Numerology: జన్మ తేది ఈ నెంబర్ అయితే.. బిజినెస్ లో కింగ్ అవ్వొచ్చు..!
మన జన్మతేది మన జీవితాన్ని ఎన్నో విధాలుగా ప్రభావితం చేస్తుంది. వ్యక్తిత్వం, ఆలోచన విధానం, విజయాలు, ఎదురయ్యే సవాళ్లు ఇవన్నీ కూడా జన్మతేదీ ఆధారంగా మారుతాయి. సంఖ్యాశాస్త్రం ప్రకారం ప్రతి వ్యక్తికి 1 నుంచి 9 వరకు ఏదో ఒక అంకం ముఖ్యమైనది. ఈ సంఖ్య ఆయా వ్యక్తులకు ప్రత్యేకమైన లక్షణాలను అందిస్తుంది.
ఈ తేదీల్లో పుట్టినవారికి 5 అంకం అనుకూలంగా ఉంటుంది. ఈ సంఖ్య బుధ గ్రహానికి సంబంధించినది. బుధుడు తెలివితేటలు, చురుకుతనం, మార్పులకు సూచిక. 5 అంకం ఉన్నవారు స్వతంత్రంగా ఉండటాన్ని ఇష్టపడతారు. కొత్త విషయాలు తెలుసుకోవడానికి ఆసక్తి చూపిస్తారు. ఏ పరిస్థితినైనా ధైర్యంగా ఎదుర్కొనే శక్తి వీరిలో ఉంటుంది. వీరు మార్పులను త్వరగా అంగీకరిస్తారు.
5, 14, 23 తేదీల్లో జన్మించినవారి ప్రత్యేకత.. 5 అంకం కలిగినవారు ఎప్పుడూ కొత్త ఆలోచనలతో ముందుకు వెళ్లాలని అనుకుంటారు. వీరు సాహసోపేతంగా నిర్ణయాలు తీసుకుని వ్యాపార రంగంలో గొప్ప విజయాలు సాధిస్తారు. కొత్త వ్యూహాలు రూపొందించడంలో వీరు ముందుంటారు. మంచి నాయకత్వ లక్షణాలు వీరిలో కనిపిస్తాయి. వాణిజ్యం, మార్కెటింగ్, కమ్యూనికేషన్ రంగాల్లో వీరు గొప్పగా రాణిస్తారు.
ఈ సంఖ్యకు చెందినవారు ఏ సమస్యనైనా సులభంగా అర్థం చేసుకుని, పరిష్కారం కనుగొంటారు. ఏ విషయంలోనైనా త్వరగా నిర్ణయం తీసుకుంటారు. ఆందోళన చెందకుండా ధైర్యంగా వ్యవహరిస్తారు. వీరి ఆత్మవిశ్వాసం, చురుకుదనం వారిని విజయవంతమైన వ్యక్తులుగా నిలబెడుతుంది.
5 అంకం ఉన్నవారు ఆకర్షణీయమైన వ్యక్తిత్వం కలిగి ఉంటారు. వీరు మాట్లాడే విధానం చాలా మంది మీద ప్రభావం చూపిస్తుంది. తేలికగా స్నేహం చేసుకోవడం వీరి ప్రత్యేకత. ఇతరుల మనోభావాలను అర్థం చేసుకునే సహజ గుణం వీరిలో ఉంటుంది.
వీరు సామాజికంగా చురుకుగా ఉంటారు. ఎక్కువ మంది కలిసే వారు. కానీ ప్రేమ విషయాల్లో అంతగా అదృష్టం ఉండదు. ఎక్కువగా నమ్మకద్రోహం ఎదురయ్యే అవకాశాలు ఉంటాయి. దీర్ఘకాలిక ప్రేమను కొనసాగించడంలో కొంత ఇబ్బంది పడతారు.
ఈ సంఖ్యకు చెందినవారు ధైర్యంగా, సాహసోపేతంగా నిర్ణయాలు తీసుకుంటారు. వ్యాపారంలో పెద్ద రిస్క్ తీసుకోవడాన్ని భయపడరు. కానీ ప్రేమ సంబంధాల్లో కొంత ఓర్పుగా ఉండడం అవసరం. వీరి ధైర్యం, ప్రబలమైన వ్యక్తిత్వం సమాజంలో గౌరవాన్ని తెచ్చిపెడుతుంది.