Budget2022: ప్రాథమిక ఆరోగ్య వ్యవస్థను బలోపేతం చేసేలా ఆరోగ్య బడ్జెట్ ఉండాలంటున్న నిపుణులు
కరోనా మహమ్మారి విరుచుకుపడడం ప్రారంభం అయిన తరువాత ప్రజారోగ్య(Public Health) విషయంలో అనేక మార్పులు చోటుచేసుకున్నాయి. ప్రభుత్వాలు ప్రజారోగ్యంపై మరింత శ్రద్ధ ఇంకా చెప్పాలంటే దానినే మొదటి ప్రాధాన్యంగా చేసుకోవాల్సిన అవసరం ఏర్పడింది.
Health Budget 2022: కరోనా మహమ్మారి విరుచుకుపడడం ప్రారంభం అయిన తరువాత ప్రజారోగ్య(Public Health) విషయంలో అనేక మార్పులు చోటుచేసుకున్నాయి. ప్రభుత్వాలు ప్రజారోగ్యంపై మరింత శ్రద్ధ ఇంకా చెప్పాలంటే దానినే మొదటి ప్రాధాన్యంగా చేసుకోవాల్సిన అవసరం ఏర్పడింది. కోవిడ్ కు ముందు ప్రజారోగ్య విషయంలో ప్రభుత్వాలకు ఉన్న విధానాలు అన్నీ కోవిడ్ తరువాత పూర్తిగా మార్చుకోవాల్సిన అవసరం ఏర్పడింది. కేంద్ర ప్రభుత్వ బడ్జెట్(Budget 2022) వచ్చేనెల అంటే ఫిబ్రవరి 1 వ తేదీన ప్రవేశ పెడుతున్న నేపధ్యంలో ఆరోగ్య రంగంలో ప్రస్తుతం వస్తున్న మార్పులు.. ఎదుర్కుంటున్న ఇబ్బందులకు అనుగుణంగా మెరుగైన బడ్జెట్ కోసం ఆరోగ్య రంగ నిపుణులు పలు సూచనలు చేస్తున్నారు. వాటిలో మందుల దేశీయ తయారీ.. టెలిమెడిసిన్.. పరిశోధన.. పిల్లల పోషకాహారం వంటి ముఖ్యమైన విషయాల్లో ప్రభుత్వం దృష్టి సారించాలని వారు కోరుతున్నారు. నేషనల్ డిజిటల్ హెల్త్ మిషన్ (NDHM), ఔషధ పదార్థాల దేశీయ తయారీ, ప్రభుత్వం ప్రకటించిన టెలిమెడిసిన్ సేవలు వంటి చర్యలు ఆరోగ్య సంరక్షణ ప్రస్తుత స్థితిని మెరుగుపరచడంలో సహాయపడతాయి. అయితే అవసరాలను తీర్చడానికి ఆరోగ్య రంగానికి మరింత పెట్టుబడి అవసరమని వైద్య నిపుణులు సూచిస్తున్నారు. భారతదేశం ప్రస్తుతం ఎదుర్కొంటున్న మూడవ వేవ్ సమయంలో కోవిడ్ కేసుల ప్రబలమైన పెరుగుదల బడ్జెట్ 2022 లో ఆరోగ్య సంరక్షణ కోసం చేసే కేటాయింపులపై తీవ్ర దృష్టి సారించింది.
రాబోయే బడ్జెట్‌లో హెల్త్‌కేర్ కోసం ఎక్కువ కేటాయింపులు ఉంటాయని నిపుణులు ఆశిస్తున్నారు. ఎందుకంటే . భారతదేశంలో ఆరోగ్య సంరక్షణ, పబ్లిక్ హెల్త్‌కేర్, పిల్లలలో పోషకాహారంతో పాటు నివారణ ఆరోగ్య సంరక్షణ అదేవిధంగా అందరికీ COVID-19 వ్యాక్సినేషన్‌ను చేర్చడానికి దూకుడుగా ఉండే టీకా ప్రచారాలకు వెన్నెముకగా ఉన్న మన ప్రాథమిక ఆరోగ్య సంరక్షణ వ్యవస్థను బలోపేతం చేయడానికి ఖర్చు చేయాల్సిన అవసరం ఉందని వారంటున్నారు. ప్రభుత్వ ఆసుపత్రులలో మౌలిక సదుపాయాలు.. సిబ్బందిని అప్‌గ్రేడ్ చేయడం ద్వారా పబ్లిక్ హెల్త్‌కేర్ వ్యవస్థను బలోపేతం చేయాలసి ఉందని ఆరోగ్య రంగ నిపుణులు అభిప్రాయపడుతున్నారు.
డయాగ్నోస్టిక్స్ ల్యాబ్‌లలో ఎక్కువ పెట్టుబడి పెట్టాల్సిన అవసరం ఉందని, ముఖ్యంగా వెనుకబడిన ప్రాంతాల్లో మరిన్ని మెడికల్ కాలేజీలను ఏర్పాటు చేసి, ఆరోగ్య సంరక్షణలో గ్రామీణ-పట్టణ విభజనను తగ్గించడానికి.. మన యూనివర్సల్ హెల్త్‌కేర్‌ను విస్తరించడం ద్వారా దేశంలోని అందరికీ హెల్త్‌కేర్ అందుబాటులో ఉంచడానికి టెక్నాలజీలో పెట్టుబడి పెట్టాల్సిన అవసరం ఉందని వారు చెబుతున్నారు.
