రూ.10లకే చీర.. చిక్కుల్లో పడేసింది..!

కొంచెం చౌకలో ఏ వస్తువైనా అమ్మితే.. దానిని కొనకుండా ఉండరు ఆడవాళ్లు. అదే చీరల విషయంలో అయితే ఇక చెప్పనవసరం లేదు. కాగా.. తెలంగాణ సిద్ధిపేట జిల్లాలో ఓ షాపింగ్ మాల్ వాళ్లు భారీ ఆఫర్ ఒకటి అనౌన్స్ చేశారు. రూ.10లకే చీర అని.. ఇక ఈ ఆడవాళ్లు ఆగుతారా.. షాపింగ్ మాల్ దగ్గర క్యూ కట్టేశారు. షాపు ఓపెన్ చేసే సరికి లోపలికి వెళ్తేందుకు ఒక్కసారిగా అందరూ ఎగబడ్డారు. దీంతో తొక్కిసలాట చోటుచేసుకుంది. ఈ సందర్భంగా చాలా మంది మహిళలు కిందపడిపోగా.. వారిని తొక్కుకుంటూ మిగతావారు ముందుకెళ్లిపోయారు. ఈ ఘటనలో పలువురి మహిళలకు తీవ్రగాయాలయ్యాయి. ఇక చీరలకు ఆశపడి వచ్చిన మహిళలు నగలు, ఫోన్లు, పర్సులు పొగొట్టుకొని లబోదిబోమంటున్నారు. రూ.10ల చీర చిక్కు, వేల రూపాయలకు పంగనామం పెట్టింది.