Lord Shani: కొత్త ఏడాది 2025లో రాశిని మార్చుకోనున్న శనీశ్వరుడు.. ఈ రాశికి చెందిన వారికి వివాహ యోగం..

జ్యోతిష్య శాస్త్రంలో గ్రహాలకు , రాశులకు , నవ గ్రహాల సంచారానికి ప్రత్యేక ప్రాముఖ్యత ఉంది. నవ గ్రహాల్లో శనీశ్వరుడు కర్మ ప్రదాత. అత్యంత నెమ్మదిగా కదిలే శనీశ్వరుని సంచారానికి ప్రాముఖ్యత ఉంది. ప్రస్తుతం శనీశ్వరుడు తన సొంత కుంభరాశిలో సంచరిస్తున్నాడు. వచ్చే ఏడాది అంటే 2025 మార్చి చివరి వారంలో శనీశ్వరుడు కుంభ రాశి నుంచి మీన రాశికి ప్రవేశించబోతున్నాడు. శనీశ్వరుడు మీన రాశికి ప్రవేశించడంతో మకర రాశికి చెందిన వారికి గత యేడున్నరేళ్లుగా అనుభవిస్తున్న ఏలి నాటి శనీశ్వరుడి నుంచి విముక్తి లభిస్తుంది. అదే సమయంలో మేష రాశికి చెందిన వ్యక్తులకు ఏడుయేళ్లు ఏలి నాటి శని ప్రభావం మొదలు కానుంది.

కుంభ రాశి: కొత్త ఏడాది 2025లో శనిశ్వరుడు మీన రాశి రాశిలోకి అడుగు పెట్టడం వలన ఈ కుంభరాశి వారు మరో రెండున్నరేళ్లు ఏలి నాటి శని దశ నడుస్తుంది. అంతేకాదు ఈ సమయంలో వీరు ఆర్ధిక ఇబ్బందులు పడాల్సి ఉంటుంది. ఎంత కష్టపడినా కష్టానికి తగిన ఫలితం దక్కదు. నిరసజనంగా ఉంటారు. అంతేకాదు శారీరకంగా తీవ్ర ఇబ్బందులు పడతారు. అనారోగ్యం బారిన పడే అవకాశం ఉంది. డబ్బులు ఖర్చు చేసే విషయంలో తగిన జాగ్రత్తలు తీసుకోవాలి. ఇక ఈ రాశికి చెందిన వారికి వివాహ ప్రయత్నాలు ఫలించే అవకాశాలున్నాయి.

మేషరాశి: ఈ రాశికి చెందిన వ్యక్తులకు శనిశ్వరుడి సంచారము వలన ఏలిన నాటి శని ప్రభావం ప్రారంభం అవుతుంది. కనుక ఆదాయం తగ్గి ఆర్ధిక ఇబ్బందులు తలెత్తే అవకాశం ఉంది. అప్పులు చేసే అవకాశం ఉంది. కుటుంబ సభ్యుల మధ్య వివాదాలు నెలకొనే అవకాశం ఉంది. మానసిక ఇబ్బందులు తలెత్తుతాయి. ఆందోళన కలిగి.. శరీర ఆరోగ్యంపై తీవ్ర ప్రభావం చూపించే అవకాశాలున్నాయి. అయితే ఈ రాశికి చెందిన వ్యక్తులు శని ప్రభావం నుంచి ఉపశమనం కోసం ప్రతి శనివారం, శని త్రయోదశి నాడు శనీశ్వరుడికి నల్ల నువ్వులతో పూజా, నల్ల నువ్వుల నూనే తో తైలాభిభిషేకం చేయడం మంచిది. ఈ పరిహారాలు చేయడం వలన శని ప్రభావం నుంచి కొంత మేర ఉపశమనం పొందే అవకాశం ఉంది.

ఇవి కూడా చదవండి

కలలో ఈ 5 వస్తువులు కనిపిస్తే శుభం.. డబ్బుకు లోటు ఉండదని అర్ధం..

ఈ 4 ప్రదేశాల్లో సిగ్గు పడితే జీవితంలో ఏదీ దక్కదంటున్న చాణక్య

దర్శనంతోనే కోర్టు కేసుల్లో విజయాన్ని అందించే అమ్మవారి ఆలయం..

శక్తిపీఠాలలో ఒకటి ఈ ఆలయం.. కేవలం దర్శతోనే కంటి వ్యాధులు నయం..

మీన రాశి: ఈ రాశి వారికీ శనీశ్వరుడి సంచారం వలన ఏలి నాటి ప్రభావం చూపనుంది. మరో ఐదేళ్లు వరకు ఏలి నాటి శని ప్రభావంతో ఇబ్బందులు కలగనున్నాయి. అంతేకాదు చేపట్టిన ప్రతి పనిలో సమస్యలను ఎదుర్కోవాల్సి ఉంటుంది. ఆరోగ్యం విషయంలో జాగ్రత్తగా ఉండాలి. మానసికంగా ఒత్తిడి పెరిగే అవకాశాలున్నాయి. ఆర్ధిక సమస్యలను ఎదుర్కోవాల్సి ఉంటుంది. చేస్తున్న పనిలో లేదా ఉద్యోగంలో ఇబ్బందులు కలగవచ్చు. కొత్త ఉద్యోగం కోసం చేసే ప్రయత్నాల్లో ఇబ్బందులు తలెత్తుతాయి. అయితే ఈ రాశికి చెందిన వ్యక్తుల వివాహా ప్రయత్నాలు ఫలించే అవకాశాలున్నాయి.

ఏలి నాటి శని నుంచి విముక్తి కోసం చేయాల్సిన పరిహారాలు: ప్రతి శనివారం శనిశ్వరుడిని పూజించండి. బ్రాహ్మణులకు దానం ఇవ్వండి. పేదలకు అన్న వితరణ చేయండి. శనివారం రోజున చీమలకు ఆహారం అందిస్తే శని ప్రభావం నుంచి కొంత మేర ఉపశమనం లభిస్తుంది. శనిశ్వరుడి అనుగ్రహం కోసం శనివారం హనుమంతుడిని పూజించండి. శనివారం రోజున 11 సార్లు శని స్తోత్ర పారాయణం చేయడం వలన జాతకంలో శని ప్రభావం నుంచి ఉపశమనం లభిస్తుంది.

మరిన్ని ఆధ్మాతిక వార్తల కోసం క్లిక్ చేయండి..

నోట్ : పైన తెలిపిన విషయాలు పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే. వీటిలో ఎలాంటి శాస్త్రీయ ఆధారాలు లేవని రీడర్స్ గమనించాలి.