Airtel: కోట్లాది మంది మొబైల్ వినియోగదారులను ఎయిర్టెల్ వార్నింగ్..!
Airtel: అనేక ఆన్లైన్ మోసాలకు సంబంధించిన సంఘటనలు వెలుగులోకి వచ్చాయి. ఇందులో హ్యాకర్లు, వ్యక్తుల నుండి సమాచారం అందుకున్న తర్వాత వారి బ్యాంకు ఖాతాలను ఖాళీ చేస్తారు. ఎయిర్టెల్తో పాటు, రిజర్వ్ బ్యాంక్ ఆఫ్ ఇండియా, ఎస్బిఐ కూడా బ్యాంకింగ్, యుపిఐ మోసాలకు సంబంధించి..
Updated on: Jan 19, 2025 | 3:29 PM
పెరుగుతున్న ఆన్లైన్ మోసాలపై ఎయిర్టెల్ తన కోట్లాది మంది వినియోగదారులను హెచ్చరించింది. దేశంలోని రెండవ అతిపెద్ద టెలికాం కంపెనీ తెలియని నంబర్ల నుండి కాల్లు, సందేశాలను నివారించాలని వినియోగదారులను కోరింది. SMS ద్వారా మోసాలకు దూరంగా ఉండాలని టెలికాం కంపెనీ వినియోగదారులను కోరింది. ఇటీవల, టెలికమ్యూనికేషన్స్ శాఖ ఆన్లైన్ మోసాలను నిరోధించడానికి టెలికాం కంపెనీలకు మార్గదర్శకాలను జారీ చేసింది. అలాగే, మెసేజ్ ట్రాకింగ్తో సహా అనేక కొత్త నియమాలు అమలు చేస్తోంది.
ఎయిర్టెల్ హెచ్చరించింది:
KYC అప్డేట్, యూజర్ ID, పాస్వర్డ్, డెబిట్ కార్డ్ నంబర్, PIN, CVV లేదా OTP మొదలైన వాటికి సంబంధించిన ఏదైనా కాల్, సందేశం లేదా ఇమెయిల్ వస్తే లింక్ను ఓపెన్ చేయవద్దని ఎయిర్టెల్ తన వినియోగదారులను సందేశం ద్వారా హెచ్చరించింది. వీరు సైబర్ నేరస్థులు కావచ్చు.. వీరితో తెలిసి లేదా తెలియక మీ వ్యక్తిగత సమాచారాన్ని పంచుకోవడం భారీ మోసానికి దారి తీస్తుందని హెచ్చరించింది.
ఇటీవల, అనేక ఆన్లైన్ మోసాలకు సంబంధించిన సంఘటనలు వెలుగులోకి వచ్చాయి. ఇందులో హ్యాకర్లు, వ్యక్తుల నుండి సమాచారం అందుకున్న తర్వాత వారి బ్యాంకు ఖాతాలను ఖాళీ చేస్తారు. ఎయిర్టెల్తో పాటు, రిజర్వ్ బ్యాంక్ ఆఫ్ ఇండియా, ఎస్బిఐ కూడా బ్యాంకింగ్, యుపిఐ మోసాలకు సంబంధించి వినియోగదారులను హెచ్చరించాయి. ఈ రకమైన మోసం కోసం హ్యాకర్లు సోషల్ ఇంజినీరింగ్ ద్వారా వ్యక్తులను ట్రాప్ చేస్తారు. వారి వ్యక్తిగత సమాచారాన్ని పొందేందుకు వారిని మోసగిస్తారు.
ఎలా నివారించాలి?:
ఎలాంటి ఆర్థిక మోసాలకు గురికాకుండా ఉండాలంటే జాగ్రత్తలే గొప్ప ఆయుధం. మీకు అలాంటి సందేశం లేదా కాల్ వచ్చినట్లయితే వాటిని విస్మరించడం మేలు. ఉచిత బహుమతులు లేదా రివార్డ్ల పేరుతో సైబర్ నేరగాళ్లు మిమ్మల్ని ట్రాప్ చేయవచ్చు. అటువంటి పరిస్థితిలో మీకు ఏదైనా ఉచిత బహుమతి లేదా లాటరీకి సంబంధించిన కాల్ లేదా సందేశం వస్తే, దానికి స్పందించవద్దు. చాలా మంది సైబర్ నేరగాళ్ల నుండి టెంప్టింగ్ ఆఫర్ల ఉచ్చులో పడి తమ బ్యాంకింగ్ వివరాలను పంచుకుంటారు. ఇలా చేయడం వల్ల మోసపోతారు.
రిజర్వ్ బ్యాంక్ ఆఫ్ ఇండియా ప్రకారం, ఏ బ్యాంక్ లేదా ఏజెన్సీ మిమ్మల్ని OTP, లేదా PIN లేదా మీ ఖాతా నంబర్, డెబిట్ లేదా క్రెడిట్ కార్డ్ నంబర్ను అడగదు. అటువంటి పరిస్థితిలో మీకు అలాంటి కాల్ ఏదైనా వచ్చినట్లయితే, అది సైబర్ నేరస్థుడి నుండి కావచ్చు. మీరు సైబర్ మోసానికి గురైనట్లయితే, ముందుగా వెంటనే ఫిర్యాదు చేయండి. సైబర్ క్రైమ్ పోర్టల్లో ఫిర్యాదు చేసిన తర్వాత కూడా 99% కేసులలో డబ్బు తిరిగి అందిస్తారు. మీరు స్కామ్ జరిగిన అరగంట లేదా 1 గంటలోపు రిపోర్ట్ చేస్తే, మీ డబ్బు తిరిగి వచ్చే అవకాశాలు ఎక్కువగా ఉంటాయి. దీని కోసం మీరు 1930 సైబర్ క్రైమ్ హెల్ప్లైన్కు కాల్ చేయవచ్చు లేదా cybercrime.gov.in పోర్టల్లో ఫిర్యాదు చేయవచ్చు.
ఇది కూడా చదవండి: Zepto: యూజర్లకు జెప్టో షాక్.. ఆండ్రాయిడ్లో రూ.65, ఐఫోన్లో రూ.146! ధరలో తేడా విషయం మళ్లీ వెలుగులోకి..
మరిన్ని బిజినెస్ వార్తల కోసం ఇక్కడ క్లిక్ చేయండి
