Indian Wedding Industry: అంబానీల ఇంట దాదాపు రూ.2,000 కోట్ల ఖరీదైన పెళ్లి.. రూ.10 లక్షల కోట్ల వెడ్డింగ్ మార్కెట్ ను ఎలా పెంచనుంది?
దేశంలో దాదాపు 30 కోట్ల కుటుంబాలు ఉన్న మన దేశంలో ఏటా దాదాపు కోటి పెళ్లిళ్లయినా జరుగుతాయి. అదే గట్టి ముహూర్తాలు ఉంటే.. ఈ సంఖ్య పెరగొచ్చు. అంటే ఇందులో ఒక్కో పెళ్లికి అయ్యే ఖర్చు ఎంతఉంటుందో ఈజీగా ఊహించుకోవచ్చు. అందుకే మన దేశంలో పెళ్లిళ్ల చుట్టూ 10 లక్షల కోట్ల మార్కెట్ రూపుదిద్దుకుంది. ఇది ఏటేటా పెరుగుతోంది.
పెళ్లికి ఎంత ఖర్చు అవుతుంది? మామూలుగా అయితే ఐదు లక్షలో, పది లక్షలో, కోటో, పది కోట్లో అంటారు. వ్యక్తిగత ఆర్థిక స్థాయిని బట్టి ఈ ఖర్చు ఆధారపడి ఉంటుంది. కానీ వందలు, వేల కోట్లతో ఎవరైనా పెళ్లి చేసుకుంటారు అని ఊహిస్తారా? అది కొద్ది మంది శ్రీమంతులకు మాత్రమే చెల్లుతుంది. అలాంటి పెళ్లి చూడాలంటే అంబానీ ఇంట కల్యాణ వేడుకను కనులారా చూడాల్సిందే. అందుకే మన దేశంలో పెళ్లిళ్ల మార్కెట్ 10 లక్షల కోట్ల స్థాయిలో ఉంది. ఒక్క పెళ్లికి దాదాపు రూ.2000 కోట్ల ఖర్చు. అది కూడా మన దేశంలోనే. విందు భోజనంలో 2 వేలకు పైగా వెరైటీ వంటకాలు. జాతీయ, అంతర్జాతీయ ప్రముఖులతో స్టేజ్ షోలు. వాళ్లకు రెమ్యునరేషన్ గా పదుల కోట్ల రూపాయిలు. ఈ వివాహ వేడుక ఎవరిదో మీకు ఈ పాటికే అర్థమై ఉంటుంది. అదే అంబానీల ఇంట వివాహం. అనంత్ అంబానీ, రాధికా మర్చంట్ పెళ్లి అంగరంగవైభవంగా చేయడం కోసం.. అంబానీల కుటుంబం కొన్ని నెలలుగా వేడుకలు నిర్వహించింది. దానికి తగ్గట్టుగానే మార్చిలో మొదలుపెట్టి.. జూలై వరకు ప్రీ వెడ్డింగ్ సెలబ్రేషన్స్ ను చేసింది. ఖరీదైన వెడ్డింగ్ కార్డులతో పాటు గిఫ్టులు ఇచ్చింది. ప్రపంచం నలుమూలల నుంచి వచ్చే అతిథులను పెళ్లి మండపానికి తరలించడానికి దాదాపు పదులుకొద్దీ విమానాలను అద్దెకు తీసుకుంది. దీనిని బట్టి ఈ పెళ్లికి ఏ స్థాయిలో ఏర్పాట్లు చేశారో మీకు అర్థమై ఉంటుంది. ఇలా భారీ స్థాయిలో జరిగే...