Airtel: క్రికెట్‌ ప్రియులకు ఎయిర్‌టేల్‌ బంపర్‌ ఆఫర్‌.. కేవలం 39తోనే అన్‌లిమిటెడ్‌ డేటా ప్యాక్‌

దేశంలో ఇండియన్ ప్రీమియర్ లీగ్ (IPL) 2024 సీజన్ ప్రారంభమైంది. ఐపీఎల్‌తో భారత్‌లో క్రికెట్‌ ఫీవర్‌ పెరుగుతోంది. భారతీ ఎయిర్‌టెల్ తన ప్రీపెయిడ్ వినియోగదారుల కోసం కొత్త డేటా ప్లాన్‌ను తీసుకొచ్చింది. ఇది తన ఎయిర్‌టెల్ DTH వినియోగదారుల కోసం స్టార్ స్పోర్ట్స్ 4K సేవను ప్రకటించింది. అలాగే దాని రూ.49, రూ. 99 డేటా ప్యాక్‌లను సవరించింది.

Airtel IPL 2024 అపరిమిత డేటా ప్యాక్

ఎయిర్‌టెల్ తన ప్రస్తుత రూ.49 ప్లాన్‌ను రూ.39, అలాగే రూ.99 ప్లాన్‌ను రూ.79లకు సవరిస్తూ ఈ ధరలతో రెండు కొత్త అపరిమిత డేటా ప్యాక్ ప్లాన్‌లను ప్రకటించింది. IPL 2024 కోసం ఎయిర్‌టెల్ క్రికెట్ అభిమానులకు అవాంతరాలు లేని కనెక్టివిటీని అందించడానికి ఈ ప్యాక్‌లు ప్రత్యేకంగా రూపొందించింది ఎయిర్‌టెల్‌.

ఎయిర్‌టెల్ రూ.39 ప్లాన్

రూ. 39 డేటా ప్యాక్‌తో ప్రారంభమై ఇది మీకు 1 రోజు వాలిడిటీతో 20జీబీ అపరిమిత డేటాను అందిస్తుంది. వ్యాలిడిటీ విషయానికొస్తే ఇది 30 రోజుల పాటు Wynk ప్రీమియం మెంబర్‌షిప్‌తో పాటు 20జీబీ డేటా క్యాప్‌తో అపరిమిత డేటాను కలిగి ఉంటుంది. దీని వాలిడిటీ ఒక రోజు.

ఎయిర్‌టెల్ రూ.99 ప్లాన్

Airtel రూ.99 ప్లాన్ ఇప్పుడు రూ.79 మాత్రమే. రెండు రోజుల పాటు రోజుకు 20జీబీ అపరిమిత డేటాను అందిస్తుంది. అన్ని ప్లాన్‌లలో డేటా పరిమితిని చేరుకున్న తర్వాత ఇంటర్నెట్ వేగం తగ్గుతుంది. ఎయిర్‌టెల్‌ ఈ ప్లాన్‌ల వెనుక కారణం ఏమిటంటే, IPL 2024 మ్యాచ్‌లను ప్రసారం చేయడానికి వినియోగదారులకు తగినంత డేటా ఉండేలా ఈ ప్లాన్‌ తీసుకువచ్చింది.

మరిన్ని బిజినెస్ వార్తల కోసం ఇక్కడ క్లిక్ చేయండి