TTD News: తిరుమల శ్రీవారి భక్తులకు అలర్ట్‌.. ఆన్‌లైన్‌లో ప్రత్యేక దర్శన టికెట్లు, ఎప్పుడంటే..

తిరుమల తిరుపతి దేవస్థానం భక్తులకు శుభవార్త తెలిపింది. రూ. 300 ప్రత్యేక దర్శన టికెట్లకు సంబంధించి కీలక ప్రకటన చేసింది. ప్రత్యేక దర్శన టికెట్లను ఆన్‌లైన్‌లో అందుబాటులోకి తీసుకురానున్నట్లు తెలిపారు. ఫిబ్రవరి 13వ తేదీ (సోమవారం) ఉద‌యం 9 గంట‌ల‌కు శ్రీ‌వారి ప్రత్యేక ప్రవేశ‌ ద‌ర్శనం ఆన్‌లైన్ కోటా టికెట్లు విడుద‌ల చేయ‌నున్నట్లు టిటిడి తెలిపింది.

ఇదిలా ఉంటే శ్రీవారి ఆలయంలో బాలాలయం కార్యక్రమం వాయిదా పడడం వల్ల నెల 22 నుంచి 28 వ‌ర‌కు రూ. 300ల ప్రత్యేక ద‌ర్శనం కోటా టికెట్లు విడుద‌ల చేయ‌లేదు. ఇదిలా ఉంటే మార్చి నెల‌కు సంబంధించిన అంగ‌ప్రద‌క్షిణ టోకెన్లు.. ఫిబ్రవ‌రి 23 నుంచి 28 వర‌కు విడుద‌ల చేయ‌ని కోటాను ఈనెల 11వ తేదీన ఉద‌యం 11 గంట‌ల‌కు ఆన్‌లైన్‌లో టీటీడీ విడుదల చేసిన విషయం తెలిసిందే.

ఇలా బుక్‌ చేసుకోండి..

ముందుగా టీటీడీ అధికారిక వెబ్‌సైట్‌లోకి వెళ్లాలి. అనంతరం స్పెషల్‌ ఎంట్రీ దర్శన్‌ ఆప్షన్‌ను సెలక్ట్ చేసుకోవాలి. మొబైల్‌ నెంబర్‌ను ఎంటర్‌ చేసి జనరేట్‌ ఓటీపీపై నొక్కాలి. తర్వాత ఓటీపీ ఎంటర్ చేస్తే… టికెట్ బుక్‌ చేసుకోవడానికి తేదీలతో కూడిన స్లాట్స్‌ ఓపెన్‌ అవుతాయి. నచ్చిన తేదీని సెలక్ట్ చేసుకొని ఆన్‌లైన్‌లో మనీ పేమెంట్ చేస్తే సరిపోతుంది.

మరిన్ని ఆంధ్రప్రదేశ్ వార్తల కోసం క్లిక్ చేయండి..