ఏపీ ఓటర్ల లిస్ట్ లో దీపికా, కాజల్..!

ఆంధ్రప్రదేశ్ ఓటర్ల లిస్ట్ పై ఇప్పటికే చాలా అనుమానాలు ఉన్నాయి. దీని మీద అధికార, విపక్షాల మధ్య మాటల యుద్ధం కూడా నడుస్తోంది. ఇది అంతా ఒకవైపు అయితే.. మరోవైపు మన రాష్ట్రానికి సంబంధం లేని వాళ్ళందరూ కూడా ఓటర్ల లిస్ట్ లో బయటపడుతున్నారు. అదీ కూడా సెలబ్రిటీస్.

అసలు విషయం ఏంటంటే.. బాలీవుడ్ స్టార్ హీరోయిన్ దీపికా పదుకొనేకు మన రాజమండ్రిలో ఓటు హక్కు కల్పించారు ఎన్నికల అధికారులు. రాజమండ్రి రూరల్ నియోజకవర్గ జాబితాలో ఇది దర్శనమిచ్చింది. అయితే ఇక్కడే చిన్న తిరకాసు ఉంది..  పేరు దీపికా ది ఉంటే.. ఫోటో మాత్రం మన టాలీవుడ్ చందమామ కాజల్ అగర్వాల్ ది ఉండడం విశేషం. ఇక ఈ విషయంలో అధికారుల తీరుపై ఆగ్రహం వ్యక్తం చేస్తున్నారు ప్రజలు. ఒక ప్రక్క ఓటర్ల లిస్ట్ విషయంలో పెద్ద ఎత్తున చర్చ జరుగుతుంటే.. కనీసం కూడా జాగ్రత్త తీసుకోరా అని ప్రజలు మండిపడుతున్నారు.