Boeing Investment: ఏరోస్పేస్ కంపెనీ బోయింగ్ భారత్లో భారీ పెట్టుబడి.. ఎందుకో తెలుసా..?
ఏరోస్పేస్ కంపెనీ బోయింగ్ భారత్లో భారీ పెట్టుబడి పెట్టనుంది. ఈ పెట్టుబడితో మౌలిక సదుపాయాలు మరింత బలపడే అవకాశం ఉంది. దీనితో పాటు, దేశంలోని విమానయాన పరిశ్రమ కూడా ఊపందుకోవడంలో సహాయపడుతుంది. ఏరోస్పేస్ తయారీ కంపెనీ భారతదేశంలో 100 మిలియన్ డాలర్లు అంటే 8 వేల కోట్ల పెట్టుబడి..
![Boeing Investment: ఏరోస్పేస్ కంపెనీ బోయింగ్ భారత్లో భారీ పెట్టుబడి.. ఎందుకో తెలుసా..?](https://images.tv9telugu.com/wp-content/uploads/2023/06/boeing.jpg?w=1280)
ఏరోస్పేస్ కంపెనీ బోయింగ్ భారత్లో భారీ పెట్టుబడి పెట్టనుంది. ఈ పెట్టుబడితో మౌలిక సదుపాయాలు మరింత బలపడే అవకాశం ఉంది. దీనితో పాటు, దేశంలోని విమానయాన పరిశ్రమ కూడా ఊపందుకోవడంలో సహాయపడుతుంది. ఏరోస్పేస్ తయారీ కంపెనీ భారతదేశంలో 100 మిలియన్ డాలర్లు అంటే 8 వేల కోట్ల పెట్టుబడి పెట్టబోతోంది. ప్రధాని మోదీ అమెరికా పర్యటనలో ఉన్న తరుణంలో బోయింగ్ ఇంత పెద్ద ప్రకటన చేసింది.
బోయింగ్ ఈ పెట్టుబడితో మౌలిక సదుపాయాల మెరుగుదల, పైలట్ శిక్షణ జరుగుతుంది. బోయింగ్ 8 వేల కోట్ల డాలర్ల పెట్టుబడిని ప్రకటించింది. భారత్లో నైపుణ్యం కలిగిన పైలట్ల కోసం డిమాండ్ వేగంగా పెరుగుతుండటంతో బోయింగ్ ఇంత భారీ మొత్తాన్ని పెట్టుబడిగా పెట్టనున్నట్లు ప్రకటించింది. అంచనాల ప్రకారం.. రాబోయే 20 ఏళ్లలో దేశానికి దాదాపు 31,000 మంది కొత్త పైలట్లు అవసరమవుతాయి. ఈ డిమాండ్ను తీర్చడంలో బోయింగ్ కీలక పాత్ర పోషిస్తుంది.
అందుకే బోయింగ్ పెట్టుబడి పెట్టాలనుకుంటోంది
భారతదేశంలో ఎయిర్ ఇండియా ఇటీవల బోయింగ్ నుంచి 200 కొత్త విమానాలను ఆర్డర్ చేసింది. అటువంటి పరిస్థితిలో దీని కోసం కంపెనీకి శిక్షణ పొందిన పైలట్లు కూడా అవసరం. అదే సమయంలో వైట్హౌస్లో ప్రధాని నరేంద్ర మోడీ, యుఎస్ ప్రెసిడెంట్ జో బిడెన్ సంయుక్త ప్రసంగంలో 200 కంటే ఎక్కువ యుఎస్ నిర్మిత బోయింగ్ విమానాల ఆర్డర్ అమెరికా, భారతదేశం మధ్య సంబంధాలను మరింత బలోపేతం చేస్తుందని అన్నారు.
భారతదేశం వేగంగా అభివృద్ధి చెందుతోంది:
ప్రపంచ విమానయాన మార్కెట్లో భారత్ దూసుకెళ్తున్న తీరు త్వరలోనే పెద్దపీట వేస్తుందని బోయింగ్ పేర్కొంది. మధ్యతరగతి వేగంగా వృద్ధి చెందడం, విమానాలకు పెరుగుతున్న డిమాండ్ కారణంగా గత కొన్ని సంవత్సరాలుగా భారతీయ విమానయాన రంగం దూసుకుపోతోంది. అయితే, బోయింగ్కు కూడా భారతదేశ సామర్థ్యాలపై నమ్మకం ఉంది. కంపెనీ ఇప్పుడు భారతీయ మార్కెట్ నుంచి లాభాలను పొందాలనుకుంటోంది.
మరిన్ని బిజినెస్ వార్తల కోసం ఇక్కడ క్లిక్ చేయండి