ప్రోటోకాల్ పక్కనబెట్టి.. ముఖ్యమంత్రి ఇంటికి ప్రధాని మోదీ.. సీఎం చంద్రబాబు భావోద్వేగం!

ఆంధ్రప్రదేశ్ రాజకీయాల్లో ఒక అరుదైన, మధురమైన ఘట్టం ఆవిష్కృతమైంది. భారత ప్రధానమంత్రి నరేంద్ర మోదీ, ముఖ్యమంత్రి నారా చంద్రబాబు నాయుడు నివాసానికి విచ్చేసి, వారి కుటుంబ సభ్యులతో కలిసి గడిపారు. ఈ ప్రత్యేక సందర్భంపై ముఖ్యమంత్రి చంద్రబాబు నాయుడు సోషల్ మీడియా ‘ఎక్స్’ (ట్విట్టర్) వేదికగా ఎంతో భావోద్వేగంగా స్పందించారు.

ప్రధానమంత్రి నరేంద్ర మోదీకి చంద్రబాబు నాయుడు దంపతులు, నారా లోకేష్ సహా ఇతర కుటుంబ సభ్యులు ఘనస్వాగతం పలికారు. కేవలం రాజకీయ చర్చలకే పరిమితం కాకుండా, ఒక కుటుంబ పెద్దగా ప్రధాని మోదీ అందరితో కలిసి సరదాగా గడపడం విశేషం. ఈ భేటీని ఉద్దేశిస్తూ సీఎం చంద్రబాబు నాయుడు భావోద్వేగమైన పోస్ట్ షేర్ చేశారు. “మా కుటుంబం ఎప్పటికీ మర్చిపోలేని, ఒక మధుర జ్ఞాపకంగా నిలిచిపోయే సాయంత్రం ఇది” అని చంద్రబాబు పేర్కొన్నారు. తమ నివాసంలో ప్రధానికి ఆతిథ్యం ఇవ్వడం తమకు లభించిన గొప్ప గౌరవంగా ఆయన అభివర్ణించారు.

ప్రధాని చూపిన ఆప్యాయత, అనురాగం తమ అందరికీ ఎంతో ప్రత్యేకమని చెబుతూ, తమ ఆహ్వానాన్ని మన్నించి వచ్చినందుకు మోదీకి చంద్రబాబు ధన్యవాదాలు తెలిపారు. రాజకీయ బంధానికి అతీతంగా, వ్యక్తిగత అనుబంధాన్ని చాటేలా ఈ సమావేశం సాగింది. కేవలం వ్యక్తిగత విషయాలే కాకుండా, ఆంధ్రప్రదేశ్ అభివృద్ధి గురించి కూడా చంద్రబాబు ప్రస్తావించారు. రాష్ట్రం ఎదుర్కొంటున్న సవాళ్లు, అభివృద్ధి ప్రయాణంలో కేంద్రం అందిస్తున్న నిరంతర ప్రోత్సాహానికి, మద్దతుకు ప్రధాని మోదీకి ప్రత్యేకంగా కృతజ్ఞతలు తెలియజేశారు. ఈ భేటీ కేంద్ర, రాష్ట్ర ప్రభుత్వాల మధ్య ఉన్న సమన్వయాన్ని, స్నేహాన్ని మరింత బలోపేతం చేసిందని రాజకీయ విశ్లేషకులు భావిస్తున్నారు. మొత్తానికి, ప్రధాని హైదరాబాద్ పర్యటన అటు పాలనాపరంగా, ఇటు వ్యక్తిగత సంబంధాల పరంగా ఒక చిరస్మరణీయ ఘట్టంగా నిలిచిపోయింది.

A memorable evening that our family will always cherish.

It was an honour and a pleasure to host Hon’ble Prime Minister Shri Narendra Modi Ji at our residence today. His warmth, affection, and generous interaction made this occasion truly special for all of us.

I thank the… pic.twitter.com/UElaVj8dAR

— N Chandrababu Naidu (@ncbn) May 10, 2026

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..