Andhra Pradesh: కాకినాడలో దారుణం.. ప్రేమించడం లేదని యువతి గొంతు కోసి చంపిన ఉన్మాది..
ప్రేమంటూ వెంటబడ్డాడు. ఆమె కాదనడంతో పగ పెంచుకున్నాడు. తన ప్రేమను నిరాకరించిందని యువతిపై కత్తితో దాడి చేసి చంపేశాడు ఓ దుర్మార్గుడు. ఈ దారుణ ఘటన కాకినాడ జిల్లా
ప్రేమంటూ వెంటబడ్డాడు. ఆమె కాదనడంతో పగ పెంచుకున్నాడు. తన ప్రేమను నిరాకరించిందని యువతిపై కత్తితో దాడి చేసి చంపేశాడు ఓ దుర్మార్గుడు. ఈ దారుణ ఘటన కాకినాడ జిల్లా కూరాడలో చోటుచేసుకుంది. కాకినాడ రూరల్ పెదపూడి మండలంలోని కూరాడకు చెందిన ఓ యువతిని కొంతకాలంగా అదే గ్రామానికి చెందిన గుబ్బల వెంకట సూర్యనారాయణ ప్రేమించాలంటూ వేధిస్తున్నాడు. ఈ క్రమంలో శనివారం యువకుడు దారి కాసి ఆమె వస్తుండగా కత్తితో దాడి చేశాడు. అనంతరం పీక కోసి దారుణంగా చంపాడు.
శనివారం కూరాడ నుంచి కాండ్రేగులకు స్కూటీపై వెళ్తున్న యువతిని వెంబడించిన ఉన్మాది సూర్యనారాయణ.. నడిరోడ్డుపై ఆమెపై కత్తితో దాడి చేశాడు. దీంతో వెంటనే యువతి కుప్పకూలింది. ఇది చూసిన స్థానికులు 108కు సమాచారమిచ్చారు. తీవ్రంగా గాయపడిన యువతి అంబులెన్స్ వచ్చేసరికి ప్రాణాలు కోల్పోయింది.
నేరస్థుడిని పట్టుకున్న స్థానికులు.. దేహశుద్ధి చేశారు. అనంతరం పోలీసులకు సమాచారం ఇవ్వగా.. పెదపూడి పోలీసులు సంఘటన స్థలానికి చేరుకొని ఆ మృగాడిని అదుపులో తీసుకున్నారు.
ఆమెను ప్రేమ పేరుతో కొంతకాలంగా సూర్యనారాయణ వేధిస్తున్నాడని.. అయితే తన ప్రేమను కాదందన్న కోపంతో కత్తితో దాడి చేసి హతమార్చాడని స్థానికులు పేర్కొంటున్నారు. నిందితుడిని అదుపులోకి తీసుకున్న పోలీసులు విచారిస్తున్నారు. ఈ ఘటన స్థానికంగా కలకలం రేపింది.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..