Andhra Weather: వచ్చిందండోయ్ వానకబురు… బంగాళాఖాతంలో అల్పపీడనంతో వర్షాలు
గంగా నది పరిసరాల్లో ఏర్పడిన అల్పపీడన ప్రభావంతో రాష్ట్రంలోని ఉత్తర, దక్షిణ కోస్తా జిల్లాలతో పాటు రాయలసీమలో రాబోయే మూడు రోజుల్లో తేలికపాటి నుంచి మోస్తరు వర్షాలు కురిసే అవకాశం ఉంది. ఉరుములు, మెరుపులు, గంటకు 40–50 కి.మీ. వేగంతో గాలులు వీచే సూచనలున్నాయి.
పశ్చిమ బెంగాల్లోని గంగానది, దానిని ఆనుకుని ఉన్న ఉత్తర ఒడిశాలో ఏర్పడిన ఉపరితల ఆవర్తనం ప్రభావంతో ఆదివారం జులై 06 వ తేదీ ఉదయం 08:30 గంటలకు పశ్చిమ బెంగాల్ లోని గంగా నది, దాని పరిసర ప్రాంతాలలో అల్పపీడనం ఏర్పడింది. సంబంధిత ఉపరితల ఆవర్తనం సగటు సముద్ర మట్టానికి 7.6 కి.మీ ఎత్తు వరకు విస్తరించి ఎత్తుకు వెళ్ళేకొలది నైరుతి వైపు వంగి ఉంది. రాబోయే 2-3 రోజుల్లో జార్ఖండ్, ఉత్తర ఛత్తీస్గఢ్ మీదుగా నెమ్మదిగా పశ్చిమ-వాయువ్య దిశగా కదిలే అవకాశం ఉంది.
శనివారం నాటి ద్రోణి ఇప్పుడు ఈశాన్య అరేబియా సముద్రం నుండి పశ్చిమ బెంగాల్లోని గంగానది, పరిసర ప్రాంతాలలోని అల్పపీడన ప్రాంతంతో అనుబంధం కలిగి ఉన్న ఉపరితల ఆవర్తనం వరకు ఉత్తర గుజరాత్, మధ్య మధ్యప్రదేశ్, ఉత్తర ఛత్తీస్గఢ్, దక్షిణ జార్ఖండ్ మీదుగా సగటు సముద్ర మట్టంనకు 3.1 కి.మీ & 5.8 కి.మీ ఎత్తువరకు విస్తరించి ఎత్తుకు వెళ్ళేకొలది దక్షిణం వైపు వంగి ఉంది. ఆంధ్రప్రదేశ్, యానాం మీదుగా దిగువ ట్రోపో ఆవరణములో పశ్చిమ గాలులు వీస్తున్నాయి. వీటి ఫలితంగా రాష్ట్రంలో రాగల మూడు రోజుల వరకు వాతావరణ సూచనలు ఇప్పుడు తెలుసుకుందాం..
ఉత్తర కోస్తా ఆంధ్రప్రదేశ్ & యానాం :-
————————————————
ఆదివారం, సోమవారం : – తేలికపాటి నుండి ఒక మోస్తరు వర్షాలు లేదా ఉరుములతో కూడిన జల్లులు కొన్ని చోట్ల కురిసే అవకాశముంది.
ఉరుములతో కూడిన మెరుపులు, బలమైన గాలులు గంటకు 40 -50 కి.మీ. వేగం తో వీచే అవకాశం ఉంది
మంగళవారం : – తేలికపాటి నుండి ఒక మోస్తరు వర్షాలు లేదా ఉరుములతో కూడిన జల్లులు ఒకటి లేదా రెండు చోట్ల కురిసే అవకాశముంది.
ఉరుములతో కూడిన మెరుపులు, బలమైన గాలులు గంటకు 40-50 కి.మీ. వేగం తో వీచే అవకాశం ఉంది.
దక్షిణ కోస్తా ఆంధ్రప్రదేశ్ :-
——————————–
ఆదివారం : – తేలికపాటి నుండి ఒక మోస్తరు వర్షాలు లేదా ఉరుములతో కూడిన జల్లులు ఒకటి లేదా రెండు చోట్ల కురిసే అవకాశముంది .
ఉరుములతో కూడిన మెరుపులు, బలమైన గాలులు గంటకు 40-50 కి.మీ. వేగం తో వీచే అవకాశం ఉంది.
సోమవారం, మంగళవారం :- తేలికపాటి నుండి ఒక మోస్తరు వర్షాలు లేదా జల్లులు ఒకటి లేదా రెండు చోట్ల కురిసే అవకాశముంది.
బలమైన గాలులు గంటకు 40-50 కి.మీ. వేగం తో వీచే అవకాశం ఉంది.
రాయలసీమ :-
——————-
ఆదివారం, సోమవారం, మంగళవారం : – తేలికపాటి నుండి ఒక మోస్తరు వర్షాలు లేదా జల్లులు ఒకటి లేదా రెండు చోట్ల కురిసే అవకాశముంది.
బలమైన గాలులు గంటకు 40-50 కి.మీ. వేగం తో వీచే అవకాశం ఉంది.