Sukanya Samriddhi Yojana: బాలికల భవిష్యత్‌కు బంగారం లాంటి పథకం.. సుకన్య సమృద్ధి యోజనతో లాభాలెన్నో…!

Ssy Scheme

భారతదేశంలో మొదటి నుం‍చి పురుషాధిక్య సమాజంగా ఉంటుంది. ముఖ్యంగా ఆర్థికపరమైన విషయాల్లో ఆడవారు ఉండడం తప్పుగా భావిస్తారు. అలాగే చదువు, పెళ్లి విషయంలో ఆడవాళ్ల పాత్ర నామమాత్రం. ముఖ్యంగా గ్రామీణ ప్రాంతాల్లో ఆడపిల్లలను చదివించడం, పెళ్లి చేయడం అంటే బాధ్యత అనుకునే వారి కంటే ఖర్చుగా ఫీలయ్యేవాళ్లు చాలా మంది ఉంటారు. బాలికలు ఉన్నత విద్య సమయానికి డబ్బు లేదనే కారణంగా చిన్న వయస్సులోనే పెళ్లిళ్లు చేసేస్తున్నారు. ఈ నేపథ్యంలో బాలికల్లో అక్షరాస్యతను పెంచడంతో పాటు తల్లిదండ్రులకు పొదుపుపై బాధ్యత కల్పిస్తూ కేంద్ర ప్రభుత్వం సుకన్య సమృద్ధి యోజన అనే పథకం తీసుకొచ్చింది. బేటీ బచావో.. బేటీ పఢావో ప్రచారంలో భాగంగా ఈ పథకంలో పెట్టుబడిదారులు అధిక వడ్డీను అందిస్తున్నారు. ఈ పథకం గురించి మరిన్ని వివరాలను తెలుసుకుందాం. 

సుకన్య సమృద్ధి యోజన ప్రయోజనాలు

ఈ పథకం కింద ఏడాదికి కనీసం రూ. 1000  నుంచి గరిష్టంగా రూ. 1,50,000 డిపాజిట్ చేయవచ్చు. అలాగే ఈ పథకంలో పెట్టుబడిదారులకు అధిక వడ్డీ రేటు, ఆదాయపు పన్నుపై పొదుపులు, లాక్ ఇన్ పీరియడ్ ఉన్నాయి.

వడ్డీ రేటు ఇలా

కనీస పెట్టుబడి సంవత్సరానికి రూ. 250. గరిష్ట పెట్టుబడి సంవత్సరానికి రూ. 1,50,000. అలాగే మెచ్యూరిటీ వ్యవధి 21 సంవత్సరాలుగా ఉంటుంది. ప్రస్తుతం ఎస్‌ఎస్‌వై అనేక పన్ను ప్రయోజనాలను కలిగి ఉంది. అన్ని చిన్న పొదుపు పథకాలలో అత్యధిక వడ్డీ రేటు అంటే 8.0 శాతానికి (అక్టోబర్ 01, 2023- డిసెంబర్ 31, 2023 కాలానికి) అందిస్తున్నారు. డిపాజిట్ చేసిన అసలు మొత్తం, మొత్తం పదవీ కాలంలో సంపాదించిన వడ్డీ, మెచ్యూరిటీ ప్రయోజనాలకు సెక్షన్ 80 సీ కింద పన్ను మినహాయింపు ఉంటుంది. ఖాతాను భారతదేశంలో ఎక్కడికైనా ఒక పోస్టాఫీసు/బ్యాంకు నుండి మరొకదానికి బదిలీ చేయవచ్చు. ఖాతా మూసివేయకపోతే మెచ్యూరిటీ తర్వాత కూడా వడ్డీ చెల్లిసతారు. ఆడపిల్ల పెళ్లి చేసుకోకపోయినా 18 ఏళ్లు నిండిన తర్వాత పెట్టుబడిలో 50% వరకు అకాల ఉపసంహరణ అనుమతిస్తారు. విద్య ఖర్చులను తీర్చడానికి ఖాతాదారుకు సంబంధించిన ఉన్నత విద్య ప్రయోజనం కోసం ఉపసంహరణ అనుమతిస్తారు.  ఆడపిల్లకు 18 ఏళ్లు నిండిన తర్వాత వివాహం జరిగితే ఖాతాను ముందుగానే మూసివేయవచ్చు.

అర్హతలివే

ఖాతా తెరిచిన తేదీ నాటికి పదేళ్లు నిండని బాలికల పేరుతో సంరక్షకుల్లో ఒకరు ఖాతాను తెరవవచ్చు. ఈ పథకం కింద ప్రతి ఖాతాదారునికి ఒకే ఖాతా ఉంటుంది. ఒక కుటుంబంలో గరిష్టంగా ఇద్దరు ఆడపిల్లల కోసం ఈ పథకం కింద ఖాతాను తెరవవచ్చు అలాగే ఒక కుటుంబంలో అలాంటి పిల్లలు పుట్టిన మొదటి లేదా రెండవ క్రమంలో లేదా రెండింటిలోనూ జన్మిస్తే కవలలు/త్రిపాదిల జనన ధ్రువీకరణ పత్రాలతో మద్దతు ఇచ్చే సంరక్షకుడు అఫిడవిట్ సమర్పించిన తర్వాత ఒక కుటుంబంలో రెండు కంటే ఎక్కువ ఖాతాలను తెరవవచ్చు. ఆడపిల్లల చట్టపరమైన సంరక్షకులు లేదా తల్లిదండ్రులు ఎవరైనా వారి ఆడపిల్ల తరపున సుకన్య సమృద్ధి ఖాతాను తెరవవచ్చు.

అన్ని బ్యాంకుల్లో అందుబాటులో

సుకన్య సమృద్ధి ఖాతాను మీకు సమీపంలోని ఏదైనా పోస్టాఫీసులో లేదా అధీకృత బ్యాంకుల్లోని ఏదైనా శాఖలో తెరవవచ్చు. ఈ బ్యాంకుల్లో స్టేట్ బ్యాంక్ ఆఫ్ ఇండియా, ఐసీఐసీఐ బ్యాంక్, హెచ్‌డీఎఫ్‌సీ బ్యాంక్, పంజాబ్ నేషనల్ బ్యాంక్ మొదలైన దాదాపు అన్ని అగ్ర, అత్యంత ప్రజాదరణ పొందిన ప్రభుత్వ రంగ, ప్రైవేట్ రంగ బ్యాంకులు ఉన్నాయి. అలాగే ప్రస్తుతానికి ఎన్‌ఆర్‌ఐలు సుకన్య సమృద్ధి పథకం తెరిచే అవకాశం ఇవ్వలేదు. 

మరిన్ని బిజినెస్ వార్తల కోసం ఇక్కడ క్లిక్ చేయండి..