Breaking News
  • ఢిల్లీ భారత్ లో విజృంభిస్తున్న కరోనా వైరస్. ఒక లక్ష 65 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 165799. దేశ వ్యాప్తంగా యాక్టీవ్ కేసులు: 89987. కరోనా నుంచి డిశ్చార్జ్ అయిన బాధితులు: 71106. దేశం మొత్తం కరోనా తో మృతుల సంఖ్య : 4706. కేంద్ర ఆరోగ్య మంత్రిత్వ శాఖ.
  • సిద్దిపేట: కాళేశ్వరం ఎత్తిపోతల పథకంలో భాగంగా సిద్దిపేట జిల్లా మర్కూక్‌ మండలం పాములపర్తి వద్ద నిర్మించిన కొండపోచమ్మ రిజర్వాయర్‌ను ముఖ్యమంత్రి కేసిఆర్ నేడు ప్రారంబించనున్నారు .. కార్యక్రమానికి హాజరుకానున్న చిన జీయర్ స్వామి..
  • నేడు మరో రెండు పిటిషన్లపై విచారణ.. సోషల్ మీడియాలో న్యాయమూర్తులపై అనుచిత వ్యాఖ్యలు చేసిన కేసు విచారణ.. ఇప్పటికే 49 మంది కి నోటీసులు ఇచ్చిన హైకోర్టు.. ఎల్జి పాలిమర్స్ కేసును విచారించిన ధర్మాసనం.
  • అమరావతి: నేడు కీలక తీర్పు ఇవ్వనున్న హైకోర్టు. మాజీ ఎన్నికల కమిషనర్ నిమ్మగడ్డ రమేష్ తొలగింపు అంశంపై కీలక తీర్పు ఇవ్వనున్న హైకోర్టు.
  • మహారాష్ట్ర లో కరోనా విలయతాండవం. మహారాష్ట్ర లో ఈరోజు 2598 కరోనా పాజిటివ్ కేస్ లు,85 మంది మృతి. మహారాష్ట్ర రాష్ట్రంలో 59546 కి చేరిన కరోనా పాజిటివ్ కేసులు.. 1982 మంది మృతి.
  • టీ-20 వరల్డ్ కప్ సహా క్రికెట్ టోర్నమెంట్లపై ఎటూ తేల్చని ఐసీసీ. ఎలాంటి నిర్ణయం లేకుండా ముగిసిన నేటి సమావేశం. జూన్ 10న మరోసారి సమావేశమయ్యే అవకాశం. ఆనాటి పరిస్థితులకు అనుగుణంగా తదుపరి నిర్ణయం తీసుకునే అవకాశం.

ఖాతాదారులకు ఊరట..బ్యాంకుల సమ్మె వాయిదా..

ఈ నెల 11 నుంచి మూడు రోజుల పాటు తలపెట్టిన బ్యాంకుల సమ్మె వాయిదా పడింది. ఈ మేరకు సమ్మెను వాయిదా వేస్తున్నట్లు ఆల్‌‌‌‌ ఇండియా బ్యాంక్‌‌‌‌ ఎంప్లాయీస్‌‌‌‌ అసోసియేషన్‌‌‌‌ (ఏఐబీఈఏ) ప్రకటించింది. చర్చలు సానుకూలంగా జరుగుతున్నందున సమ్మె ఆలోచన వాయిదా వేస్తున్నట్లు పేర్కొంది. అయితే..
Bank Strike of Three days has postponed, ఖాతాదారులకు ఊరట..బ్యాంకుల సమ్మె వాయిదా..

ఖాతాదారులకు శుభవార్త… ఈ నెల 11 నుంచి మూడు రోజుల పాటు తలపెట్టిన బ్యాంకుల సమ్మె వాయిదా పడింది. ఈ మేరకు సమ్మెను వాయిదా వేస్తున్నట్లు ఆల్‌‌‌‌ ఇండియా బ్యాంక్‌‌‌‌ ఎంప్లాయీస్‌‌‌‌ అసోసియేషన్‌‌‌‌ (ఏఐబీఈఏ) ప్రకటించింది. చర్చలు సానుకూలంగా జరుగుతున్నందున సమ్మె ఆలోచన వాయిదా వేస్తున్నట్లు పేర్కొంది. వేతన సవరణతో పాటు తమ న్యాయమైన డిమాండ్లను పరిష్కరించాలని కోరుతూ బ్యాంక్ అధికారులు, సిబ్బంది, అధికారులు మూడు రోజుల సమ్మెకు పిలుపునిచ్చిన సంగతి తెలిసిందే..

వరుస సెలవుల మధ్యలో బ్యాంక్ అధికారులు సమ్మెకు పిలుపునివ్వడంతో దాదాపు ఆరు రోజుల పాటు దేశంలో బ్యాంకింగ్ సేవలు స్తంభించే పరిస్థితులు నెలకొన్నాయి. ఈ నేపథ్యంలో ఇండియన్ బ్యాంక్ అసోసియేషన్ (ఐబీఎ) అధికారులు యునైటెడ్ ఫోరమ్ బ్యాంక్ యూనియన్ (యుఎఫ్‌బియు) నాయకులతో సుదీర్ఘ చర్చలు జరిపారు. ఈ చర్చల్లో భాగంగా బ్యాంక్‌ సిబ్బందికి 15 శాతం వేతన పెంపునకు ఐబిఎ సూత్రప్రాయంగా అంగీకరించినట్టుగా సమాచారం. దీనికి తోడు వివిధ ఇతర సమస్యలకు కూడా ఐబిఎ సానుకూలతను వ్యక్తం చేయడంతో యూఎఫ్‌బియు తన సమ్మెను వాయిదా వేయాలని నిర్ణయించుకున్నట్టుగా యూనియన్‌ అధికారులు తెలిపారు.

ముంబయిలో వివిధ ఉద్యోగుల సంస్థలు ఐబీఏతో సమావేశమయ్యాయని ఆల్ ఇండియా బ్యాంక్ ఎంప్లాయీస్ అసోసియేషన్ ఒక ప్రకటనలో తెలిపింది. ఈ సమావేశంలో, వారానికి ఐదు రోజులు మాత్రమే పని దినాలతోపాటు, జీతం 15 శాతం పెంచడం వంటి అంశాలపై చర్చించారు. పనితీరు బాగున్న బ్యాంకుల్లో నిర్వహణ లాభాల్లో నాలుగు శాతాన్ని ఉద్యోగులకు ప్రోత్సాహకంగా ఇచ్చేందుకు అంగీకరించడం తోపాటు వివిధ సంస్థలు లేవనెత్తిన సమస్యలపై చర్చించడానికి ఐబీఏ అంగీకరించింది. దీంతో సమ్మె వాయిదా పడింది. కాగా 15 శాతం వేతన పెంపుతో బ్యాంకులపై ఏడాదికి సుమారు రూ.8,000 కోట్ల భారం పడనుంది. అలాగే రూ.80,000 జీతం ఉన్న బ్యాంకు ఉద్యోగికి ఏడాదికి రూ.40 నుంచి రూ.50 వేల లాభం చేకూరనుందని అంచనా వేస్తున్నారు.

 

Related Tags