SBI Withdrawal Charges: ఎస్బీఐ వినియోగదారులకు షాక్.. ఏటీఎం విత్డ్రా ఛార్జీల పెంపు!
SBI Withdrawal Charges Fees: స్టేట్ బ్యాంక్ ఆఫ్ ఇండియా (ఎస్బీఐ) తన ఖాతాదారులకు షాకిచ్చింది. ఏటీఎంల నుంచి విత్డ్రా చేసే నగదుపై ఛార్జీలను పెంచుతూ నిర్ణయం తీసుకుంది ఎస్బీఐ. ఈ నిర్ణయం ఎస్బీఐ కానీ ఏటీఎంలను తరచుగా ఉపయోగించే కస్టమర్ల జేబులపై..
SBI Withdrawal Charges Fees: దేశంలోనే అతిపెద్ద ప్రభుత్వ రంగ బ్యాంకు స్టేట్ బ్యాంక్ ఆఫ్ ఇండియా (SBI) తన కస్టమర్లకు గట్టి దెబ్బ తగిలింది. ATM నుండి డబ్బు తీసుకోవడానికి ఇప్పుడు గతంలో కంటే ఎక్కువ ఖర్చవుతుంది. ఇతర బ్యాంకుల ATMలను విత్డ్రా చేయడానికి ఛార్జీలను పెంచింది. ఈ నిర్ణయం ఎస్బీఐ కానీ ఏటీఎంలను తరచుగా ఉపయోగించే కస్టమర్ల జేబులపై ప్రత్యక్ష ప్రభావం పడుతుంది. ఎస్బీఐ ప్రకారం.. ఏటీఎంలు, ADWMలు (ఆటోమేటెడ్ డిపాజిట్-కమ్-విత్డ్రాయల్ మెషీన్లు) వద్ద వసూలు చేసే ఇంటర్చేంజ్ ఫీజులు పెరిగాయి. అందుకే బ్యాంక్ తన సర్వీస్ ఛార్జీలను సవరించాల్సి వచ్చింది. ఇంటర్చేంజ్ ఫీజులు అంటే మరొక బ్యాంకు ఏటీఎంని ఉపయోగించడానికి ఒక బ్యాంకు చెల్లించాల్సిన మొత్తం. ఈ పెరిగిన ఖర్చును ఇప్పుడు కస్టమర్లకు బదిలీ చేస్తున్నారు.
సాధారణ పొదుపు ఖాతాదారులపై ఎలాంటి ప్రభావం ఉంటుంది?
ఎస్బీఐ కానీ ఏటీఎంలలో అందుబాటులో ఉన్న ఉచిత లావాదేవీలపై పరిమితిని ఎస్బీఐ మార్చలేదు. సేవింగ్స్ ఖాతాదారులు నెలకు ఐదు ఉచిత లావాదేవీలు చేయవచ్చు. అయితే ఈ పరిమితి అయిపోయిన తర్వాత నగదు విత్డ్రాకు ఇప్పుడు రూ.23 + GST ఖర్చవుతుంది. గతంలో ఈ ఛార్జీ రూ.21 ఉండేది. అయితే మీరు బ్యాలెన్స్ చెక్లు లేదా మినీ స్టేట్మెంట్లు వంటి ఆర్థికేతర లావాదేవీలు మాత్రమే చేస్తే మీరు రూ.11 + GST చెల్లించాల్సి ఉంటుంది. ఇది గతంలో రూ.10 నుండి పెరిగింది.
ఇది కూడా చదవండి: Viral News: రైలులో ట్రాన్స్జెండర్ ముందు వెక్కి వెక్కి ఏడ్చిన యువకుడు.. ఆమె చేసిన పనికి ప్రశంసలు!
సాలరీ అకౌంట్దారులకు అతిపెద్ద షాక్:
ఈ మార్పు ఎస్బీఐ సాలరీ అకౌంట్దారులకు కొంచెం ఆశ్చర్యం కలిగిస్తుంది. గతంలో వారు ఎస్బీఐ కాని ఏటీఎంలలో అపరిమిత ఉచిత లావాదేవీలను పొందేవారు. ఈ ఫీచర్ ఇప్పుడు నిలిపివేశారు. కొత్త వ్యవస్థ కింద జీతం ఖాతాదారులు నెలకు మొత్తం 10 ఉచిత లావాదేవీలను పొందుతారు. వీటిలో నగదు ఉపసంహరణలు, బ్యాలెన్స్ తనిఖీలు రెండూ ఉంటాయి. ఆ తర్వాత అదే పెరిగిన ఛార్జీలు వర్తిస్తాయి.
ఇది కూడా చదవండి: Metro Fare Hike: ఆ మెట్రో ప్రయాణికులకు షాకింగ్ న్యూస్.. టికెట్ ధరలు పెరుగుతాయా?
ఏ కస్టమర్లకు ఉపశమనం లభించింది?
బేసిక్ సేవింగ్స్ బ్యాంక్ డిపాజిట్ (BSBD) ఖాతా ఉన్నవారికి కొంత ఉపశమనం ఉంది. ఈ కేటగిరిలో కొత్త ఛార్జీలు విధించలేదు. అయితే, మీరు SBI ATMలో లావాదేవీలు చేయడానికి ఎస్బీఐ డెబిట్ కార్డును ఉపయోగించే వారికి ఎలాంటి మార్పు లేదు. పాత నియమాలు, ఛార్జీలు అమలులో ఉంటాయి. మీరు తరచుగా ఇతర బ్యాంక్ ATMలను ఉపయోగిస్తుంటే, మీరు కొంచెం జాగ్రత్తగా ఉండాలి. అదనపు ఛార్జీలను నివారించడానికి ఎస్బీఐ ఏటీఎంలలో మాత్రమే లావాదేవీలు చేయడానికి లేదా ఉచిత పరిమితిలోపు ఉపసంహరణలను పూర్తి చేయడానికి ప్రయత్నించండి.
Vande Bharat Sleeper: ఈ ట్రైన్లో వెయిటింగ్ సౌకర్యం ఉండదు.. కనీస ఛార్జ్ ఎంత ఉంటుందో తెలుసా?
మరిన్ని బిజినెస్ వార్తల కోసం ఇక్కడ క్లిక్ చేయండి