పేమెంట్స్‌కు యూపీఐ వాడుతున్నారా? ఈ 12 ఫీచర్లు తెలియకపోతే చాలా మిస్ అవుతున్నట్లే!

Upi Advanced Features 2026.jpg

భారతదేశంలో డిజిటల్ విప్లవానికి నాంది పలికిన యూపీఐ (UPI), ఇప్పుడు మన ఆర్థిక వ్యవస్థకు వెన్నెముకగా మారింది. నెలకు సుమారు 2,000 కోట్లకు పైగా లావాదేవీలు జరుగుతున్నాయంటే దీని ప్రభావాన్ని అర్థం చేసుకోవచ్చు. అయితే, ఇప్పటికీ చాలామంది వినియోగదారులు యూపీఐని కేవలం ‘స్కాన్ అండ్ పే’ కోసం మాత్రమే ఉపయోగిస్తున్నారు. నిజానికి నేషనల్ పేమెంట్స్ కార్పొరేషన్ ఆఫ్ ఇండియా (NPCI) గత కొన్ని ఏళ్లలో యూపీఐని మరింత శక్తిమంతంగా మార్చింది. 2026 నాటికి అందుబాటులోకి వచ్చిన అద్భుతమైన ఫీచర్ల గురించి వివరంగా తెలుసుకుందాం.

• యూపీఐ లైట్- చిన్న చిన్న లావాదేవీల కోసం ప్రతిసారీ పిన్ ఎంటర్ చేయాల్సిన అవసరం లేదు. 500 రూపాయల లోపు పేమెంట్ల కోసం ఈ ‘ఆన్-డివైస్ వాలెట్’ను వాడుకోవచ్చు. దీనివల్ల బ్యాంక్ సర్వర్లపై ఒత్తిడి తగ్గి పేమెంట్లు ఫెయిల్ అవ్వవు. దీనికి ఆటో టాప్-అప్ ఫీచర్ కూడా ఉంది.
• ట్యాప్ అండ్ పే- మీ ఫోన్‌లో ఎన్‌ఎఫ్‌సీ (NFC) ఫీచర్ ఉంటే, క్యూఆర్ కోడ్ స్కాన్ చేయకుండానే కేవలం మెషీన్ దగ్గర ఫోన్‌ను తాకించడం ద్వారా పేమెంట్ పూర్తి చేయవచ్చు.
• ఆఫ్‌లైన్ పేమెంట్స్- నెట్‌వర్క్ సరిగ్గా లేని చోట లేదా ఇంటర్నెట్ లేనప్పుడు కూడా ఈ ఫీచర్ ద్వారా పరిమిత మొత్తంలో డబ్బులు పంపవచ్చు.
• క్రెడిట్ ఆన్ యూపీఐ- యూపీఐ ఇప్పుడు మీ బ్యాంక్ బ్యాలెన్స్‌కే పరిమితం కాదు. బ్యాంకులు మంజూరు చేసిన క్రెడిట్ లైన్‌ను కూడా యూపీఐకి లింక్ చేసి వాడుకోవచ్చు. అంటే ఇది క్రెడిట్ కార్డు లాగా పనిచేస్తుంది.
• యూపీఐ ఆటో-పే- ఓటీటీ సబ్‌స్క్రిప్షన్లు, కరెంటు బిల్లులు లేదా మ్యూచువల్ ఫండ్స్ (SIP) వంటి వాటికి ప్రతి నెలా మీ అనుమతి లేకుండానే ఆటోమేటిక్‌గా పేమెంట్ జరిగేలా సెట్ చేసుకోవచ్చు.
• అంతర్జాతీయ లావాదేవీలు- సింగపూర్, యూఏఈ, ఫ్రాన్స్ వంటి దేశాల్లో కూడా మీరు మన యూపీఐ ద్వారా పేమెంట్లు చేయవచ్చు. ఇది విదేశీ ప్రయాణాల్లో కరెన్సీ మార్పిడి ఇబ్బందులను తగ్గిస్తుంది.
• స్మార్ట్ & డైనమిక్ క్యూఆర్ కోడ్స్- పెద్ద పెద్ద షాపుల్లో మీరు అమౌంట్ ఎంటర్ చేయక్కర్లేదు. క్యూఆర్ కోడ్ స్కాన్ చేయగానే నేరుగా అమౌంట్ కనిపిస్తుంది, మీరు కేవలం పిన్ ఎంటర్ చేస్తే సరిపోతుంది.

యూపీఐని కేవలం స్కాన్ చేయడానికే పరిమితం చేయకుండా, ఈ అత్యాధునిక ఫీచర్లను వాడటం వల్ల మీ సమయం ఆదా అవ్వడమే కాకుండా, లావాదేవీలు మరింత సులభమవుతాయి. అయితే, కొత్తగా వచ్చే ‘కలెక్ట్ రిక్వెస్ట్స్’ పట్ల జాగ్రత్తగా ఉండాలి, తెలియని వారికి పిన్ షేర్ చేయకూడదు.