Bigg Boss 4: బెస్ట్ కెప్టెన్‌గా హారిక.. వరెస్ట్ కెప్టెన్‌గా అరియానా.. ఫినాలే వరకు ‘నో’ కెప్టెన్
ఇంటి సభ్యులతో బిగ్‌బాస్‌ మాట్లాడుతూ.. హౌజ్‌లో రేస్ టు ఫినాలే మొదలైందని అన్నారు. దీంతో ఫినాలే వరకు బిగ్‌బాస్‌ హౌజ్‌కి కెప్టెన్ ఉండరని తెలిపారు
TV9 Telugu Digital Desk | Edited By:
Updated on: Nov 28, 2020 | 8:18 AM
Harika best captain: ఇంటి సభ్యులతో బిగ్‌బాస్‌ మాట్లాడుతూ.. హౌజ్‌లో రేస్ టు ఫినాలే మొదలైందని అన్నారు. దీంతో ఫినాలే వరకు బిగ్‌బాస్‌ హౌజ్‌కి కెప్టెన్ ఉండరని తెలిపారు. ఇక చివరి కెప్టెన్‌గా హారిక తన బ్యాండ్‌ని తీసేయాలని కోరారు. ఈ సందర్భంగా హౌజ్‌లో ఉన్న వారిలో ఎవరు బెస్ట్ కెప్టెన్..? ఎవరు వరస్ట్ కెప్టెన్..? చెప్పాలని సూచించారు. దీంతో కంటెస్టెంట్‌ల మధ్య మళ్లీ పోటీ ఏర్పడింది. నేనంటే నేను అంటూ ప్రతి ఒక్కరు అనుకున్నారు. ఈ క్రమంలో హారిక, సొహైల్‌కి చెరో రెండు ఓట్లు పడ్డాయి. దీంతో వారిద్దరి మధ్య టై అయ్యింది. ఆ తరువాత ఇంటి సభ్యుల్లో ఎక్కువ మంది హారిక పేరు చెప్పడంతో ఆమె బెస్ట్ కెప్టెన్‌గా ఎన్నికైంది. మరోవైపు వరెస్ట్ కెప్టెన్‌గా ఎక్కువ మంది అరియానా పేరు చెప్పారు. ఈ క్రమంలో వరెస్ట్ కెప్టెన్‌గా అరియానాను అనౌన్స్ చేశారు.