2021లో హెల్త్‌కేర్ GDPలో 1.8 శాతం వాటాను కలిగి ఉంది. ఈ సంవత్సరం GDPలో కనీసం 2.5 శాతానికి పెంచడం ప్రభుత్వ లక్ష్యంగా ఉండాలని వారు కోరుతున్నారు. అంతేకాకుండా గత బడ్జెట్‌లో కొన్ని అంతరాలను పరిష్కరించడానికి ఆరోగ్య సంరక్షణ వ్యయంలో ప్రభుత్వం 137 శాతం పెరుగుదలను ప్రకటించింది. ఇదే విధానాన్ని ఈసారీ కొనసాగించాలని వారంటున్నారు. ప్రస్తుతానికి COVID-19 మహమ్మారిపై దృష్టి సారించినప్పటికీ, నివారణ ఆరోగ్య సంరక్షణ మరియు వెల్‌నెస్‌పై ఖర్చు చేసే నిష్పత్తిని పెంచడం చాలా కీలకమని వారు సూచిస్తున్నారు.
దేశంలోని ప్రస్తుత ఆరోగ్య సంరక్షణ పరిస్థితిని దృష్టిలో ఉంచుకుని ఆరోగ్య సంరక్షణ ఖర్చులను పెంచాల్సిన అవసరం ఉందని ఆరోగ్య నిపుణులు హైలైట్ చేశారు. దీనిపై విస్తరిస్తూ, ద్వారకాలోని ఆకాష్ హెల్త్‌కేర్ మేనేజింగ్ డైరెక్టర్ డాక్టర్ ఆశిష్ చౌదరి మాట్లాడుతూ, “ఈ బడ్జెట్‌లో భారత ప్రభుత్వం తన ఆరోగ్య సంరక్షణ వ్యయాన్ని పెంచుతుందని మేము అంచనా వేస్తున్నాము. గత బడ్జెట్‌లో కొన్ని అంతరాలను పరిష్కరించడానికి ఆరోగ్య సంరక్షణ వ్యయంలో 137 శాతం పెరుగుదలను ప్రకటించింది. మేము లక్ష్యంగా పెట్టుకోవాలి. ప్రస్తుతానికి COVID-19 మహమ్మారిపై దృష్టి సారించినప్పటికీ, నివారణ ఆరోగ్య సంరక్షణ మరియు వెల్‌నెస్‌పై ఖర్చు చేసే నిష్పత్తిని పెంచడం చాలా కీలకం. సార్వత్రిక ఆరోగ్య సంరక్షణ లక్ష్యాన్ని సాధించడానికి ఆయుష్మాన్ భారత్ నిస్సందేహంగా సానుకూల అడుగు అని వారు చెబుతున్నారు.
ఇతర దేశాల కంటే భారతదేశ ఆరోగ్య సంరక్షణ వ్యయం గణనీయంగా తక్కువగా ఉందని నిపుణులు అంటున్నారు. అధిక నాణ్యత గల ప్రభుత్వ ఆసుపత్రులకు బడ్జెట్ కేటాయింపులు పెంచాల్సిన అవసరం ఉందని ఇండియన్ స్పైనల్ ఇంజ్యూరీస్ సెంటర్‌కు చెందిన చీఫ్ ఆఫ్ స్ట్రాటజీ సుగంధ్ అహ్లువాలియా అభిప్రాయపడ్డారు. జనాభా ఆరోగ్యంలో భారతదేశం భవిష్యత్తు వృద్ధికి వివిధ ఆవిష్కరణలతో పాటు డిజిటల్ ఆరోగ్యాన్ని ప్రోత్సహించాలి. ఈ ప్రాంతాలలో అధునాతన ఆరోగ్య సంరక్షణ సౌకర్యాలను అందించడానికి టైర్ -2 అదేవిధంగా టైర్ -3 నగరాలతో సహా ప్రస్తుత కవరేజీని పెంచడానికి ప్రభుత్వం ఈ విభాగంలో ప్రైవేట్ ప్లేయర్‌లు అలాగే స్టార్టప్‌లకు కూడా మద్దతు ఇవ్వాలి అని కొందరు నిపుణులు సూచిస్తున్నారు.
ప్రపంచవ్యాప్తంగా కోవిడ్ కేసులు పెరుగుతున్నందున, బడ్జెట్ 2022లో ఆరోగ్య సంరక్షణ రంగానికి సంబంధించిన నిర్ణయాలు భారతదేశ ఆరోగ్య రంగ భవిష్యత్తు దృక్పథంపై ప్రధాన ప్రభావాన్ని చూపుతాయి.
ఇవి కూడా చదవండి: Budget 2022: టూరిజం, హాస్పిటాలిటీ రంగాలకు కేంద్రం సాయం.. బడ్జెట్‌లో రుణాల రీషెడ్యూల్‌కు ప్రణాళిక..!
