మచిలీపట్నం సబ్‌ జైలుకు కొల్లు

మోకా భాస్కర్‌రావు హత్యకేసులో పోలీసులు అరెస్ట్ చేసిన మాజీ మంత్రి కొల్లు రవీంద్రను మచిలీపట్నం సబ్‌ జైలుకు తరలించారు. రాత్రి తునిలో అరెస్ట్ చేసిన పోలీసులు కృష్ణా జిల్లా గూడురు పోలీస్‌ స్టేషన్‌కి తరలించారు. అక్కడే ఉదయం వైద్య పరీక్షల అనంతరం వీడియో కాన్ఫరెన్స్‌ ద్వారా కొల్లు రవీంద్రను మేజిస్ట్రేట్‌ ముందు హాజరు పరిచారు. మోకా భాస్కర్‌రావు హత్యకేసులో ఆయన పాత్ర ఉందని తేలడంతో కొల్లు రవీంద్రకు న్యాయస్థానం 14 రోజులపాటు రిమాండ్‌ విధించింది. దీంతో ఆయన్ని పోలీసులు మచిలీపట్నం సబ్‌జైలుకు తరలించారు.