ఊహించని ట్విస్ట్ ఇచ్చిన బిగ్ బాస్.. ఈ వారం నో ఎలిమినేషన్స్!

సల్మాన్ ఖాన్ వ్యాఖ్యాతగా వ్యవహరిస్తున్న హిందీ బిగ్ బాస్ సీజన్ 13 రోజురోజుకి ఆసక్తికరంగా మారుతోంది. ఇంట్లో ఉన్న ప్రతి కంటెస్టెంట్ తనకు తాను ఎలిమినేషన్స్ నుంచి రక్షించుకోవడానికి సర్వశక్తులు ఒడ్డిస్తున్నారని చెప్పొచ్చు. ఇక సీజన్ మధ్యకు చేరుకోవడంతో ఈవారం ఎనిమిది మంది ఇంటి సభ్యులు ఎలిమినేషన్‌కు నామినేట్ అయ్యారు. పరస్ చాబ్రా, షెబ్నాజ్ గిల్, సిద్ధార్థ్ శుక్లా, దేవోలినా ఛటర్జీ, సిద్ధార్థ్ డెయ్, షెఫాలీ బగ్గా, మహీరా శర్మ, రష్మీ దేశాయ్ ఉండగా.. అందరూ కూడా సేఫ్ జోన్‌లో రావడానికి బిగ్ బాస్ ఇచ్చిన టాస్కులను విజయవంతంగా పూర్తి చేస్తున్నారు. దీనితో వారిలో ఉన్న మరో కోణం కూడా కొన్నిసార్లు బయటికి రావడం గమనార్హం.

బిగ్ బాస్ ఇచ్చిన ‘స్నాక్ అండ్ లాడర్స్’ టాస్క్‌లో రెండు గ్రూప్స్‌గా విడిపోయిన కంటెస్టెంట్లు.. తీవ్ర వాగ్వాదానికి కూడా దిగారు. దాదాపు అందరూ కూడా సేఫ్ కావడానికి గొడవలు కూడా పడ్డారు. ప్రతి చిన్న విషయానికి కంటెస్టెంట్లు గొడవలకు దిగుతుండటంతో ఈ వారం ఎలిమినేషన్స్ పెట్టకూడదని.. బిగ్ బాస్ భావిస్తున్నట్టుగా తెలుస్తోంది. అంతేకాక దీపావళీ గిఫ్ట్‌గా ఎలిమినేషన్స్ స్కిప్ చేయాలనీ షో నిర్వాహకులు అనుకుంటున్నారట.