్పుడు 5.5%గా మారింది. RBI తీసుకున్న ఈ ప్రయోజనాన్ని కెనరా బ్యాంక్ తన కస్టమర్లకు అందించింది. ఇక రుణాలు మరింత చౌకగా మారనున్నాయి.
ఇది కూడా చదవండి: Snake Plants: ఈ 5 మొక్కలు మీ ఇంట్లో ఉంటే పాములు దరిదాపుల్లోకి రావు!
ఈ నిర్ణయం వల్ల గృహ రుణాలు, వాహన రుణాల వడ్డీ రేట్లు గణనీయంగా తగ్గాయి. గృహ రుణాల వడ్డీ రేటు ఇప్పుడు 7.90% నుండి 7.40%కి తగ్గింది బ్యాంకు. వాహన రుణాల రేటు 8.20% నుండి 7.70%కి తగ్గింది. కొత్త, పాత రుణగ్రహీతల EMI ఇప్పుడు తగ్గుతుంది. అంటే, ఇప్పుడు ఇల్లు లేదా కారు కొనాలనే కలను నెరవేర్చుకోవడం గతంలో కంటే సులభం కానుంది. ఆర్బిఐ రెపో రేటును 50 బేసిస్ పాయింట్లు తగ్గించినప్పటి నుండి బ్యాంకులు, ఆర్థిక సంస్థలలో వడ్డీ రేట్లను తగ్గిస్తున్నాయి.
గృహ రుణాలు చౌకగా మారాయి
మీరు ఇల్లు కొనాలని ప్లాన్ చేస్తుంటే ఇది మీకు ఒక సువర్ణావకాశం. కెనరా బ్యాంక్ గృహ రుణ వడ్డీ రేటు ఇప్పుడు కేవలం 7.40% నుండి ప్రారంభమవుతుంది. గతంలో ఈ రేటు 7.90% ఉండేది. అంటే, మీరు 50 లక్షల గృహ రుణం తీసుకుంటే మీ EMI లో గణనీయమైన పొదుపు ఉంటుంది. ఉదాహరణకు 7.90% వడ్డీ రేటుతో 20 సంవత్సరాల పాటు 50 లక్షల రుణానికి నెలవారీ EMI దాదాపు రూ. 49,500 ఉండేది. ఇప్పుడు 7.40% కొత్త రేటుతో ఈ EMIని దాదాపు రూ. 47,800కి తగ్గించుకోవచ్చు. అంటే, ప్రతి నెలా దాదాపు రూ. 1,700 ఆదా అవుతుంది. ఇది ఒక ఉదాహరణ మాత్రమే, మీ పొదుపులు రుణ మొత్తం, వ్యవధిని బట్టి మరింత ఎక్కువగా ఉండవచ్చని గమనించండి.
ఇది కూడా చదవండి: AC Cooling Tips: మీ కారు ఏసీ కూలింగ్ తగ్గుతోందా? ఈ పొరపాట్లు కావచ్చు.. ఇలా చేయండి
కారు కొనాలనే కల సులభం:
ఇప్పుడు కారు కొనాలంటే కూడా రుణ భారం తగ్గవచ్చు. కెనరా బ్యాంక్ వడ్డీ రేటును 8.20% నుండి 7.70%కి తగ్గించింది. మీరు కొత్త కారు లేదా బైక్ కొనాలని ఆలోచిస్తుంటే ఇప్పుడు EMI భారం మునుపటి కంటే తక్కువగా ఉంటుంది. ఉదాహరణకు మీరు 5 సంవత్సరాలకు రూ. 7 లక్షల కారు రుణం తీసుకున్నారని అనుకుందాం. గతంలో 8.20% రేటుతో మీ EMI దాదాపు రూ. 14,800 ఉండేది. ఇప్పుడు 7.70% కొత్త రేటుతో ఈ EMIని దాదాపు రూ. 14,500కి తగ్గించవచ్చు. అంటే, ప్రతి నెలా రూ. 300 ఆదా అవుతుంది. ఈ చిన్న పొదుపు దీర్ఘకాలంలో మీ బడ్జెట్ను పొదుపు చేస్తుంది.
పాత రుణదాతలకు కూడా ఉపశమనం:
మీరు ఇప్పటికే కెనరా బ్యాంక్ నుండి రుణం తీసుకొని అది MCLRతో అనుసంధానించి ఉంటే మీరు కూడా ఈ తగ్గింపు ప్రయోజనాన్ని పొందుతారు. బ్యాంక్ MCLR ను 20 బేసిస్ పాయింట్లు తగ్గించింది. ఇది అన్ని కాలాలకు వర్తిస్తుంది. అంటే మీ రుణం 1 సంవత్సరం లేదా 5 సంవత్సరాలకు అయినా, మీ వడ్డీ రేటు తగ్గుతుంది. EMI భారం తగ్గుతుంది. మీ రుణం పాతది, కొత్త రేట్ల ప్రయోజనాన్ని పొందాలని భావిస్తే, మీరు రీఫైనాన్సింగ్ ఎంపికను కూడా తనిఖీ చేయవచ్చు.
ఇది కూడా చదవండి: Indian Railways: మీరు రైలు లేదా కోచ్ను బుక్ చేసుకోవాలనుకుంటున్నారా? ఇలా చేయండి
మరిన్ని బిజినెస్ వార్తల కోసం ఇక్కడ క్లిక్ చేయండి
