Canara Bank Profit: కెనరా బ్యాంకు అదరగొట్టింది.. భారీగా లాభాలు..!

Canara Bank Profit: కెనరా బ్యాంక్ క్యూ3 ఫలితాలు: డిసెంబరు 2021 త్రైమాసికం (Third Quarter)లో నికర లాభం రెండు రెట్లు ఎక్కువ పెరిగిందని..

Updated on: Jan 28, 2022 | 5:15 AM

Canara Bank Profit: కెనరా బ్యాంక్ క్యూ3 ఫలితాలు: డిసెంబరు 2021 త్రైమాసికం (Third Quarter)లో నికర లాభం రెండు రెట్లు ఎక్కువ పెరిగిందని ప్రభుత్వ యాజమాన్యంలోని కెనరా బ్యాంక్ (Canara Bank) గురువారం తెలిపింది. బ్యాంకు (Bank)ప్రకారం.. బలహీనమైన కేటాయింపులే దీని వెనుక కారణం. డిసెంబర్ త్రైమాసికం (Third Quarter)లో బ్యాంక్ నికర లాభం స్టాండలోన్ ప్రాతిపదికన రూ.1,502 కోట్లుగా ఉంది. గత ఏడాది త్రైమాసికంలో బ్యాంక్ రూ.696 కోట్ల నికర లాభం ఆర్జించింది. సెప్టెంబర్ త్రైమాసికంతో పోలిస్తే బ్యాంక్ నికర లాభం 13 శాతం పెరిగింది. సెప్టెంబర్ త్రైమాసికంలో బ్యాంక్ రూ.1,333 కోట్ల లాభాన్ని ఆర్జించింది. 2021-22 అక్టోబర్-డిసెంబర్ కాలంలో మొత్తం ఆదాయం (Income) స్వల్పంగా రూ.21,312 కోట్లకు తగ్గిందని కెనరా బ్యాంక్ రెగ్యులేటరీ ఫైలింగ్‌లో పేర్కొంది. 2020-21 ఇదే కాలంలో రూ.21,365 కోట్లుగా ఉన్నట్టు బ్యాంక్ తెలిపింది.

బ్యాంకు ఎన్‌పీఏ పెరిగింది:

బ్యాంకు యొక్క మొత్తం నిరర్థక ఆస్తులు (NPAలు) లేదా మొండి బకాయిలు స్థూల అడ్వాన్స్‌లలో 7.80 శాతానికి పెరిగాయి. డిసెంబర్ 2020 చివరి నాటికి ఇది 7.46 శాతంగా ఉంది. బ్యాంక్ నికర ఎన్‌పిఎ గత త్రైమాసికంలో 2.64 శాతం నుంచి 2.86 శాతంగా ఉంది.

2022 ఆర్థిక సంవత్సరం మూడో త్రైమాసికంలో బ్యాంక్ మొండి బకాయిలు, ఆకస్మిక కేటాయింపులను బ్యాంక్ రూ. 2,245 కోట్లకు తగ్గించింది. అంతకు ముందు ఏడాది త్రైమాసికంలో ఇది రూ.4,210 కోట్లుగా ఉంది. కన్సాలిడేటెడ్ ప్రాతిపదికన, FY22 మూడవ త్రైమాసికంలో బ్యాంక్ నికర లాభం రెండు రెట్లు పెరిగింది. అంతకుముందు రూ.739 కోట్ల నుంచి రూ.1,631 కోట్లుగా ఉంది. బీఎస్ఈలో కెనరా బ్యాంక్ షేర్లు ఒక్కో షేరు రూ.233.70 వద్ద ట్రేడవుతున్నాయి. గత బంద్‌తో పోలిస్తే ఇది 5.60 శాతం పెరిగింది.

డిసెంబర్ 2021తో ముగిసిన త్రైమాసికంలో ఏకీకృత నికర లాభం 18.8 శాతం పెరిగి రూ. 6536.55 కోట్లకు చేరుకుందని ఐసిఐసిఐ బ్యాంక్ శనివారం తెలిపిందని మీకు తెలియజేద్దాం. ఈ కాలంలో బ్యాంక్ నికర వడ్డీ ఆదాయం (NII) గత ఏడాది ఇదే త్రైమాసికంలో రూ.9,912 కోట్ల నుంచి 23 శాతం పెరిగి రూ.12,236 కోట్లకు చేరుకుంది. స్టాక్ ఎక్స్ఛేంజీలకు ఇచ్చిన సమాచారంలో ప్రస్తుత ఆర్థిక సంవత్సరం మూడో త్రైమాసికానికి సంబంధించిన గణాంకాలను బ్యాంక్ వెల్లడించింది.

అదే సమయంలో, డిసెంబర్ త్రైమాసికంలో నికర లాభం ఏడాది ప్రాతిపదికన 77 శాతం పెరిగి రూ.266 కోట్లకు చేరుకుందని యెస్ బ్యాంక్ శనివారం తెలిపింది. గతేడాది ఇదే త్రైమాసికంలో బ్యాంక్ రూ.151 కోట్ల లాభాన్ని ఆర్జించింది. ఈ త్రైమాసికంలో బ్యాంకు నష్టాలను చవిచూస్తుందని నిపుణులు అంచనా వేస్తున్నారు. త్రైమాసికంలో బ్యాంక్ కేటాయింపులు ఏడాది ప్రాతిపదికన 82.1 శాతం క్షీణించి రూ.375 కోట్లకు చేరుకున్నాయి. అంతకు ముందు ఏడాది త్రైమాసికంలో ఇది రూ.2,089 కోట్లుగా ఉంది.

ఇవి కూడా చదవండి: